aMatiyu 6:22 - Izere New Testament

²² “Anyisi se kyo̱ndi apitila kuro̱m. Ke anyisi wan nye atser, kuro̱m wan cice̱r ta se na akanang.

aMatiyu 6:22 Referans Kwoze

2 aKoranti 11:3

Amma mi fok inyim ye ike̱ng iya i tase aHawa ta ka se̱ yin. Iwhen tu wo̱ro̱k be ritse̱ng wu ma a nye rine̱n. Anong ne a ta kyem a sak kuto̱ro̱ng yin ta te kpe̱de̱ng, fan yin bun won dar i no̱o̱k yin rice yin cice̱r nong ta se yin zhe̱l nasho̱o̱n aKiristi baꞌ.

aKolosi 3:22

Yin ásam, fok yin atek kasa yin kuto kaye̱e̱r koakye kuri ike̱ng. Sang tu nye yin kamok ba ta min sak anyisi natoon yin baꞌ, ye nong ase̱ a ta ka kerek yin tsek baꞌ. Amma nye yin be riye̱ rizining kyo̱ndi áner a ta fok inyim Agwo̱m Ágwo̱m.

Afisa 6:5

Yin ásam, kuus yin ike̱ng iya átekasa yin áfe kazatse ta fe̱ be yin be inyim ne ikap kutiim be riye̱ rizining kyo̱ndi aKiristi ne yin sen ku nye yin'e.

Itomong Ámanzo 2:46

Á ya kasho̱o̱n be kunyiis koakye katuk kaye̱e̱r Agbang Kutu Kuya Adakunom iben. Á ya naya mak ninasa ba kaye̱e̱r riye̱ rikan be riye̱ rizining.

aMatiyu 5:15

A te kuro̱ng na apitila, ne a bun a whe̱e̱n baꞌ. A sak na agarang nong koangan a tana no̱ ta di akanang'e.