aMatiyu 6:16 - Izere New Testament

¹⁶ “Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 6:16 Referans Kwoze

aLuka 18:12

Mi nye azumi kutak kufa na asate ne i nyesek izining kaye̱e̱r kuso̱k koakye mi ta se̱.’

aMarkus 2:18

To̱, nizen iyong álimazhiri aYohana aner abatisma ne áner aFarisi sen nye azumi. Áner ákak be̱ nufe aYeso nong á tú ku rip ye, “Akye̱ sak álimazhiri aYohana ne áner aFarisi tá nye azumi amma afuan ta sen yas e̱?”

Itomong Ámanzo 14:23

aBulus be aBarnabas tú kasa ba áko̱k kasho̱o̱n ikilisiya be kunye aduwa ne azumi ne á ku won ba nubo̱k Agwo̱m Ágwo̱m aya ba tin no̱o̱k katsak.

aMatiyu 6:5

“Izen iya ne yin tà nye yin aduwa, sang tu nye yin kyo̱ndi ákardak áner ta nye baꞌ, kamok ba shim kunye aduwa nunyeseng kaye̱e̱r atu aduwa ba ni ikim iren nong ánerawe ta ka di ba. Won ta ka tak yin katsak'e, ba n shan ishorong ba cei nakuruk.

aMatiyu 6:2

“Kamok anong, izen iya ne yin no̱o̱k yin aner aya a ta se kaye̱e̱r kutse̱r, sang tu tsang i taas yin kyo̱ndi ákardak áner ta nye natu aduwa ni ikim iren nong á ta se̱ kuyiik nufe ánerawe baꞌ. Won ta ka tak yin katsak'e, ba n se̱ ishorong ba cei nakuruk.

2 aKoranti 11:27

Mi n nye itomong dide̱ng, mi n so̱ risam dide̱ng, mi n so̱ kuko̱s dar ida, mi n so̱ kusor be izong be kuto̱ kukoor nizen ikak dar naya, kuwun ti shirim ne i sor ica'me.

1 aKoranti 7:5

Sang tu naka roon yin'e baꞌ, ma ke i ti sak yin ta nye yin anong kaye̱e̱r izen cie̱k nong ase̱ tin te yin rice ni inye aduwa. Nama anong ne yin bun i nyim yin fan Ishetan ba ka te yin afartak kamok kudun kuyiir rice yin.

aLuka 2:37

ne amitek'e ku. A sor akumung ma aye̱ iso̱k ikara be anaas, a kam be agbang kutu kuya Adakunom iben ze̱e̱r baꞌ. A yiir ya Adakunom iben katuk be kunom ne a nye azumi be aduwa.

2 aKoranti 6:5

be itsor ne a ni tes yir nitso̱m be kuren ne amaan itomong be kuko̱s dar ida be kusor be izong.

Itomong Ámanzo 10:30

aKoneliyus fe̱ be wu ye, “Mi se kari ninye aduwa kaye̱e̱r inom inaas i tá gor nitso̱m itaar ife kunom. Aner akak be ares akan ma a gye̱se̱m be̱ a tá nyeseng nasho̱o̱n'i.

aMatiyu 6:1

“Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.