aMatiyu 6:12 - Izere New Testament

¹² Ni re̱ng yir rine̱n yir, kyo̱ndi yir tá re̱ng yir áya afe a tin nye yir rine̱n.

aMatiyu 6:12 Referans Kwoze

Afisa 4:32

Sor yin gye̱r be áfudang yin, naka di yin be kuro̱ riye̱ ne i naka nye yin igaas kyo̱ndi Adakunom ta ka re̱ng yin rine̱n yin kaye̱e̱r aKiristi.

aMarkus 11:25

Izen iya yin no̱ yin ninye aduwa, ke yin be yin ike̱ng ikak be akak kaye̱e̱r riye̱ yin, ku re̱ng yin'e, nong Ada yin afe a ta se kaye̱e̱r kaza tà ma ka re̱ng yin rine̱n yin gip.

Afisa 1:7

Kamok wu Adakunom ti sheshek yir be kunyosong naso̱k aYeso, ne yir se̱ yir kure̱ng rine̱n. A nye anong kamok agbang ritek wu,

aKolosi 3:13

Naka tsesek yin be áfudang yin, ke akak kaye̱e̱r yin nye afudang wu rine̱n ne a ku re̱ng'e. Naka re̱ng yin rine̱n yin kyo̱ndi Agwo̱m Ágwo̱m ta ka nye yin'e.

aLuka 11:4

Ni re̱ng yir rine̱n yir, kamok yir ta re̱ng yir áya a tin nye yir rine̱n. Sang tu tseng be yir naro̱ afe a tana sen bo̱mo̱ng yir baꞌ.’ ”

aLuka 6:37

“Sang tu to̱ yin akak amok baꞌ, fan a ba ka to̱ yin'e. Sang tu te̱n yin akak amok baꞌ, fan a ba ka te̱n yin'e. Re̱ng yin ákak rine̱n ba, nong a tà ma ka re̱ng yin rife̱ yin.

Itomong Ámanzo 13:38

“Kamok anong ároneng, mi shim ke yin ren yin ye ike̱ng iya aYeso ta nye ne i sak a ta taas yin itak kure̱ng rine̱n.

aMatiyu 9:2

Áner akak tu ku be̱e̱n aner akak kuro̱m tá we̱ abas azining ni ike̱ng kameneng. Nizen iya aYeso tá di kuno̱o̱k katsak ba, yong a fe̱ be aner kuro̱k'e ye, “Igon'i, tu daam baꞌ, a ma ka re̱ng rine̱n wan.”

aMatiyu 26:28

Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.

aLuka 13:4

Ka ánerawe kuso̱k be ikara á tá kus nizen rino̱k tin kpa natoon ba na aSiluwam, yin di yin ye rine̱n ba nar rife ribir ánerawe á tá se na aUshalima cei a?