aMatiyu 6:10 - Izere New Testament

¹⁰ rigwo̱m wan tu be̱, a tu nye ike̱ng iya wan ta shim kaye̱e̱r kazatse, kyo̱ndi a ta nye kaye̱e̱r kaza.

aMatiyu 6:10 Referans Kwoze

Ibrani 10:36

Tsesek yin, ta se̱ yin ike̱ng iya Adakunom tá no̱o̱k kuto̱ ye a tà ka no̱o̱k ke yin nye yin ike̱ng iya wu ta shim.

aYohana 4:34

Ne aYeso fe̱ be ba ye, “Naya mi nye tu nye ike̱ng wu aya a tin tom ta shim ne i gang itomong wu.

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

aMatiyu 12:50

Kamok koangan, afe a ta nye ike̱ng iya Ada mi afa a ta se kaye̱e̱r kaza ta shim, ne a nye ango̱ mi be áronyining'i ne ángasnyining'i.”

1 aTasalonika 5:18

Koakye kuri ike̱ng ne i ta se̱ yin, tonong yin riye̱ rikan be Adakunom kamok iyong ne i nye kushim wu be yin áya a ta se kaye̱e̱r aYeso Kiristi.

aRom 12:2

Sang tu ba kuus yin kuse kuri kufe kazatse na baꞌ, amma won yin Adakunom ta ka shishing yin kuto̱ro̱ng yin. Be anong ne yin ta shan yin ike̱ng iya Adakunom ta shim, ike̱ng iya i ta nye itek, iya wu tana fok kusas'e ne ike̱ng wu ta shim dim.

aYohana 6:40

Kamok kushim Ada mi nye ye, koangan afe a tin sak anyisi na Igon'e ne a ni no̱o̱k katsak, a tà se̱ kutser kufe izen izen, ne mi ku dorok katuk igang'e.”

aKolosi 1:9

Kamok anong ne isak kum nizen iya yir tá fok yir itak natoon yin, yir won kunye yir aduwa kamok yin baꞌ. Yir nye yir izong ye Adakunom ra ka tonong yin ike̱ng iya wu ta shim dim nong ase̱ yin ta se̱ yin kukyem Kabik, ne i ren yin ike̱ng kunye.

Afisa 6:6

Sang tu nye yin nong ta ka kare̱p yin ba aye̱ ka kamok ba ta ka ye̱re̱k yin tsek baꞌ, amma kyo̱ndi ásam aKiristi ne i nye yin ike̱ng iya Adakunom ta shim be riye̱ rizining.

aMatiyu 7:21

“Sang koangan afe a tin yis ye, ‘Agwo̱m Ágwo̱m’ ne a tà no̱ kaye̱e̱r kaza baꞌ, ma ke aya a tá nye ike̱ng iya Ada mi aya a ta se kaye̱e̱r kaza ta shim.

1 aBitrus 2:15

Kamok Adakunom shim yin tu nye yin katsak fan aner aya a ta be akpe̱de̱ng kuto̱ natoon yin bu se ike̱ng rife̱.

Ibrani 13:21

ta ka no̱o̱k yin koakye ike̱ng i ta nye itek, nong ta nye ike̱ng iya wu ta shim. Won wu tu nye ike̱ng iya i tu ku se gye̱r be yir kaye̱e̱r aYeso Kiristi. Won kuyiik tu sor kufu ma izen izen. Anong!

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aLuka 22:42

“Ada, ke wan shim ne i ni sok risam na, amma sang i tu nye kushim'i baꞌ, ike̱ng iya wan ta shim.”

aYohana 7:17

Aner aya a ta shim a ta nye ike̱ng iya Adakunom ta shim, a ta ren ye kubo̱so̱p'i ne nufe Adakunom, sang kufe rice mi.

Ike̱ng a ta tonong aYohana 19:6

Iyong mi bun i fok kuto̱ kukak kyo̱ndi riwo̱ng rigwo̱m ánerawe, kyo̱ndi ashi ta wo̱k, kyo̱ndi iza ta tasak. Mi fok á ta fe̱ ye, “Adide̱nge̱ng Adakunom! Kamok Ada Adakunom yir ayiik'e ne a se be rigwo̱m.

1 aTasalonika 4:3

Kushim Adakunom se ye: yin ra sor yin zhe̱l; won yin kunye rikuna.

Itomong Ámanzo 21:14

A tá fa gaar kufok rife̱ yir yong i tú ku won yir durwe̱e̱r'e i ta fe̱ yir ye, “Won Agwo̱m Ágwo̱m tu nye ike̱ng iya wu ta i se gye̱r.”

Itomong Ámanzo 13:22

Nama Adakunom tá sak Ashawulu won rigwo̱m'e ne a sak aDauda ye, ‘Mi n se̱ aDauda a ta nye aro̱m aZhese, aner afe mi ta shim kaye̱e̱r riye̱ mi. A ta nye koakye kuri ike̱ng ife mi ta shim ke wu nye.’

aMatiyu 4:17

Kum be izen iyong aYeso san awazi, ye; “Shishing yin kuse yin kamok rigwo̱m kaza m be̱ bubarak.”

Ike̱ng a ta tonong aYohana 12:10

Iyong mi fok kuto̱ kukak kanang natoon kaza ku ta fe̱ ye, “Kyo̱o̱rname, kashesh be kukyem ne rigwo̱m Adakunom yir ne kukyem aKiristi wu m be̱. Kamok an barak aner aya a tá tsees kukun áronyining yir kaben, wu aya a ta yiir nye kukun áronyining yir nasho̱o̱n Adakunom katuk be kunom.

1 aBitrus 4:2

Kamok anong, yin ba bun a sor yin kusor kuri kufe kazatse na be kukuus amaan kushim riye̱ yin baꞌ, amma yin nye yin ike̱ng iya Adakunom ta shim.

Ibrani 10:7

Iyong mi fe̱ ye, ‘Mi na, Adakunom mi, mi m be̱ nong mi ta nye ike̱ng iya wan ta shim, kyo̱ndi i ta se ni izibir natoon'i, kaye̱e̱r Kufumung rife̱ Adakunom.’ ”

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

aMarkus 3:35

Koangan afe a ta nye ike̱ng iya Adakunom ta shim, nye ango̱ mi ne áronyining'i ne ángasnyining'i.”

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMarkus 11:10

“Kube̱ rigwo̱m ada yir aDauda nye ike̱ng riye̱ rikan!” “Nakerek nye nafe Adakunom!”

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

Ike̱ng a ta tonong aYohana 20:4

Iyong mi di ítsik rigwo̱m whe̱re̱ iya áya a ta ma ka no̱o̱k ba kukyem kuto̱ ánerawe amok ta min sosok natoon'e. Ne mi di nabik áner aya a tá te̱se̱ng ace ba ye kamok ba tá yiir katsak natoon aYeso ne rife̱ Adakunom. Ba ne á gaar kuya kukewum ame iben ka ike̱ng iya a tá nye kyo̱ndi wu ne á gaar a tá ka tse̱k ba izizo̱ kukewum ame nanati ba ka nibo̱k ba ayi. Á bun á dorok be kutser nong á ta nye rigwo̱m mak be aKiristi aye̱ izungu izining.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.

aKolosi 1:13

Kamok wu ne a ti tun yir kaye̱e̱r rigwo̱m awhi, a tá tseng be yir kaye̱e̱r rigwo̱m Igon wu kaya wu ta shim.

aLuka 19:11

Kum ne á ru foos ike̱re̱ na, aYeso ya kasho̱o̱n be ku ka taas ba kumaas, kamok a se bubarak be aUshalima, ba sor ye rigwo̱m Adakunom'me tà wor ri be̱ nizen izining.

Itomong Ámanzo 22:14

“Iyong Ananiya'me fe̱ be mi ye, ‘Adakunom átukop yir ma ka kasa nong ta ren ike̱ng iya wu ta shim. Wan ta di Aner Azhe̱l'e na, ne i fok rife̱ wu.