aMatiyu 6:1 - Izere New Testament

¹ “Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.

aMatiyu 6:1 Referans Kwoze

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

aYohana 12:43

kamok ba shim nakerek nufe ánerawe ne á nar nufe Adakunom.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

aLuka 16:15

aYeso fe̱ be ba ye, “Yin ne i shim yin ánerawe ta ka di yin ye yin nye yin áner katsak, amma Adakunom ren aye̱ yin. Ike̱re̱ ánerawe ta di yiik i se fe̱re̱ nufe Adakunom.”

aGalati 6:12

Áner aya a ta shim yin tu ku di ba kyo̱ndi ba nye ike̱ng ikak, a shim a ta ka sak yin ta nye yin izhak. Ike̱ng i ta sak ba ta nye anong, nye fan a ba ka tabak ba kamok itak kutigak aKiristi.

aYohana 5:44

Ane̱ ne yin tà no̱o̱k yin katsak'e, yin ta tse̱r yin nakerek nufe ánerawe, amma sang i tse̱r yin nakerek nufe Adakunom wu ze̱e̱r baꞌ e̱?

2 aYohana 1:8

Kamok anong sak yin riye̱, fan yin bin wei yin nishorong itomong yin, amma nong ta se̱ yin ishorong yin mumak nufe Adakunom.

aMarkus 8:15

aYeso tu ko̱ro̱k ba kuto ye, “Nye yin tatan be ayisti áner aFarisi ne aHiridus.”

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 16:6

Ayong aYeso fe̱ be ba ye, “Nye yin tatan be ayisti áner aFarisi ne áfe aSadusi.”

aLuka 12:15

Ne aYeso fe̱ be ba ye, “Sak yin riye̱, ne i nye yin tatan be koakye kuri amaan kuye̱re̱k, kamok kube ike̱ng whe̱r ne kunye kusor kutek baꞌ.”

aMatiyu 5:48

Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

aLuka 11:35

Kamok anong, sak riye̱ be akanang wan tá be, kashim a nye awhi.

aLuka 12:1

Nizen ánerawe whe̱re̱ ta nyim ma á naka shesh, aYeso fe̱ be álimazhiri wu ni ime̱se̱ng'e ye, “Nye yin tatan be ayisti áner aFarisi. aYisti'me nye akardak kuse ba.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 5:46

Kamok ke yin shim yin áya a ta ka shim yin tsek, ishorong akye̱ ne yin ta se̱ yin nufe Adakunom e̱? Anong ne áfe kushashang itso̱m iben nye gip.

aMatiyu 23:13

“Awo̱ be yin áner kubo̱so̱p ánerawe Itsi ne áner aFarisi, yin ákardak áner. Yin te̱ne̱ng yin ánerawe iren kuno̱ kaye̱e̱r rigwo̱m kaza amma yin, yin no̱ yin baꞌ, yin won yin áfe a ta shim kuno̱ á ta no̱ baꞌ.

aMatiyu 6:9

“Ana ne yin ta nye yin aduwa, “ ‘Ada yir afe a ta se kaye̱e̱r kaza, won riyerek wan tu sor zhe̱l,

Ibrani 2:1

Kamok anong, i ni barang yir ku ni sak yir riye̱ natoon ike̱re̱ i tan fok yir fan i bu te yir titak ta won yir iren'e.

Ibrani 11:26

A nar kushim a tá fok isum kamok aKiristi be a tana sor kaye̱e̱r kurum aMasar, kamok a tsang a ni te riye̱ nishorong wu.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

Itomong Ámanzo 3:12

aBitrus tá fa di anong, yong a fe̱ be ba ye “Áner Isarela, kamok akye̱ yin te yin zhing ana e̱? Kamok akye̱ yin ti ye̱re̱k yir kyo̱ndi yir ne i sak yir aner na tá tseng be kukyem rice yir ka kamok yir ta ren i kuus yir rife̱ Adakunom gye̱r e̱?