aMatiyu 5:48 - Izere New Testament

⁴⁸ Kamok anong, shining yin, kyo̱ndi Ada yin afe a ta se kaye̱e̱r kaza ta shining.

aMatiyu 5:48 Referans Kwoze

aYakub 1:4

Ku naka tsesek yin ta tseng ma nigang'e, nong ase̱ yin ta shining yin, ne kyem yin sang ta raar yin nikeng ikak baꞌ.

aLuka 6:36

Be yin kuro̱ riye̱ kyo̱ndi Ada yin ta be kuro̱ riye̱.

aKolosi 1:28

Iyong ne i sak yir ta taas yir itak aKiristi, yir kpam yir koangan ne ibo̱so̱p yir ánerawe'me be koakye kuri kukyem yir nong ta tseng yir be koangan mumak kaye̱e̱r aKiristi.

1 aYohana 3:3

Kamok anong, koangan a tin te riye̱ wu ye wu ta se kyo̱ndi aYeso ne a won kunye rine̱n nong a ta sor zhe̱l kyo̱ndi aYeso'me.

2 aKoranti 7:1

Ároneng afe riye̱ mi, kum yir tan se̱ yir rife̱ Adakunom anong. Kamok anong, won i tu kam yir be ike̱ng i tana sak kuro̱m yir ne kabik yir tana won dar se zhe̱l, won i tu sor yir zhe̱l dar rizik kamok inyim Adakunom.

aLuka 6:40

Aner a ta sen bo̱so̱p ike̱ng kun nar aner a tu ku bo̱so̱p'e baꞌ, amma koangan a tú ku bo̱so̱p'e gye̱r tà te kyo̱ndi aner a tú ku bo̱so̱p'e.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aKolosi 4:12

Abafaras a ta nye azining kaye̱e̱r yin ne a bun a nye asam aYeso Kiristi ta nye yin ashou. A yiir rus ne a ka nye yin aduwa dide̱ng koakye izen nong yin ta kyem i nyeseng yin be agap ne i nye yin ike̱ng iya Adakunom ta shim. Kyo̱ndi áya a ta min no̱o̱k katsak na Adakunom be riye̱ rizining.

2 aKoranti 13:9

Yir nye yir riye̱ rikan ke yir se yir gbe̱re̱k, amma ne yin se yin gbugbong. Yir nye yir aduwa ye yin ta shining yin.

2 aKoranti 13:11

Ni igang'e, ároneng, ma yin katuk kakak. Naka tsesek yin nong ta shining, fok yin izong'i, sor yin be riye̱ rizining, sor yin caang. Be anong ne kushim Adakunom ne kameneng riye̱ ta se mak be yin.

Afisa 3:1

Kamok anong, mi aBulus a min te nitso̱m kamok aYeso aKiristi ne kamok yin áya sang yin ta nye yin áner aYahuda baꞌ.

aMatiyu 5:47

Ke yin nye shou yin áferime̱ yin tsek, to̱, akye̱ ne yin nye yin ife ita nar ife ribir ánerawe e̱? Áfurin gip á nye anong.