aMatiyu 5:46 - Izere New Testament

⁴⁶ Kamok ke yin shim yin áya a ta ka shim yin tsek, ishorong akye̱ ne yin ta se̱ yin nufe Adakunom e̱? Anong ne áfe kushashang itso̱m iben nye gip.

aMatiyu 5:46 Referans Kwoze

aMatiyu 11:19

Igon Anerawe be̱ a yas ne a so̱, yong ba fe̱ ye a ma ka yas ne a so̱, ne a nye rime̱ be áfe kushashang itso̱m iben ne áfe rine̱n. Gip be anong mi di kukyem Adakunom be itomong wu.”

aLuka 18:13

“Amma afe ku shashang itso̱m iben ame nyeseng gugo̱k, a kyem a sok anyisi naza baꞌ, a korok ibo̱k nafok a tá fe̱ ye, ‘Adakunom, ro̱ riye̱ mi, mi nye afe rine̱n.’

aLuka 15:1

Katuk kakak, áfe ku shashang itso̱m iben ne “áfe rine̱n” naka tusung nong á ta foos aYeso.

aMatiyu 18:17

Ke a gaar ku ka fok ba ne wan tak áfikuus; ke a bun a gaar rife̱ áfikuus'e gbak ne a ku sok kyo̱ndi afurin, aya a ta gaar kushishing kuse wu.

aMatiyu 6:1

“Nye yin tatan, fan kunye kutek yin bu se nong ánerawe tà di. Ke yin nye yin anong yin ta se̱ yin ishorong nufe Ada yin aya a tase kaye̱e̱r kaza baꞌ.

aLuka 19:7

Ánerawe cice̱r tá fa di anong, ne á san anyinye̱m ye, “A be numa aner rine̱n.”

aLuka 19:2

Aner akak tuse azong riyerek wu tá nye aZaka. A nye agbang'e kaye̱e̱r áfe ku shashang itso̱m iben, ne a nye arum'e dide̱ng.

aMatiyu 5:47

Ke yin nye shou yin áferime̱ yin tsek, to̱, akye̱ ne yin nye yin ife ita nar ife ribir ánerawe e̱? Áfurin gip á nye anong.

aMarkus 2:15

Katuk kakak, aYeso mak be álimazhiri wu se naya nasa aLawi. Áfe kushashang itso̱m iben ákak whe̱re̱ ne áfe rine̱n sen ya naya'me mak be wu ne álimazhiri'me, kamok ánerawe whe̱re̱ ne á tsang ku kuus.

aMarkus 2:16

Nizen iya áner kubo̱so̱p Itsi ákak a tá nye áner aFarisi tá di aYeso ta sen yas be áfe rine̱n'ong ne áfe kushashang itso̱m iben. Iyong á rip álimazhiri wu ye, “Akye̱ sak wu tá yas be áfe kushashang itso̱m iben ne ‘Áfe rine̱n e̱?’ ”

aLuka 3:12

Áfe kushashang itso̱m iben be̱s nong á tà ka nye ba abatisma gip, ne á rip ye, “Aner kubo̱so̱p, akye̱ ne yir ta nye yir e̱?”

aLuka 5:29

Ayong aLawi'me nye agbang riye̱ rikan kari wu kamok aYeso. Áfe ku shashang itso̱m iben ne áner akak whe̱re̱ be̱s nong á tá be ya naya mak be ba.

aLuka 5:30

Áner aFarisi ne áfe kubo̱so̱p Itsi aya a ta se nigung rice ba san anyinye̱m be álimazhiri wu ye, “Akye̱ sak yin yas ne i so̱ yin be áfe ku shashang itso̱m iben ne áfe rine̱n e̱?”

aLuka 7:29

Cice̱r ánerawe'me be áfe ku shashang itso̱m iben gip tá fa fok rife̱ aYeso, ne á fe̱ ye iren Adakunom nye katsak kamok aYohana tsang á ku nye ba abatisma.

aLuka 7:34

Igon Anerawe be̱, a ya ne a so̱, yong yin fe̱ yin ye, ‘A mak a yas, ne a nye rime̱ be áfe kushashang itso̱m iben ne “áfe rine̱n.” ’