aMatiyu 5:37 - Izere New Testament

³⁷ Ike̱ng iya yin tana fe̱ yin tsek nye, ‘Ei’ ka ‘Wayo’ ayi. Koakye i ta bun i nar anong ne nufe Amaan aner.

aMatiyu 5:37 Referans Kwoze

aYakub 5:12

Aroneng'i nama anong, tu shu yin baꞌ, be kaza ka kazatse ka be ikeng ikak ze̱e̱r baꞌ, won a “Ei” yin tu sor a “ei,” ne a “Wayo” yin tu sor a “wayo,” ke a ta ka to̱ yin amok.

aKolosi 4:6

Won rife̱ yin tu sas kufok nong ase̱ yin ta ren yin kuri iren iya yin tana fe̱ yin be koangan aya a tana ka nye yin kurip.

aKolosi 3:9

Sang tu naka bo̱s yin abo̱o̱s baꞌ, kum yin tan kam yin be kuse yin kufe agbugbang ne amaan kunye'ong,

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

Afisa 4:25

Kamok anong koangan kaye̱e̱r yin ra won naborok nong a tà tak afegbak wu katsak, kamok cice̱r yir i nye yir áner aner azining.

2 aTasalonika 3:3

Amma Agwo̱m Ágwo̱m yir be katsak, a tà ka tsesek yin ne a ka fek yin nubo̱k amaan aner'ong, a ta nye Ishetan.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

aMatiyu 13:38

Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

1 aYohana 5:18

Yir ren yir ye koangan afe a ta nye igon Adakunom ta ya kasho̱o̱n be kunye rine̱n baꞌ, kamok aYeso aya a ta nye Igon Adakunom tà fek aner'e. Ishetan ta kyem a ku nye ike̱ng ikak baꞌ.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

1 aYohana 2:13

Mi ta zibir yin'e, aya i tan kyem yin ánerawe nabik kamok yin n ren yin aKiristi'me. A se kum ni ime̱se̱ng'e. Mi ta zibir yin'e aya i ta ru nye yin acam nabik, kamok yin n canang yin Ishetan a ta nye Amaan Aner. Mi ta zibir yin'e, aya i ta ru nye yin inoon nabik kamok yin ren yin Adakunom aya a ta nye Ada yir.

1 aYohana 3:12

I tuse yir kyo̱ndi aKayinu baꞌ. A tá nye afe Ishetan ma a fe̱r aronyining wu. Akye̱ sak a tá fe̱r aronyining e̱? Kamok kunye wu nye kumaan'e ne kufe aronyining se gye̱r nasho̱o̱n Adakunom.

aYohana 17:15

Sang i se ye mi nye aduwa'me ye wan ra ka tun ba kaye̱e̱r kazatse baꞌ, amma ye wan ru ku fek ba nubo̱k Amaan Aner.

aMatiyu 15:19

Kamok kaye̱e̱r riye̱ ne amaan kuto̱ro̱ng nes, ike̱re̱ kyo̱ndi kufe̱r akak, be rikuna, ne kunyiis kuro̱m kpe̱de̱ng, be itsang, ne abo̱o̱s, be kukas Adakunom.

aMatiyu 5:36

Sang tu shu be rice wan baꞌ, kamok wan ta kyem i sak kakuyong kazining ta te kakan ka kawe baꞌ.

Afisa 6:16

Awan anong tsek baꞌ, won kuno̱o̱k katsak tu sor ikpaar yin, iya yin tanin riming yin kuro̱ng afer amaan aner'ong.