aMatiyu 5:32 - Izere New Testament

³² Amma kyo̱o̱rna'me, ike̱ng iya mi ta sen fe̱ be yin se ye, ke aner akak kam be abining wu ye, sang ke ise ye abining'e nye rikuna baꞌ, to̱, i te kyo̱ndi wu ne a tu te kaye̱e̱r rikuna'me ingya. Aner aya ne a sok abining'e, a nye rikuna.

aMatiyu 5:32 Referans Kwoze

aRom 7:3

Kamok anong, ke a bun a nye kuwe̱ne̱ng kukak ne amitek'e ru nye atser, to̱, ne a fe̱ ye a nye rikuna. Amma ke amitek'e ku, a ta bun a sok amitek akak, iyong tonong ye a nye rikuna baꞌ, kamok kuwe̱ne̱ng akak ba se rice wu baꞌ.

aLuka 16:18

“Koangan ne a kam be abining wu nong a ta sok akak, i nye ye a nye rikuna be abining'e. Aner aya ne a sok abining aya a tá kam be amitek wu, i nye ye a nye rikuna.”

1 aKoranti 7:4

Kuro̱m abining kuwe̱ne̱ng nye kufu wu ze̱r baꞌ, kunye kufe amitek wu gip. Anong ne i se, kuro̱m aner a tá nye kuwe̱ne̱ng nye kufu wu ze̱r baꞌ, kunye kufe abining wu gip.

aMatiyu 5:28

Amma kyo̱o̱rna'me, mi ta tak yin ye, koangan ne a di aner abining a shim kaye̱e̱r riye̱ wu ye ke wu men be wu, a nye rikuna be wu kaye̱e̱r riye̱ wu.

aLuka 9:35

Ne kuto̱ kukak wuruk kaye̱e̱r kune̱n'e ye, “Ayu ne a nye igon'i, mi tan kasa. Ku fok yin kuto.”

aLuka 9:30

Ayong áner ákak ba afa ti wuruk ni wu be kuyiik, áner'e nye aMusa be Iliya,