aMatiyu 5:30 - Izere New Testament

³⁰ Ke kubo̱k riya wan tà sak wan tà nye rine̱n, tun nong ta barak. I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.

aMatiyu 5:30 Referans Kwoze

aMarkus 9:43

Ke kubo̱k wan ta sak wan ta nye rine̱n ne i te̱n. I ta ka nar ta no̱ kaye̱e̱r kasa kutser be kubo̱k kuzining be tana no̱ kaye̱e̱r kasa kuro̱ng be ibo̱k ifa. Naro̱ kuro̱ng'e ta ku nigaan'e baꞌ. [

aMatiyu 5:29

Ke rinyisi abas kubo̱k riya wan tà sak nong tà nye rine̱n, tun nong ta barak! I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.

1 aBitrus 2:8

I bun i se ni izibir naro̱ kakak ye, “Kuta'me sak ánerawe ta tu atak, ku sak ánerawe ta kpas!” Ánerawe'me ti tu atak kamok ba raba kukuus rife̱ Adakunom. Kamok anong ne Adakunom tsang sak afe a tá gaar kukuus rife̱ wu'me.

1 aKoranti 8:13

Kamok anong, ke ike̱ng iya mi tana ya ta sak aroneng ta nye rine̱n, mi ta ba ya ike̱ng'e baꞌ, fan mi bu ku sak a ta kpa.

aLuka 17:2

I ta nar ke a tu rosom kuta ako̱ nuto̱ nong a tu ku barak kaye̱e̱r agbang kudung be a tana sak azining kaye̱e̱r ázhizhe̱k'e na tana nye rine̱n.

aMatiyu 13:21

Amma sang a ra be atsip baꞌ, a sor nizen cie̱k tsek. Izen iya ne kudaam ka kutabak be̱ kamok rife̱ Adakunom'me ne a wor a kubun kama.

aLuka 12:5

Won tá ka tak yin aner aya yin tana fok yin inyim wu. Fok yin inyim Adakunom, aya nama a tá ka fe̱r ne a bun a be iren a tana ka te yin kaye̱e̱r kuro̱ng. Katsak'e ne mi tà tak yin, fok yin inyim wu.

aGalati 5:11

Ároneng, ke mi ru nye awazi natoon kunye izhak, to̱, akye̱ sak a ta ru ni tabak e̱? Ke i nye ye anong, i nye ye Rife̱ Ritek mi ta fe̱ natoon riku aKiristi nakon ta sak akak tin tu atak baꞌ.

aRom 9:33

Kyo̱ndi i ta se ni izibir rife̱ Adakunom ye, “Di yin mi n sak kuta kukak na aSihiyona ku tana sak ánerawe tanin tu atak, ne ku sak ánerawe tà kpas, amma aner aya ne a ti no̱o̱k katsak ni wu a tà fok isum baꞌ.”

aMatiyu 26:31

Ayong aYeso fe̱ be ba ye, “Natuk na, yin ta teng yin tin won yin. Kamok i se ni izibir ye, “ ‘Mi tà fe̱r áfek itsamang'e ne itsamang'e te shaam.’

aMatiyu 22:13

“Ayong agwo̱m'me fe̱ be ásam wu'me ye, ‘Rosom yin ibo̱k'e be atak'e nong tu ku barak yin nufang na awhi. Azong ne a tà tos ne a ya anyi.’

aMatiyu 25:20

Ayong aya a tú ku no̱o̱k íshika itoon ame be̱e̱n be itoon wu tin se̱ natoon'e. Ne a fe̱ be atekasa wu'me ye, ‘Atekasa, wan ti no̱o̱k íshika itoon, di, mi min se̱ íshika itoon natoon'e.’

aMatiyu 16:23

Amma aYeso kirik a tá fe̱ be wu ye, “Kam be mi, Ishetan, wan sor ike̱ng mi tanin turuk kutak. Wan to̱ natoon ike̱re̱ iya Adakunom ta shim baꞌ, ma ife rinerawe.”

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMatiyu 17:27

Gip be anong, nong fan ánerawe bu beseng aye̱ be yir, tseng nudung ta se te agunung wan. Sok izos ife ime̱se̱ng'e wan ta yiir nong ta ngamang kanu'me, wan tà se̱ ica itso̱m kaye̱e̱r'e. Sok tá su ku karang mo ba itso̱m inaan be ifuan.”

aMatiyu 18:8

Ke kubo̱k wan ka kutak wan tà sak wan ta nye rine̱n ne i te̱n nong ta barak. I ta ka nar wan tà se̱ kutser kufe izen izen dar kubo̱k ka kutak be wan tana no̱ nuro̱ng kufe izen izen be ibo̱k ifa ka be atak afa ayi.