aMatiyu 5:29 - Izere New Testament

²⁹ Ke rinyisi abas kubo̱k riya wan tà sak nong tà nye rine̱n, tun nong ta barak! I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.

aMatiyu 5:29 Referans Kwoze

aRom 8:13

Kamok ke yin sor yin kaye̱e̱r kuse rinerawe, yin tà kus yin. Amma ke yin sor yin kaye̱e̱r Kabik, ne yin won yin kunye rine̱n, yin ta se̱ yin kutser.

aKolosi 3:5

Kamok anong ni tun yin riye̱ natoon ike̱re̱ kazatse na, ike̱re̱ kyo̱ndi, kunye rikuna be kunye kpe̱de̱ng be rinyisi rikan be amaan kuse ne amaan kudi ike̱ng, iyong gip i se kyo̱ndi ku kuus itsi.

1 aKoranti 9:27

Wayo, mi no̱o̱k kuro̱m'i risam nong ase̱ ku tin me̱ ninye ike̱ng iya riye̱ mi ta shim, fan mi be rice mi a bin won kpe̱de̱ng nama mi tan taas ákak Rife̱ Ritek aYeso'me.

aRom 6:6

Yir ren yir ye an ti gak kuse yir kufe agbugbang kuri kufe rinerawe mak be wu fan ri bin be agap natoon yir. A nye anong fan i bu te yir ásam rine̱n baba.

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

aMarkus 8:36

Akye̱ kuri ike̱ng itek ne anerawe ta se̱, ke a se̱ kazatse na cei, amma ne a rin wei nutser wu e̱?

aMatiyu 19:12

Ákak ren ányining baꞌ, kamok á tu tes ba anong, ákak, ánerawe ne á tu ku sak ba á ta te anong. Ákak gaar kunye kuwe̱ne̱ng kamok rigwo̱m kaza. Aner a tana shan kubo̱so̱p na a ra shan.”

aMatiyu 10:28

Sang yin tu fok yin inyim áfe ku fe̱s ánerawe baꞌ, kamok á ta kyem a fe̱r kabik'e baꞌ. Fok yin inyim aner aya a tana kyem a te kabik be kuro̱m anerawe cei kaye̱e̱r kasa kuro̱ng ingya.

aMatiyu 23:15

“Awo̱ be yin áner kubo̱so̱p ánerawe Itsi ne áner aFarisi, yin ákardak áner! Yin tseng i gorok yin iwo̱p ze̱r ze̱r ne i tá sak yin agbang isho̱ng ni itse̱r aner azining aya a tana kuus iren yin. Ke i tu se̱ yin ne yin te yin be wu kyo̱ndi a ta nar yin kunye rine̱n.

aMatiyu 16:26

Akye̱ kuri ike̱ng itek ne anerawe ta se̱ ke wu se̱ kazatse na kusum, amma a ti wei nutser wu e̱? Ka akye̱ ne anerawe tà no̱o̱k nong a tin shishing be kutser wu e̱?

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMatiyu 23:33

“Yin íwhen, naban afomong, yin ta nye yin ane̱ ta whe̱r yin amok kasa kuro̱ng e̱?

aLuka 12:5

Won tá ka tak yin aner aya yin tana fok yin inyim wu. Fok yin inyim Adakunom, aya nama a tá ka fe̱r ne a bun a be iren a tana ka te yin kaye̱e̱r kuro̱ng. Katsak'e ne mi tà tak yin, fok yin inyim wu.

aMatiyu 5:30

Ke kubo̱k riya wan tà sak wan tà nye rine̱n, tun nong ta barak. I tà nar wan ti wei ribir kuro̱m wan be kuro̱m wan cice̱r tana no̱ kaye̱e̱r kasa kuro̱ng.

aMatiyu 11:6

Aner riye̱ rikan ne a nye aner aya a tin be agak riye̱ natoon mi baꞌ.”

aMatiyu 17:27

Gip be anong, nong fan ánerawe bu beseng aye̱ be yir, tseng nudung ta se te agunung wan. Sok izos ife ime̱se̱ng'e wan ta yiir nong ta ngamang kanu'me, wan tà se̱ ica itso̱m kaye̱e̱r'e. Sok tá su ku karang mo ba itso̱m inaan be ifuan.”