aMatiyu 5:19 - Izere New Testament

¹⁹ Koangan ne a won ike̱ng ikak ihiir'e kaye̱e̱r Itsi na nong a ta bo̱so̱p ánerawe'me anong, a tù ku yis ye, kaba hiir'e kaye̱e̱r rigwo̱m kaza, amma aner aya ne a ta kuus ike̱re̱'me cei ne a bo̱so̱p ánerawe'me anong, a tù ku yis ye, agbang aner kaye̱e̱r rigwo̱m kaza.

aMatiyu 5:19 Referans Kwoze

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 11:11

“Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik.

aTitus 3:8

Rife̱'me nye katsak. Kamok anong mi shim wan ta fe̱ rife̱'me ne i bun i toos'e, nong áya a ta min no̱o̱k katsak na Adakunom tà ya kasho̱o̱n be kuno̱o̱k rice ba nong á ta nye ike̱ng iya i ta nye itek. Ike̱re̱ na nye itek ne i se gye̱r be koangan.

Ike̱ng a ta tonong aYohana 2:20

Amma gip be anong, ike̱ng ikak kuse mi ta be be wan: Wan won abining'ong a tú ku yis ye aZhezebel, aya a tá sok rice wu ye wu nye aner kuzarap. Kubo̱so̱p wu sak ásam'i shaam á ta no̱ ninye rikuna ne á ya naya a ta nye kamok asidaka itsi.

aRom 6:15

To̱, iyong ane̱ e̱? Yir ta yiir nye yir rine̱n kamok sang Itsi i ti nye rigwo̱m natoon yir baꞌ amma ritek Adakunom e̱? Wayo, cie̱k!

1 aTimoti 6:11

Amma wan, aner Adakunom, kuteng ike̱re̱ na cei ni te rice wan ni itse̱r ike̱ng iya i ta se gye̱r nasho̱o̱n Adakunom, ike̱ng iya Adakunom ta shim, be kuno̱o̱k katsak ne kushim be ku naka tsesek ne kuse tatan.

aRom 6:1

Yir ta fe̱ yir ane̱ e̱? Ta ya yir kasho̱o̱n be kunye rine̱n nong ritek Adakunom tin barang a?

1 aBitrus 5:4

Nong ase̱ izen iya aKiristi aya a ta nye Agbang Afek ánerawe tana be̱, a ta ka no̱o̱k yin ribong rigwo̱m rife̱ kuyiik riya sang ri tana te rish baꞌ.

aLuka 11:42

“Awo̱ be yin áner aFarisi, yin nyesek yin izining kaye̱e̱r koakye ike̱ng kusok: ritun be akugang ne afumung a tin nyes gye̱r tatan, amma yin won yin katsak ne kushim Adakunom. Ike̱re̱ yin ta nye yin'ong se gye̱r, amma gye̱r ke yin nye yin iya i ta nye igbang'e gip.”

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aRom 3:8

Ke i se anong, to̱, ne “I ya yir kasho̱o̱n be amaan kunye nong ase̱ ritek tà be̱ a?” Ákak tin bo̱s yir abo̱o̱s ye yir fe̱ yir anong. Amok Adakunom tana to̱ áner kuri ayong, tin kyem niba.

Itomong Ámanzo 1:1

aTiyofilus, kaye̱e̱r kufumung'i kufe ime̱se̱ng'e kuya mi tá ka zibir'e, mi zibir natoon itomong iya aYeso tá san i nye'me cice̱r, ne iya a tá san kubo̱so̱p ánerawe'me,

aLuka 9:48

Ne a fe̱ be ba ye, “Aner aya ne a shan igon kahiir'e kyo̱ndi kayu kaye̱e̱r riyerek'i, i nye ye a ti shan. Aner aya ne a ti shan, i nye ye a shan aya a tin tom, kamok aner afe a ta mees rice wu ye wu raar kaye̱e̱r yin cei, wu ne a nye ayiik'e ne a nar.”

aLuka 1:15

Kamok a tà se yiik nasho̱o̱n Adakunom, a tà so̱ kugbe̱re̱ ka ike̱ng iya i tana ku sak a tà feng baꞌ. A tú ku shining be Kabik Kazhe̱l'e kum nutes wu.

aMatiyu 20:26

I se anong be yin baꞌ. Aya a ta shim a ta te agbang'e kaye̱e̱r yin ma a te asam yin cice̱r ingya.

1 aYohana 3:4

Koangan afe a ta yiir nye rine̱n tonong ye a rawu itsi Adakunom. Kunye rine̱n nye kuwon dar kukuus itsi Adakunom.