aMatiyu 5:18 - Izere New Testament

¹⁸ Katsak'e, ne mi ta ka tak yin, kaza be kaben tà gang, ko kaban ike̱ng ikak ihiir'e kaye̱e̱r afumung na ta wei baꞌ, ma koakye a ta fe̱ shining.

aMatiyu 5:18 Referans Kwoze

aLuka 16:17

I ta se we̱e̱r we̱e̱r kaza be kaben tana gang, amma ko kaban ike̱ng ikak ihiir'e kaye̱e̱r afumung Itsi na tà wei baꞌ.

1 aBitrus 1:25

amma rife̱ Agwo̱m Ágwo̱m tà sor ma izen izen.” Rife̱ na ne rinye Rife̱ Ritek riya a tá ka nye yin awazi'me.

aMarkus 13:30

Mi ta tak yin katsak'e, anerawe izam na ta kus baꞌ, ma ike̱re̱ na gor nizham.

Ike̱ng a ta tonong aYohana 20:11

Iyong mi di agbang itsik rigwo̱m rikak rikan be aner akak natoon'e. Kaza be kaben wor ka wei, akak ba di baꞌ.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.

aMatiyu 17:20

aYeso fe̱ be ba ye, “Kamok kuno̱o̱k katsak yin gop baꞌ. Won ta ka tak yin katsak'e, ke a fa fe̱ ye kuno̱o̱k katsak yin se hiir kyo̱ndi ica amusta ke yin kyem i fe̱ yin be kawhanang na ye, ‘Dorok aze ta be aza,’ ka tà dorok. Ike̱ng ikak tà ka gaar yin kunye baꞌ.”

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 13:17

Katsak'e ne mi ta ka tak yin, áner kuzarap whe̱re̱ ne áya a ta se gye̱r nasho̱o̱n Adakunom shim ke á di ike̱re̱ yin ta ye̱re̱k yin, á ra di baꞌ, ne á foos ike̱re̱ yin ta foos yin, á ra fok baꞌ.

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

aMatiyu 6:2

“Kamok anong, izen iya ne yin no̱o̱k yin aner aya a ta se kaye̱e̱r kutse̱r, sang tu tsang i taas yin kyo̱ndi ákardak áner ta nye natu aduwa ni ikim iren nong á ta se̱ kuyiik nufe ánerawe baꞌ. Won ta ka tak yin katsak'e, ba n se̱ ishorong ba cei nakuruk.

aMatiyu 5:26

Katsak'e, ne mi ta tak, wan ta kyem i wuruk baꞌ, ma ke wan karang kutiming'e cei nizham.

aYohana 21:18

Katsak'e ne mi tá ka tak, nizen iya wan tá ruresek acam, wan kyem i te rice wan ares ne i tseng koake̱ wan tá shim, amma izen iya ne wan kop, wan ta nabak ibo̱k nong akak ta ka te ares, ne a tseng be wan naro̱ kaya wan ta shim ta tseng baꞌ.”

aYohana 16:23

Katuk kayong yin tà bin rip yin ike̱ng ikak baba baꞌ. Katsak ne mi ta ka tak yin, Ada'me tà ka no̱o̱k yin koakye ike̱ng yin tana rip yin kaye̱e̱r riyerek'i.

aYohana 16:20

Katsak ne mi ta ka tak yin, yin tà tos ne i nye yin riye̱ riwe ne kazatse nye riye̱ rikan. Yin tà nye yin riye̱ riwe, amma riye̱ riwe yin tà kubun ri ta te riye̱ rikan.

aYohana 14:12

Mi ta tak yin katsak'e, koangan afe a tin no̱o̱k katsak ni mi, a tà nye ike̱re̱ iya mi tá nye. Ma i tà nar iya mi tá nye, kamok mi be nufe Ada'me.

aYohana 13:38

Ayong aYeso fe̱ be wu ye, “Katsak'e wan tà no̱o̱k rice wan kamok mi a? Katsak'e ne mi ta ka tak, nizham atso̱n ta ra te̱p, wan tà fe̱ ye wan ti ren baꞌ, kutak kutaar.

aYohana 13:16

Katsak'e, mi ta ka tak yin, asam nar atekasa wu baꞌ, ka atom ta nar aner a tu ku tom baꞌ.

aYohana 12:24

Katsak'e ne mi ta ka tak yin, sang ke a te ica naya kaben nong i ta bus baꞌ, i ta sor ica'me izining tsek. Amma ke i bus, to̱, ne i no̱o̱k íca whe̱re̱.

aYohana 10:7

Kamok anong, aYeso bun a fe̱ be ba gbak ye, “Katsak'e ne mi ta ka tak yin, mi ne i nye kanukutu itsamang'e.

aYohana 10:1

“Katsak'e ne mi ta ka tak yin, aner aya ne sang a no̱ naming ítsamang, nanu kaming'e baꞌ, amma a ngarak ni iren ikak, i nye ye, a nye akpatang.

aYohana 8:58

aYeso fe̱ be ba ye, “Katsak'e ne mi ta ka tak yin, nizham a tá ra tes Ibrahim ‘Mi Nye I Nye.’ ”

aYohana 8:51

Katsak'e ne mi ta ka tak yin, aner aya ne a kuus rife̱ mi, a tà ku baꞌ sam.”

aYohana 8:34

aYeso fe̱ be ba ye, “Katsak'e, mi ta ka tak yin, koangan ne a nye rine̱n a nye asam rine̱n.

aYohana 6:53

Ayong aYeso fe̱ be ba ye, “Katsak'e ne mi ta ka tak yin, ma ke yin ya yin rinam kuro̱m Igon Anerawe ne i so̱ yin naso̱k wu ke anong baꞌ, yin be yin kutser kaye̱e̱r yin baꞌ.

aYohana 6:47

Katsak'e ne mi ta ka tak yin, aner aya a tin no̱o̱k katsak ni mi, a be kutser kufe izen izen.

aYohana 6:32

Ne aYeso fe̱ be ba ye, “Katsak'e, mi ta ka tak yin, sang aMusa ne a tá ka no̱o̱k yin naya na tá ne natoon kaza'ong baꞌ, amma Ada mi ne a tá ka nyesek yin naya nafe katsak na ta ne naza.

aYohana 6:26

aYeso fe̱ be ba ye, “Katsak'e, mi ta ka tak yin, yin tsang ni itse̱r yin, kamok yin tá ya yin abiredi ame i tá whas yin amma sang kamok yin tá di yin itomong azhing iya mi tá nye baꞌ.

aYohana 3:11

Katsak'e ne mi ta ka tak, yir fe̱ yir natoon ike̱re̱ yir ta ren yir, ne iya yir ta di yir, gip be anong yin ti no̱o̱k yin katsak nike̱ng ife yir ta fe̱ yir baꞌ.

aYohana 3:5

aYeso fe̱ be wu ye, “Katsak'e ne mi ta ka tak, sang ke a bun a tes anerawe be ashi ne Kabik baꞌ, a ta kyem a no̱ kaye̱e̱r rigwo̱m Adakunom baꞌ.

aYohana 3:3

Ayong aYeso fe̱ be wu ye, “Katsak'e ne mi ta ka tak, akak kusa a ta kyem a no̱ kaye̱e̱r rigwo̱m Adakunom baꞌ, sang ke a bun a tu ku tes kutes dim ba'.”

aYohana 1:51

Iyong aYeso bun a fe̱ be wu ye, “Mi ta ka tak katsak'e, wan tà di kaza nukarak, ne ámaleka Adakunom ngarak naza ne á tisik natoon Igon Anerawe.”

aLuka 23:43

aYeso fe̱ be wu ye, “Won ta ka tak katsak'e, katuur wan tà se mak be na aParadis.”

aLuka 18:29

aYeso fe̱ be ba ye, “Katsak'e ne mi tà ka tak yin, aner akak n won kasa wu ka abining ka atek be áronyining ka inoon wu kamok rigwo̱m Adakunom,

aLuka 18:17

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a tà kyem a no̱ kaye̱e̱r rigwo̱m Adakunom baꞌ.”

aLuka 13:35

Di yin, a ma ka won yin kasa yin kakoor dar aner akak. Kamok anong, katsak'e ne mi ta ka tak yin, yin ta ba ni di yin baꞌ, ma katuk kaya ne yin fe̱ yin ye, ‘Aner riye̱ rikan ne a nye aner aya a tá be̱ kaye̱e̱r riyerek Agwo̱m Ágwo̱m.’ ”

aLuka 12:37

I ta sor ike̱ng riye̱ rikan ke atekasa'me be̱ ku se̱ ba an mereng ida baꞌ. Katsak'e ne mi tá ka tak yin, a tu ku sak ba á ta sosok ne a tun ares wu nong a tu ku no̱o̱k ba naya.

aLuka 11:51

kum nizen a tá fe̱r aHabila ma nizen aZakariya, aya a tá fe̱r natite abagadi ne karo̱ azhe̱l'e. Katsak'e ne mi tá ka tak yin, á tà to̱ áner izam iyu amok kamok ba cei.”

aMarkus 14:30

Amma aYeso fe̱ be wu ye, “Katsak ne mi ta ka tak, katuur natuk, nizham atso̱n ta ra te̱p kutak kufa, wan tin ton kutak kutaar.”

aMarkus 14:25

Mi ta ka tak yin katsak, mi ta ba so̱ ashi anap na baba baꞌ, ma katuk afe mi tana so̱ afas kaye̱e̱r rigwo̱m Adakunom.”

aMarkus 14:18

Nizen á ta se ba be iya naya'me ne aYeso fe̱ be ba ye, “Katsak ne mi ta ka tak yin, azining kaye̱e̱r yin tin sok a ta no̱o̱k, ákak kaye̱e̱r yin áfe i ta sen yas yin mak be mi.”

aMarkus 14:9

Katsak ne mi ta ka tak yin, koake̱ ne a taas Rife̱ Ritek na kaye̱e̱r kazatse na'me, a ta yiir fe̱ itak abining na nong a tin yiring be wu.”

aMarkus 12:43

Ayong aYeso yis álimazhiri wu nong a tá fe̱ be ba ye, “Katsak, ne mi ta ka tak yin, ike̱ng ife akumung na ta sak nar ife ribir ánerawe cice̱r kaye̱e̱r kures na.

aMarkus 11:23

Katsak ne mi ta ka tak yin, koangan ne a fe̱ be rifan na ye, ‘Dorok nong ta se kpa kaye̱e̱r agbang kudung’ sang be agak riye̱ baꞌ, amma be riye̱ rizining ike̱ng iya wu ta fe̱ ye i ra nye, i tà nye.

aMarkus 10:29

aYeso fe̱ be ba ye, “Katsak ne mi ta ka tak yin, akak kun won kasa wu ka áronyining wu ka ángasnyining wu ka ango̱ wu ka ada wu inoon wu ne ako̱ wu kamok mi ne rife̱ mi,

aMarkus 10:15

Katsak ne mi ta ka tak yin, koangan ne a shan rigwo̱m Adakunom kyo̱ndi igon kahiir'e baꞌ, a ta kyem a no̱ kaye̱e̱r rigwo̱m Adakunom baꞌ.”

aMarkus 9:41

Katsak'e ne mi ta ka tak yin, aner aya ne a ta no̱o̱k yin ashi kuso̱ na ako̱p kaye̱e̱r riyerek'i ye, kamok yin nye yin anaan, a ta dun ishorong wu baꞌ.”

aMarkus 9:1

A bun a fe̱ be ba ye, “Katsak'e ne mi ta ka tak yin, ákak afe a ta se aze tà tsang á kus baꞌ, ma á di rigwo̱m Adakunom be̱ be kukyem nizham.”

aMarkus 8:12

aYeso ko̱ro̱k isong ne a fe̱ ye, “Akye̱ sak anerawe izam iyu tse̱r ku di ike̱re̱ azhing e̱? Katsak'e ne Mi ta tak yin, a ta ka nye yin ike̱ng azhing baꞌ.”

aMarkus 6:11

Ke áner karo̱'me tá shan yin baꞌ, ka á tá fok yin kuto baꞌ, ne yin re̱ng yin iwur atak yin nizen afe yin tana won yin azong nong i ta sor asheda natoon ba.”

aMarkus 3:28

“Katsak ne mi ta ka tak yin, koakye kuri rine̱n ne ánerawe tá nye ka azhe̱e̱sh Adakunom ayi, a tù ku re̱ng ba'me.

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 25:12

“Amma a fe̱ be ba ye, ‘Katsak'e ne mi ta ka tak yin, mi ta ren yin baꞌ.’

aMatiyu 24:47

Katsak'e ne mi ta ka tak yin, atekasa'me tu ku sak, nong a tin sak riye̱ ni ike̱re̱ wu cice̱r.

aMatiyu 24:2

Ayong a tú ku rip ba ye, “Yin di yin ike̱re̱ na cei a? Katsak'e ne mi ta ka tak yin, ata yin ta ye̱re̱k yin na, ka a tà won kukak natoon kufudang baꞌ. A tà yirik cei.”

aMatiyu 23:36

Katsak'e ne mi ta ka tak yin, cice̱r ike̱re̱ na ta se̱ áner izam na.

aMatiyu 21:31

“To̱, kaye̱e̱r ba afa'ong angan ne a nye ike̱ng ada ba tá shim e̱?” Iyong á fe̱ ye, “Kafe ime̱se̱ng'e.” aYeso fe̱ be ba ye, “Katsak'e ne mi ta ka tak yin, áfe kushashang itso̱m iben ne ínyak agwo̱m ta ka tsang yin kaye̱e̱r rigwo̱m Adakunom.

aMatiyu 21:21

aYeso fe̱ be ba ye, “Katsak'e ne mi ta ka tak yin, yin gip ke yin no̱o̱k yin katsak sang ke riye̱ yin se gak baꞌ, yin ta kyem i nye yin ike̱ng iya i ta nar iya mi tá nye be ritin atafo na, yin ta kyem fe̱ yin be rifan na ye, ‘Dorok ta se kpa kaye̱e̱r agbang kudung,’ ku tà nye anong.

aMatiyu 19:28

aYeso fe̱ be ba ye, “Won ta ka tak yin katsak'e, izen saase ife Igon Anerawe tana sonong ni itsik rigwo̱m wu ife kuyiik, yin áfe i tin kuus yin, yin tà sosok yin mak be mi natoon ítsik rigwo̱m kuso̱k be afa. Yin tà to̱ yin, ízo̱ro̱k Isarela kuso̱k be afa amok.

aMatiyu 19:23

Ayong iya aYeso fe̱ be álimazhiri wu ye, “Won ta ka tak yin katsak'e, i ta ro̱ arum tana no̱ kaye̱e̱r rigwo̱m kaza.

aMatiyu 18:18

“Won ta ka tak yin katsak'e, koakye ike̱ng ne yin roos yin aze nazatse i ta se nurosom kaye̱e̱r kaza. Koakye ike̱ng ne yin bisik yin nazatse i ta se nubisik kaye̱e̱r kaza.

aMatiyu 18:3

Ne a fe̱ be ba ye, “Won ta ka tak yin katsak'e, sang ke yin shishing yin kuse yin nong i tà te yin kyo̱ndi inoon nazhizhe̱k'e baꞌ, yin tà no̱ yin kaye̱e̱r rigwo̱m kaza baꞌ.

aMatiyu 11:11

“Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik.

aMatiyu 10:42

Koangan ne a no̱o̱k azining kaye̱e̱r ayu a ta ru raar na ashi kuso̱ acaang kamok wu ta nye alimazhiri mi, won ta ka tak yin katsak'e, a tin wei nishorong wu baꞌ.”

aMatiyu 10:15

Katsak'e ne mi ta ka tak yin, a tà nar kuro̱ riye̱ áner aSodom be áfe aGomora katuk amok be áner kuwo̱p kuyong.

aMatiyu 8:10

aYeso tá fa fok anong ne a te zhing, iyong a fe̱ be áfe a tú ku kuus ye, “Katsak'e, ne mi ta ka tak yin, mi kun di aner akak kaye̱e̱r Isarela afe a ta be kuno̱o̱k katsak kyo̱ndi aner na baꞌ.

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aLuka 4:24

Ne aYeso ya kasho̱o̱n be rife̱ ye, “Katsak'e, mi ta ka tak yin. Aner kuzarap be kuyiik nuwo̱p wu baꞌ.