aMatiyu 5:16 - Izere New Testament

¹⁶ Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

aMatiyu 5:16 Referans Kwoze

1 aBitrus 2:12

Sor yin kusor kutek kaye̱e̱r áya sang á ta nye afikuus baꞌ. Ba yiir kunye kukun yin gye̱rtatan, amma ke ba di koakye itek yin ta nye yin ánerawe'me, á ta tiyiik Adakunom katuk a tana be̱ to̱ kazatse amok.

aTitus 2:7

Kaye̱e̱r koakye wan sor ike̱ng ba tanin nye kumaas natoon'e be kunye ike̱ng iya i ta nye itek. Kaye̱e̱r kubo̱so̱p wan, nye be riye̱ rizining ne katsak,

aYohana 15:8

Nye yin itomong iya Adakunom ta shim nong tà tonong yin ye yin nye yin álimazhiri wu, kamok iyu ne i tà be̱ be Ada'me kuyiik.

Afisa 5:8

Kamok yin tsang i se yin na awhi gbugbang, amma kyo̱o̱rna yin se yin na akanang kamok Agwo̱m Ágwo̱m. Sor yin kyo̱ndi inoon akanang.

1 aBitrus 3:16

sang be riye̱ gak baꞌ. Nye yin anong nong ase̱ áfe a ta fe̱ imaan'e natoon yin kamok kuse yin kutek kaye̱e̱r aKiristi ta fok isum rife̱ ba.

1 aBitrus 4:14

Ke a ta ka kas yin ye kamok yin ta nye yin áfe aKiristi, sok yin ye i nye ike̱ng itek, kamok kuyiik ne kabik Adakunom se natoon yin.

1 aBitrus 2:9

Amma yin, yin nye yin kuri kuya Adakunom tá kasa, be rice wu. Yin nye yin atsi Adakunom a ta nye Agwo̱m, yin nye yin ánerawe áya a ta nye azhe̱l'e, ánerawe áya a ta nye afu. A tá ka yis yin kaye̱e̱r awhi nong tà no̱ yin kaye̱e̱r akanang afe katsak nong tà taas yin ayiik itomong wu ife azhing.

aTitus 3:14

Áner yir ra bo̱so̱p kuno̱o̱k ace ba dim nong á ta nye ike̱ng iya i ta nye itek, ne á ren iren kutobok ánerawe na agbang ike̱re̱ ba tà tse̱r. Á tu sor a kpe̱de̱ng kusor baꞌ.

1 aTimoti 6:18

Ka tak ba be agbang kuto̱ ye á ra nye kunye kutek, á rin barang kurum kunye kunye kutek dide̱ng ne a se washak ne a shim kuno̱o̱k ike̱ng.

2 aKoranti 9:13

Kamok itomong na ife yin ta min tonong yin rice yin, ánerawe ta kerek Adakunom kamok yin kuus yin Rife̱ Ritek aKiristi, ne i kasap yin ike̱re̱ yin mak be ba ne ribir áfikuus.

Afisa 2:10

Kamok yir be rice yir, yir nye yir ike̱ng iya Adakunom'me tá nye. A tin shishing yir kamok aYeso aKiristi nong tá nye yir itomong itek, iya Adakunom'me tá tsang a sak ta nye yir.

Ibrani 10:24

Kamok anong, won yir tu naka tobok yir ne i naka tonong yir kushim be kunye kutek.

1 aBitrus 4:11

Ke akak be kunang nye awazi Rife̱ Ritek, to̱, a ra taas kyo̱ndi Adakunom ne a sen taas'e nanu wu. Ke akak be kunang kutobok akak, to̱, a ra nye be agap Adakunom tú ku no̱o̱k nong ase̱ kaye̱e̱r koakye Adakunom ta se̱ nakerek kamok aYeso Kiristi. Kuyiik be kukyem nye kufu ma izen izen. Anong.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

1 aBitrus 3:1

Yin ányining iwe̱ne̱ng, yin gip, kuus yin ike̱ng iya átek yin ta fe̱ be yin, nong ke ákak ba kuse áya sang á tá min no̱o̱k katsak rife̱ Adakunom baꞌ, kashim kuse ányining ba tà sak á tin no̱o̱k katsak sang ma akak fe̱ ike̱ng ikak be ba baꞌ.

Itomong Ámanzo 9:36

Abining akak tuse na aZhopa a tá nye abafe ifikuus'e, riyerek wu nye aTabita (ke a kirik'e ne a te aDokas). A tonong kuse kutek koakye izen ne a tobok áfe rizor.

1 aTimoti 5:25

Anong ne kunye kutek se na akanang gip, kunye kutek kuya ku ta se na akanang baꞌ, a ta kyem a ne̱r baꞌ.

aMatiyu 5:45

Kamok be nong ne yin tà te yin inoon Ada yin afe a ta se kaye̱e̱r kaza. Wu no̱o̱k ámaan anerawe ne áner atek akanang kunom cice̱r, ne a nyesek iza natoon ánerawe wu áya a ta be kuse kutek be áya a ta nye amaan'e.

aTitus 2:14

aYeso ne no̱o̱k rice wu nong a tin sheshek yir kaye̱e̱r amaan kunye yir ne a ni kusu yir nong tá sor yir áfu ne i shim kunye yir ike̱ng iya i ta nye itek.

1 aTimoti 5:10

A ra nye aner aya a tu ku ren be kunye kutek kyo̱ndi ku ni sak riye̱ na inoon gye̱r ne kuren kushashang átsen ne a nye áfikuus Adakunom itomong kaye̱e̱r kumees rice ne a tobok áya a ta se nutser ne a ni sak riye̱ wu ninye ike̱re̱ i ta nye itek, a tu ku fa kaye̱e̱r ákumung.

1 aTimoti 2:10

Amma á ra nye kunye kutek, kamok i se gye̱r be ányining aya a ta fe̱ ye ba fok inyim Adakunom.

aGalati 1:24

Iyong á kerek Adakunom kamok'i.

aTitus 3:4

Amma nizen iya a tin tonong yir ritek ne kushim Adakunom Aner Kashesh yir,

1 aKoranti 14:25

A tà te̱s ike̱re̱ iya i ta se nune̱re̱ng kaye̱e̱r riye̱ wu. Be anong ne a tà kpa kaben nasho̱o̱n Adakunom a tu ku ya iben ne a fe̱ ye, “Katsak'e, Adakunom se mak be yin.”

aLuka 11:2

Ayong aYeso fe̱ be ba ye, “Izen iya yin tana nye yin aduwa, fe̱ yin ye, “ ‘Ada yir, won riyerek wan tu sor zhe̱l, rigwo̱m wan tu be̱.

aMatiyu 9:8

Nizen iya ánerawe ame tá di anong, inyim tú ro̱ ba iyong á kerek Adakunom aya a tá no̱o̱k ánerawe kukyem kuri kuyong.

aMatiyu 23:5

“Ike̱re̱ ba ta nye se nong ánerawe ta di tsek; Á tos alau be rife̱ Adakunom nong á tá rosom na nati ba, ne akpiin ba ras aso̱p ma kaben.

aMatiyu 6:16

“Izen iya ne yin ta nye yin azumi, sang tu rosom yin kanyisi yin kyo̱ndi ákardak aner ta nye baꞌ. Kamok ba rosom kanyisi ba nong á ta tonong ánerawe ye ba sen nye azumi. Won ta ka tak yin katsak'e, ba n se̱ ishorong ba cei nakuruk.

aMatiyu 23:9

Sang yin tu yis yin akak ye, ‘Ada’ kaye̱e̱r kazatse baꞌ, kamok yin be yin Ada azining tsek aya a ta se kaye̱e̱r kaza.

aMatiyu 6:9

“Ana ne yin ta nye yin aduwa, “ ‘Ada yir afe a ta se kaye̱e̱r kaza, won riyerek wan tu sor zhe̱l,