aMatiyu 5:11 - Izere New Testament

¹¹ “Áner riye̱ rikan ne á nye áner aya ánerawe ta ka kas yin, ne á ka no̱o̱k yin risam, ne á ti bo̱s abo̱o̱s natoon yin, kamok mi.

aMatiyu 5:11 Referans Kwoze

1 aBitrus 4:14

Ke a ta ka kas yin ye kamok yin ta nye yin áfe aKiristi, sok yin ye i nye ike̱ng itek, kamok kuyiik ne kabik Adakunom se natoon yin.

aLuka 21:17

Ánerawe cice̱r tà ka ranyin kamok mi.

aMarkus 13:13

Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

aMatiyu 24:9

“Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

1 aBitrus 2:23

Nizen iya ánerawe tú ku barak ritok, a tú ku karang baꞌ, nizen a tá so̱ risam a fe̱ ye wu tú ku karang baꞌ, a ban a ti te riye̱ na Adakunom aya a tana to̱ amok afe katsak ingya.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

aMatiyu 10:39

Aner aya a ta shim kutser wu, a tin wei mo, aner aya a ti wei nutser wu kamok mi a tà se̱.

Ike̱ng a ta tonong aYohana 2:3

Mi ren wan n tsesek, wan tsesek kaye̱e̱r risam kamok riyerek'i, wan ro̱n baꞌ.

aMatiyu 19:29

Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

2 aKoranti 4:11

Ku sor yir kaye̱e̱r kazatse na cice̱r, yir sor yir kaye̱e̱r ike̱re̱ i tana kyem i tin fe̱s yir ti se̱s yir kamok aYeso, nong ta tonong yir kutser wu kaye̱e̱r kuro̱m yir iya i tana kus.

1 aKoranti 4:10

Yir te yir afunam'e kamok aKiristi, yin di yin ye yin be yin ritseng kamok aKiristi. Yir yo̱mo̱ng yir, yin be yin agap. Ánerawe ta ka tiyiik yin, ne á ni zhe̱e̱sh yir.

aRom 8:36

Kyo̱ndi i ta se ni izibir kaye̱e̱r rife̱ Adakunom, “Kamok wan ne yir yiir i ye̱re̱k yir riku ye̱rye̱r: a ti ko̱k yir kyo̱ndi ítsamang iya á ta ba itse̱k'e.”

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

aLuka 9:24

Koangan afe a ta shim a ta shesh kutser wu, a tin wei. Afe a tin wei nutser wu kamok'i, a tà shesh kutser wu.

aMarkus 8:35

Koangan afe a ta shim a ta shesh kutser wu, a tin wei. Afe a tin wei nutser wu kamok mi be Rife̱ Ritek, a ta shesh kutser wu.

aMatiyu 10:25

I ta se gye̱r aner a ta sen bo̱so̱p'e ta se kyo̱ndi aner a tu ku bo̱so̱p'e, ne asam te kyo̱ndi atekasa wu. Ke ba fe̱ be atekasa'me ye a nye aBazabul, to̱, a ta fe̱ ane̱ be aner kasa wu e̱?

Itomong Ámanzo 9:16

Mi be rice mi, mi tù ku tonong kuri risam riya a tana so̱ kamok riyerek'i.”

aMarkus 13:9

“Sak yin riye̱ be rice yin, á tà ka yising yin ne á tsees be yin ninaro̱ amok ne á ka tsosok yin natu aduwa. A ta tseng be yin nufe ágwomna ne ágwo̱m, kamok mi nong ta se̱ yin iren tú ku taas yin ba Rife̱ Ritek natoon'i.

aMatiyu 27:39

Áfe a tá gosok niren yiir fe̱ kye̱re̱ be wu, ne á zim rice,

aMarkus 4:17

amma rife̱'me kpa agap naye̱ ba baꞌ, a sor dide̱ng baꞌ. Ke izen iya ne kudaam ka kutabak be̱ kamok rife̱'me ne a wor a kpa.

aMatiyu 10:18

Kamok mi, á tà tseng be yin nasho̱o̱n ágwomna ne ágwo̱m kamok yin tu ku tak yin ba Rife̱ Ritek ne áya sang a ta nye aner aYahuda baꞌ.

aYohana 9:28

Áyong a kas aner ame ne á fe̱ be wu ye, “Wan ne i nye alimazhiri wu. Yir nye yir álimazhiri aMusa.

aFilipi 1:29

Kamok Adakunom sak ritek wu anong kamok yin tin no̱o̱k yin katsak na aKiristi tsek baꞌ, amma ta so̱ yin risam kamok wu gip,