aMatiyu 5:10 - Izere New Testament

¹⁰ Áner riye̱ rikan ne á nye aner aya a tu ku tabak ba kamok ba nye ike̱re̱ iya i ta se gye̱r nasho̱o̱n Adakunom, rigwo̱m kaza nye rifu ba.

aMatiyu 5:10 Referans Kwoze

aYakub 1:12

Aner awe̱ng nye aner aya a tana tsesek kaye̱e̱r kubo̱mo̱ng, kamok ke a na ka tsesek kaye̱e̱r kubo̱mo̱ng'e, a ta se ribong kutser riya Adakunom ta tsang a nisak natoon áfe a tu ku shim.

2 aKoranti 4:17

Naban kudaam yir ta se̱s yir ta sok izen baꞌ, na ta sak yir ta se̱ yir kuyiik kufe izen izen rife ri ta nar agap a tanin maas be kudaam'e cei.

aMatiyu 5:3

“Áner riye̱ rikan ne á nye aner aya a ta ren kuraar ba kaye̱e̱r kabik, kamok rigwo̱m kaza nye rifuba.

aLuka 6:22

Áner riye̱ rikan ne á nye yin ánerawe tá ka di yin kye̱re̱, ne á kam be yin ne á ka kas yin, ne á ka ranyin kyo̱ndi ike̱ng imaan'e, kamok Igon Anerawe.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

aFilipi 1:28

Sang tu fok yin inyim áya a ta ka tabak yin kaye̱e̱r koakye iren baꞌ, be anong ne ba tà ren ye, ba tà wei, amma yin ta se̱ yin kashesh kamok Adakunom shim i tu se anong.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

aYohana 15:20

Yiring yin be rife̱ mi tá fe̱ be yin ye: ‘Asam akak nar atekasa wu baꞌ.’ Ke á ti tabak, to̱, á tà ka tabak yin gip. Ke ba kuus rife̱ mi a tà kuus rife̱ yin gip.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

2 aTimoti 3:11

Wan ren kuri kutabak ne amaan risam mi ta so̱, abaan aya mi tá so̱ nizen iya mi tá se na Antakiya ne na Ikoniya be aListira baꞌ. Gip be anong Adakunom ti shesh kaye̱e̱r'e cei.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMarkus 10:30

ike̱ng iya a tana se̱ nizen iyu, i ta nar anong kutak kuso̱k inyak whe̱r, be nasa, ne áronyining, ángasnyining, ángo̱, inoon, ako̱, amma mak be kutabak. Nama anong nasho̱o̱n kutser kufe izen izen.

aLuka 6:20

Ayong aYeso kirik a tá ye̱re̱k álimazhiri wu ne a fe̱ ye, “Áner riye̱ rikan ne á nye yin áfe rizor kamok rigwo̱m Adakunom nye rife̱ yin.

aMatiyu 10:23

Ke á ta tabak yin nuwo̱p kukak, to̱, ne yin teng yin ta be yin kaye̱e̱r kuwo̱p kukak. Katsak'e ne mi ta ka tak yin, nizham yin tà ra gang yin kugorok iwo̱p Isarela cice̱r Igon Anerawe ta tsang ka be̱.

1 aYohana 3:12

I tuse yir kyo̱ndi aKayinu baꞌ. A tá nye afe Ishetan ma a fe̱r aronyining wu. Akye̱ sak a tá fe̱r aronyining e̱? Kamok kunye wu nye kumaan'e ne kufe aronyining se gye̱r nasho̱o̱n Adakunom.

Itomong Ámanzo 8:1

Ashawulu se azong, a kuus kama kufe̱r Itifanus. Katuk'ong, a tabak áfikuus dide̱ng kaye̱e̱r aUshalima, ma cice̱r á te shaam, ákak be niben aYahudiya ne ákak be niben aSamariya, ámanzo tsek ne á tú ku won

Itomong Ámanzo 5:40

Ike̱ng iya aGamaliya tá fe̱'ong no̱ kaye̱e̱r aye̱ ba, ayong á shim rife̱ wu. Ayong a yis ámanzo'me kaye̱e̱r'e, a tá sak a tá ka whereng ba, nong á ta fe̱ be ba ye á tu ba fe̱ ike̱ng ikak kaye̱e̱r riyerek aYeso ko cie̱k baꞌ. Ne á ku won ba á tá tseng.

aMatiyu 19:14

aYeso fe̱ ye, “Won yin inoon nazhizhe̱k'e tu be̱s nunaan; sang yin tú ku roon yin ba'me baꞌ, kamok rigwo̱m kaza nye rife̱ iri ba.”

aMarkus 10:14

aYeso tá fa di anong, yong a nye riye̱ riwe, a fe̱ be álimazhiri'me ye, “Won yin inoon nazhizhe̱k'e tu be̱s nunaan, sang tu ku roon yin ba kube̱ baꞌ, kamok rigwo̱m Adakunom nye rife̱ áner kuri áyuna.

aLuka 22:29

Mi tà ka no̱o̱k yin rigwo̱m kyo̱ndi Ada mi tin no̱o̱k.

aYakub 5:11

Kyo̱ndi yin ta ren yin, yir sok yir áfe a ta na ka tsesek áfe awe̱ng. Yin n fok yin itak yin itak Ku naka tsesek Ayuba ne di yin ikeng iya Adakunom tu ku nye'me ni gang'e. Ada Adakunom be kuro̱ riye̱ ne kuse kutek dide̱ng.