aMatiyu 4:24 - Izere New Testament

²⁴ Anong, itak wu tseng cei ma ni iben aSuriya ne á ku be̱s be áfe iro̱k ze̱r ze̱r cice̱r ne áfe á ta se risam dide̱ng, ne áfe amaan nabik be áfe kuro̱k kucicirim ne áfe a tá we̱ abas azining. A tú sak ba á tá te atser.

aMatiyu 4:24 Referans Kwoze

aMatiyu 17:15

A tá fe̱ ye, “Atekasa, ro̱ riye̱ igon'i, kuro̱k ricirim kudaam, a se risam dide̱ng. Nizen ikak a man ne a kpa nuro̱ng ka na ashi ayi.

aMatiyu 8:6

“Atekasa, asam mi se nameneng kari, atak wu we̱, a se risam dide̱ng.”

aLuka 5:15

Gip be anong, itak natoon aYeso ti barang kutseng gugo̱k ma rigwo̱m ánerawe be̱s nong á tú ku foos, ne a ku sak ba á tá te atser.

aLuka 2:2

Iyu ne i nye ime̱se̱ng ifa ánerawe a tá nye nizen iya aKiriniyus tá nye agwo̱mna niben aSuriya.

aMatiyu 17:18

Ayong aYeso zhe̱e̱r amaan kabik ame ne ka wuruk kaye̱e̱r igon ame. Ne igon ame wor ka te katser.

aMatiyu 15:22

Abining akak tuse azong a tá nye abafe aKana'me be̱ nufu be kanak ye, “Atekasa, Igon aDauda, ro̱ riye̱ mi, angas'i so̱ risam dide̱ng be amaan kabik.”

aMatiyu 12:22

Ayong a be̱ be aner akak nufe aYeso a tá nye akpato̱o̱n'e ne a nye agbanu'me gip a tá be amaan kabik. aYeso tú sak a ta te atser ne a di karo̱ ma a fe̱ kanu.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

Itomong Ámanzo 15:23

Kufumung a tú ku no̱o̱k ba ame se ye: Áronyining yin, ámanzo ne áko̱k kasho̱o̱n be ribir áfikuus ne a ta ka zibir yin kufumung na. Yin áfikuus áya sang yin tá nye yin kunik áner aYahuda baꞌ. Yin áya yin ta se yin na Antakiya be aSuriya ne aKilikiya. Yir tá nye yin ashou dide̱ng.

aMarkus 2:3

Áner ákak ba anaas be̱ be aner akak a tá we̱ abas azining, áner'e tú sok a tá be̱e̱n'e.

aMarkus 1:32

Nawheshirim'ong, nama kunom tá kpa, ánerawe be̱s be áfe iro̱k ne áfe amaan nabik nufe aYeso.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

Itomong Ámanzo 15:41

Á gor aSuriya ne aKilikiya nong á tá tsang á tsesek áfikuus.

aLuka 4:14

Ayong aYeso tú bun na aGalili be kukyem Kabik Kazhe̱l'e ne itak natoon wu tseng koake̱.

aMarkus 1:28

Itak'e wor i tseng koake̱ kaye̱e̱r iben aGalili.

aMatiyu 14:1

Nizen iyong, aHiridus tá fok itak aYeso.

aYohana 10:21

Amma ákak fe̱ ye, “Wayo, aner a ta be amaan kabik fe̱ ana baꞌ. Itseng ta nye ane̱ i tá karak akpato̱o̱n anyisi e̱?”

aMatiyu 9:35

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

aMatiyu 9:26

Itak na tseng koake̱ kaye̱e̱r kaben'e.

aMatiyu 8:28

Nizen iya aYeso tá tar agbang kudung ame a ta no̱ nunyi iben aGarasi, aner afa afe a ta be amaan nabik wuruk naro̱ are̱k nong á ta nyim be wu. Án te ike̱ng inyim, akak kyem a gor iren iyong baꞌ.

aMatiyu 8:33

Áya á ta sen ni sak riye̱ na alade ame teng, á tá be kaye̱e̱r kuwo̱p nong á ta se taas ike̱ng iya a tá nye, cice̱r be ike̱ng i ta nye be aner a tá be amaan nabik ame.

aMarkus 2:4

Á kyem á tseng be wu nufe aYeso baꞌ, kamok ánerawe tá nar agap, iyong á tasak katoon kutu, bubarak be karo̱ kaya aYeso'me tú kuse, nong á tá tiik be aner kuro̱k'e natoon ike̱ng kameneng'e.

aMarkus 2:9

Inyaka ro̱ ne i nar e̱? A tana fe̱ be aner kuro̱k ye, ‘A ma ka re̱ng rine̱n wan,’ ka a ta fe̱ ye, ‘Dorok, sok ike̱ng kameneng wan nong ta tseng e̱?’

aLuka 4:38

aYeso won kutu aduwa'me nong a tá tseng nasa aSiman, anyining abining aSiman'e se be kuro̱m kuzhoosh dide̱ng, ne a fe̱ be aYeso ye a ra be̱ a tin sak kubo̱k ni wu nong a tà te atser.

aLuka 5:24

Amma nong yin ta ren yin ye Igon Anerawe be kukyem a tanin re̱ng rine̱n nazatse.” Ayong aYeso fe̱ be aner a tá we̱ abas azining ame ye, “Mi fe̱ be wan ye, dorok ta sok ike̱re̱ kameneng wan ta be kari.”

Itomong Ámanzo 8:7

Amma amaan nabik yiir itang ikun ne á wuruk kaye̱e̱r iro̱m ánerawe whe̱re̱, áner aya a tá we̱ abas azining be ákun whe̱re̱ te atser.

aLuka 7:17

Itak'e tseng koake̱ niben aYahuda be iwo̱p ikak i ta se bubarak.

Itomong Ámanzo 28:9

Nama a ta nye anong, yong ribir áfe iro̱k á ta se nuwo̱p'e cice̱r be̱s ne a ku sak ba a ta te atser.