aMatiyu 4:23 - Izere New Testament

²³ aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

aMatiyu 4:23 Referans Kwoze

aMatiyu 9:35

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

aMarkus 1:39

Iyong á tsang á tseng koake̱ kaye̱e̱r iben aGalili ne a tsang á taas rife̱ Adakunom kaye̱e̱r atu aduwa ba ne á turung ámaan nabik.

Itomong Ámanzo 10:38

Adakunom shining aYeso a ta nye afu Nazaret be Kabik Kazhe̱l'e ne kukyem. aYeso tsang a tseng koake̱ ne a tsang a nye ritek ne a tsang a sak áner aya a tá se nubo̱k Ishetan te atser kamok Adakunom se ma be wu.

aLuka 7:22

Ne a fe̱ be áner a tú ku tom ba ame ye, “Ku bun yin, ta su ku tak yin aYohana ike̱re̱ yin tá di yin ne i foos yin, akpato̱o̱n se̱ kudi karo̱, ne ákun tseng gye̱r, ákparo̱ng te atser, ágbato fok kuto, ikom dorok be kutser, ne a taas áfe rizor Rife̱ Ritek.

aMatiyu 11:5

ákpato̱o̱n se̱ kudi karo̱ ne ákun tseng, ákparo̱ng te atser ne ágbato fok ato ne ikom dorok be kutser ne a nye afe rizor awazi Rife̱ Ritek'e.

aMatiyu 13:54

A be̱ nuwo̱p wu, yong a san kubo̱so̱p ánerawe'me kaye̱e̱r kutu aduwa ba'me, áya a tu ku foos te zhing. Ne á fe̱ ye, “Áner na se̱ kukyem kuri kuyu ake̱, ne kukyem kunye itomong azhing na ake̱ e̱?

aMarkus 1:21

aYeso be áya a tú ku ku kuus be̱ kaye̱e̱r kuwo̱p aKapanum. Kunom Asabar tá fa nye, aYeso no̱ kaye̱e̱r kutu aduwa nong a tá bo̱so̱p ánerawe'me.

aRom 10:15

Á ta nye ane̱ á ta nye awazi sang ke a tú ku tom ba baꞌ e̱? Kyo̱ndi i ta se ni izibir kaye̱e̱r rife̱ Adakunom ye, “Wan fa di atak aner aya a ta taas Rife̱ Ritek ta saas baꞌ.”

aLuka 8:1

Nama anong, aYeso tsang a tseng ni iwo̱p igbang'e be izhizhe̱k'e, ne a taas Rife̱ Ritek natoon rigwo̱m Adakunom, álimazhiri kuso̱k be afa ame se mak be wu.

aMarkus 6:2

Kunom Asabar tá fa nye ayong a san kubo̱so̱p ánerawe'me kaye̱e̱r kutu aduwa. Ánerawe whe̱re̱ be̱ nong a tú ku foos, azhing tú ku yiir ba ayong áfe ye, “Aner na se̱ ike̱re̱ iyu akye̱? Akye̱ kuri kuren ike̱ng ne a tu no̱o̱k, nong a tin nye ike̱re̱ azhing e̱?

aMatiyu 24:14

Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

aMatiyu 12:9

Ayong aYeso dorok azong, a tá tseng kaye̱e̱r kutu aduwa.

aYohana 18:20

aYeso fe̱ be wu ye, “Ei, mi fe̱ koakye ike̱ng kanang nasho̱o̱n koangan. Mi bun ibo̱so̱p ánerawe'me kaye̱e̱r atu aduwa ne kaye̱e̱r agbang kutu kuya Adakunom iben naro̱ kaya áner aYahuda tú ku nyiis cice̱r. Mi kun i fe̱ ike̱ng ikak ni nune̱re̱ng baꞌ.

aLuka 13:10

Katuk Asabar akak, aYeso ku sen bo̱so̱p ánerawe'me nutu aduwa áner aYahuda kukak.

aLuka 9:11

Ánerawe whe̱re̱ tá fa fok itak'e, yong á tú kuus. A tú nye ba adazha be kube̱. Ayong a tá ka tak ba rife̱ natoon rigwo̱m Adakunom, ne a sak áfe iro̱k tá te atser.

aLuka 5:17

Katuk kakak aYeso tá se be kubo̱so̱p áner aFarisi'me be áfe kubo̱so̱p Itsi, áfe a tá nes ni iwo̱p izhizhe̱k'e niben aGalili be ife aYahuda ne aUshalima se nusosok azong. Kukyem Adakunom tuse azong nong ase̱ aYeso tà sak áfe iro̱k tà te atser.

aMarkus 6:6

A te zhing kamok kuwon dar kuno̱o̱k katsak ba. Ayong aYeso tsang a gorok ne a bo̱so̱p ánerawe'me kaye̱e̱r iwo̱p ikak izhizhe̱k'e.

aMarkus 3:10

Kamok a tá sak ánerawe whe̱r tá te atser yong áfe iro̱k whe̱re̱ be̱s bubarak nong á tu ku ras.

aMarkus 1:14

Nama a tá te aYohana ni itso̱m, aYeso no̱ kaye̱e̱r aGalili, ne a taas Rife̱ Ritek Adakunom,

Itomong Ámanzo 20:25

“Kyo̱o̱rna mi ren ye sang akak kaye̱e̱r yin áya mi tan tsang i gorok ne i ka taas yin itak rigwo̱m Adakunom tà ba ni di baba baꞌ.

Itomong Ámanzo 18:4

Koakye kunom Asabar aBulus no̱ kaye̱e̱r atu aduwa ba nong a tá ya nanan be ba. A shim tá ko̱ro̱k kuto̱ro̱ng áner aYahuda be áner aHeleni.

aYohana 6:59

aYeso fe̱ rife̱ na nizen a tá se be kubo̱so̱p ánerawe'me nutu aduwa na aKapanum.

aLuka 10:9

Sak yin áfe iro̱k á ta se azong ta te atser, ne i tak yin áfe kuwo̱p'e ye, ‘Rigwo̱m Adakunom m be̱ bubarak.’

aLuka 6:17

aYeso tiik be ámanzo ame naro̱ ka ta se ne̱k. Rigwo̱m ánerawe tuse azong áya a tá nye alimazhiri wu, ne ánerawe aya a nes niben aYahuda be aUshalima ne áfe iben aTaya be aSidon.

aMatiyu 14:14

Nizen aYeso tá wuruk kaye̱e̱r kukpara ashi'me, a di rigwo̱m ánerawe ame, ne a fok kuro̱ riye̱ ba iyong a sak áya a ta nye atser kaye̱e̱r ba baꞌ, tá te atser.

aMatiyu 13:19

Ke anerawe fok rife̱ natoon rigwo̱m kaza, a ra ren ike̱ng iya i ta sor baꞌ. Amaan aner'e be̱ nong a ta turung ike̱ng iya a tan tuus kaye̱e̱r riye̱ aner'e. Ayong ne a nye íca'me iya i ta kpas niren.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

aYohana 7:1

Nama anong, aYeso tsang a gorok aGalili. Amma shim a tá tseng kaye̱e̱r aYahudiya baꞌ, kamok áner aYahuda á tá se azong shim a tú ku fe̱r.

aLuka 20:1

Katuk kakak nizen aYeso tá sen bo̱so̱p ánerawe'me nubang agbang kutu kuya Adakunom iben, ne a ku taas ba Rife̱ Ritek Adakunom, ágbang átsi be áfe kubo̱so̱p Itsi mak be áko̱k kasho̱o̱n be̱s nufu.

aLuka 4:14

Ayong aYeso tú bun na aGalili be kukyem Kabik Kazhe̱l'e ne itak natoon wu tseng koake̱.

aLuka 6:6

Katuk Asabar akak gbak aYeso no̱ kaye̱e̱r kutu aduwa a ta se be kubo̱so̱p ánerawe'me. Aner akak tuse azong aya kubo̱k riya wu tá we̱.

aLuka 7:21

Nizen iyong aYeso sak áfe a tá nye atser baꞌ, be áfe iriri iro̱k whe̱re̱ tá te atser, ne a turung amaan nabik, ne a sak ákpato̱o̱n whe̱r tá di karo̱.

aLuka 9:60

Ayong aYeso fe̱ be wu ye, “Won ikom tu ne̱se̱k ikom ba, wan tseng ta se taas itak rigwo̱m Adakunom.”

aLuka 16:16

“A taas ánerawe Itsi aMusa ne rife̱ áner kuzarap Adakunom agbugbang'e ma nizen aYohana aner abatisma. Amma kum a ta taas Rife̱ Ritek natoon rigwo̱m Adakunom, koangan gaas karo̱ nong a ta no̱ kaye̱e̱r'e.

Itomong Ámanzo 28:31

A nye awazi Rife̱ Ritek dar inyim azong kamok sang a tú ku roon'e ba', a nye awazi natoon rigwo̱m Adakunom ne a bo̱so̱p ánerawe'me itak aYeso Kiristi a ta nye Agwo̱m Ágwo̱m.