aMatiyu 3:11 - Izere New Testament

¹¹ “Mi ta nye yin abatisma be ashi nong i ta tonong ye yin n shishing yin kuse yin. Amma aner a tana be̱ nama mi ti nar be kukyem, aya mi tana kyem i ra akpatak wu gum baꞌ. A tà ka nye yin abatisma be Kabik Kazhe̱l'e ne kuro̱ng.

aMatiyu 3:11 Referans Kwoze

aLuka 3:16

aYohana fe̱ be ba ye, “Mi ta nye yin abatisma be ashi, akak afe a ta be kukyem ne a ni nar, tà be̱, afe mi tana kyem i bis idun akpatak wu baꞌ. A tà ka nye yin abatisma be Kabik Kazhe̱l'e ne kuro̱ng.

Itomong Ámanzo 1:5

aYohana nye abatisma be ashi amma kaye̱e̱r inom cie̱k, a tà ka nye yin'e be Kabik Kazhe̱l'e.”

aTitus 3:5

a ti shesh yir. A nye anong sang kamok i nye yir ike̱ng ikak itek baꞌ, amma kamok kuro̱ riye̱ wu. A ti shesh yir, a tá kusu rine̱n yir be Kabik Kazhe̱l'e kaya a tin no̱o̱k yir kutes kufas ne iren kusor kufas.

1 aKoranti 12:13

Di, Kabik Kazhe̱l'e a ti nye yir abatisma kaye̱e̱r kuro̱m kuzining cice̱r yir, aner aYahuda ka aya sang a ta nye aner aYahuda baꞌ, ka asam ka aner a ta nye asam baꞌ, a min no̱o̱k yir Kabik kazining cice̱r yir nong ta so̱ yir.

aMatiyu 3:6

Á be̱s ne á taas rine̱n ba ne a ku nye ba abatisma ni Isho̱ng aUrdun ame.

Itomong Ámanzo 19:4

aBulus fe̱ ye, “aBatisma aYohana tá nye, a nye afe kushishing kuse. aYohana taas ánerawe ye á rin no̱o̱k katsak natoon aner a tana be̱ nama wu, aner'e nye aYeso.”

aLuka 1:17

A tà tseng nasho̱o̱n Agwo̱m Ágwo̱m kaye̱e̱r kabik be kukyem kuri kufe Iliya nong a tà sak aye̱ átek inoon tà ku bun ni inoon ba, ne a sak áya a ta shonong, ta kuus kutseng aner a ta se gye̱r nasho̱o̱n Adakunom. A tà sak ánerawe tà nye kanye̱k kamok Agwo̱m Ágwo̱m.”

aYohana 1:30

Ayu ne a nye aya afe mi tin fe̱ natoon wu ye, ‘Aner aya a tana be̱ nama mi a ti nar kamok wu se nasho̱o̱n'i.’

aMarkus 1:4

aYohana be̱ be kunye abatisma kaye̱e̱r katse, ne a fe̱ rife̱ natoon abatisma kushishing kuse nong a ta ku re̱ng ba rine̱n.

Afisa 3:8

Mi ne i ti raar dide̱ng kaye̱e̱r ánerawe Adakunom cice̱r gye̱r tatan, gip be anong a ti no̱o̱k ritek na nong ta taas áner aya a ta nye áner aYahuda baꞌ, kuri kurum aKiristi kuya sang ku ta be igak baꞌ,

1 aBitrus 5:5

Anong ne yin ácam gip, kuus yin ike̱ng iya ako̱k kasho̱o̱n ikilisiya yin ta ka tak yin. Cice̱r yin, mees yin rice nong ta naka nye yin itomong kamok i se ni izibir ye, “Adakunom rawu áya a ta kok rice naza, amma a nyesek áya a ta mees rice ritek wu.”

aYohana 1:15

aYohana fe̱ itak natoon wu. A tá kuto̱ nong a tá fe̱ ye, “Ayu ne a nye aya mi tá fe̱ itak natoon wu nizen iya mi tá fe̱ ye, ‘Aya a tana be̱ nama mi, a ti nar, kamok wu tuse nizham a tá rin tes.’ ”

aLuka 3:3

A tsang a tseng niben aUrdun cei ne a fe̱ rife̱ natoon abatisma kushishing kuse nong a tà ku re̱ng ba rine̱n.

Itomong Ámanzo 8:36

Kaye̱e̱r kutseng, á be̱ ba naro̱ kakak ashi tú ku se ne aritek ame fe̱ be aFilibus'e ye, “Di ashi na, akye̱ ta roon ku ninye abatisma ame aze e̱?

Itomong Ámanzo 8:38

Ayong aritek ame sak itsaap nyeseng, ne aFilibus tiik mak be wu a ta se no̱ kaye̱e̱r ashi'me ne aFilibus nye aner ame abatisma.