aMatiyu 3:1 - Izere New Testament

¹ Nizen iyong aYohana aner abatisma be̱ a san kutaas rife̱ Adakunom katse ni iben aYahuda.

aMatiyu 3:1 Referans Kwoze

aLuka 1:76

Wan, igon'i, a tà ka yis ye aner kuzarap Adakunom Ayiik'e, wan tà tseng nasho̱o̱n Agwo̱m Ágwo̱m nong tà nye kanye̱k iren kamok wu.

aMatiyu 11:11

“Katsak'e ne mi ta ka tak yin, kaye̱e̱r kazatse a kun tes aner akak a tá nar aYohana aner abatisma yiik baꞌ. Gip be anong aya a ta nye ahiir'e kaye̱e̱r rigwo̱m kaza tu nar yiik.

aMarkus 1:15

ye, “Izen'e n nye, rigwo̱m Adakunom m be̱ bubarak. Shishing yin kuse yin ne i ni no̱o̱k yin katsak Rife̱ Ritek'e!”

aMatiyu 16:14

Iyong á fe̱ be wu ye, “Ákak fe̱ ye, aYohana aner abatisma; ákak fe̱ ye Iliya; ne ákak bun á fe̱ ye Irimiya; ka akak kaye̱e̱r aner kuzarap ayi.”

Itomong Ámanzo 1:22

Kum nizen iya aYohana tá san kunye abatisma ma nizen iya a tá sok aYeso nufe yir a tá tseng kaye̱e̱r kaza. Aner ayong ta te aner aya a tana taas itak kudorok aYeso mak be yir dim.”

aLuka 7:24

Nama átom aYohana ame tú ku bun, aYeso san kutaas ánerawe'me itak natoon aYohana ye, “Akye̱ ne yin se di yin katse e̱? Aner aya a ta se kyo̱ndi agam kuwun ta zim a?

aMatiyu 11:7

Nizen álimazhiri aYohana'me tú ku bun, aYeso san i taas rigwo̱m ánerawe'me itak natoon aYohana. “Nizen iya yin tá wuruk yin ni iwe̱ng, yin se di yin akye̱ e̱? Yin tseng yin i ta se di yin agam aso̱p'ong kuwun ta fe̱se̱m a?

aMatiyu 3:8

Nye yin itomong i tana tonong ye yin n shishing yin kuse yin.

aMatiyu 21:32

Kamok aYohana be̱ nong a tá ka tonong yin iren katsak, yin ti no̱o̱k yin katsak ni wu baꞌ. Amma áner áfe kushashang itso̱m iben ne ínyak ágwo̱m á ti no̱o̱k katsak. Yin tá di yin ike̱re̱'ong ka yin shishing yin kuse yin nong i tin no̱o̱k yin katsak baꞌ.”

aMarkus 1:2

Kyo̱ndi a tá zibir kaye̱e̱r kufumung Ishaya, aner kuzarap ye: “Mi tà tom atom mi nasho̱o̱n wan, aya a tana ka nye iren,”