aMatiyu 28:3 - Izere New Testament

³ Ne a sam kyo̱ndi akanang, ne ares wu kare̱p pes kyo̱ndi kufe̱n.

aMatiyu 28:3 Referans Kwoze

Itomong Ámanzo 1:10

Kum ne ba ru ye̱re̱k a ta sen ngarak naza, yong ba di áner afa be ares akan pes ti wuruk niba a tá nyeseng nukim ba.

aMarkus 9:3

Ares wu te akan pes ma a gye̱se̱m. A te akan ne a nar kuri ku kusu ares akak tana kyem kaye̱e̱r kazatse na.

aMarkus 16:5

Á tá fa no̱ kaye̱e̱r kure̱k'e, ne á di acam akak a tan te ares akan nusonong nabas kubo̱k riya, ne azhing tu yiir ba.

Ike̱ng a ta tonong aYohana 18:1

Nama anong, mi di amaleka akak ta wuruk naza a ta sen tisik kaben. Amaleka'me be kukyem dide̱ng ma kuyiik wu samang kaye̱e̱r kazatse cice̱r.

aYohana 20:12

Ne a di ámaleka afa nusonong be ares akan naro̱ kaya kukom aYeso'me tú ku se, akak nabas rice'me ne akak nabas atak'e.

Ike̱ng a ta tonong aYohana 10:1

Ne mi bun i di agbang amaleka akak ne naza a sen tisik kaben. A mu ku kis be ane̱n be itsereng natoon rice wu. Kanyisi wu se kyo̱ndi kunom ne atak wu seng kyo̱ndi atse̱n kuro̱ng.

aMatiyu 17:2

Iyong kanyisi wu shishing nasho̱o̱n ba. Kanyisi wu'me te kanang kyo̱ndi kunom ne ares wu kare̱p pes.

aMatiyu 28:4

Áfe a tá tor kure̱k'e fok inyim dide̱ng ma á koor, ne a kpas kyo̱ndi a kus.