aMatiyu 28:18 - Izere New Testament

¹⁸ Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aMatiyu 28:18 Referans Kwoze

aYohana 3:35

Atek'e shim Igon wu, ayong a sak koakye nubo̱k wu.

1 aBitrus 3:22

aKiristi tseng kaye̱e̱r kaza, a se nubo̱k riya Adakunom, ámaleka cice̱r ne ribir áya a tin nye rigwo̱m natoon kaza se nubo̱k wu.

aMatiyu 11:27

“Ada mi, min won ike̱re̱ na cei. Ko akak ren Igon'e baꞌ, ma Ada'me tsek. Akak ren Ada'me baꞌ, ma Igon'e tsek be aya Igon'e ta kasa nong a tu ku tonong ba.

Ibrani 2:8

ne i ku sak a tin nye rigwo̱m natoon ike̱re̱ cice̱r.” Nizen Adakunom tú ku sak a tin nye rigwo̱m natoon ike̱re̱'me, a won dar a ku won ike̱ng ikak baꞌ. Gip be anong, yir di yir anerawe ti nye rigwo̱m natoon ike̱re̱ cice̱r kyo̱o̱rna baꞌ.

1 aKoranti 15:27

Kamok i se nuzibir ye, “Adakunom sak koakye nubo̱k wu,” A tá fe̱ ye, “koakye.” I se kanang ye sang Adakunom ti se kaye̱e̱r áfe a ta se nubo̱k aKiristi baꞌ.

aYohana 17:2

Kamok wan tú ku no̱o̱k rigwo̱m natoon ánerawe cei, nong a ta no̱o̱k aya wan tú ku no̱o̱k cice̱r, kutser kufe izen izen.

aYohana 13:3

aYeso ren ye Ada'me n won ike̱re̱ cice̱r nubo̱k wu ne a ren ye wu ne nufe Adakunom, nufu Adakunom'me ne wu tù ku bun.

Ibrani 1:2

Amma kaye̱e̱r inom igang'e na, a fe̱ kanu be yir be Igon wu, aya a tú ku sak a ta te a ya kutse ike̱re̱ cice̱r. Mak be wu ne a nye koakye.

aKolosi 2:10

be anong ne yin shining yin kamok yin ta sor yin kaye̱e̱r wu. Wu ne a nye ako̱k kasho̱o̱n koakye kuri kukyem ne koakye kuri rigwo̱m.

aLuka 10:22

“Ada, mi n won koakye nubo̱k wan. Akak ren Igon'e baꞌ, ma Ada'me tsek. Akak ren Ada'me baꞌ, ma Igon'e be áya Igon'e ta shim a tu ku ren ba.”

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

aRom 14:9

aKiristi ku a ta bun a dorok be kutser nong a ta sor Agwo̱m Ágwo̱m áfe aya a tan kus ne áya a ta nye atser.

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

aMatiyu 26:64

aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

Itomong Ámanzo 2:36

“Kamok anong, won yin áner Isarela cice̱r tu ren yin ye, aYeso aya yin tú ku tigak yin nukon ame ne Adakunom mu ku sak an te Agwo̱m Ágwo̱m ne a nye aKiristi.”

Itomong Ámanzo 10:36

Rife̱ Adakunom tá tom áner Isarela'me nye itak kutaas Rife̱ Ritek rife̱ ne kusor kutek kaye̱e̱r aYeso Kiristi Agwo̱m Ágwo̱m yir cice̱r.

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aYohana 3:31

“Aya a ta ne naza nar koangan. Koangan afa a ta kaye̱e̱r kazatse nye afe kazatse'me, ne a fe̱ rife̱ ike̱re̱ kazatse'me. Aya a ta ne kaye̱e̱r kaza nar koangan cice̱r.