aMatiyu 27:63 - Izere New Testament

⁶³ Á tá fe̱ be wu ye, “Kunom ra be rigwo̱m, yir ru yiring yir be ike̱ng aner abo̱o̱s ame tá fe̱ kum ne a rusek be kutser ye nama inom itaar a ta bun a dorok be kutser.

aMatiyu 27:63 Referans Kwoze

aLuka 9:22

Ayong aYeso fe̱ be ba ye, “Igon Anerawe tà so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r ne a bun a dorok katuk afe ataar be kutser.”

aMatiyu 16:21

Kum be izen iyong, aYeso san kufe̱ be álimazhiri wu kanang ye ma wu tseng na aUshalima nong a ta se so̱ iriri risam dide̱ng nibo̱k asho̱n be ágbang atsi ne áner kubo̱so̱p itsi ma a tà ku fe̱r. Nama inom itaar a tà ku dorok be kutser.

aYohana 2:19

aYeso tú shim ba'me ye, “Yirik yin kutu kuya Adakunom iben na, mi tà bun i no̱k kaye̱e̱r inom itaar.”

aLuka 18:33

Katuk afe ataar a tà bun a dorok be kutser.”

aMarkus 10:34

Á tu ku kok ko'me, ne á ku tang ace̱, ne á ku whereng ne á ku fe̱r. Nama inom itaar a ta bun dorok be kutser.”

aMarkus 8:31

Ayong aYeso san ku kubo̱so̱p ba'me ye, Igon Anerawe ta so̱ iriri risam, ne áko̱k kasho̱o̱n be ágbang átsi ne áner kubo̱so̱p Itsi ku rawu, a tu ku fe̱r, nama inom itaar a ta bun a dorok be kutser.

aMatiyu 20:19

Ne á ku sok á ta no̱o̱k áner aya sang á ta nye áner aYahuda baꞌ, nong á ta nye be wu kye̱re̱, ne á ku whereng ne á ku tigak. Katuk afe ataar a tà dorok be kutser.”

aMatiyu 17:23

A tù ku fe̱r, katuk afe ataar a tù ku dorok be kutser.” Iyong álimazhiri wu nye riye̱ riwe dide̱ng.

aMatiyu 26:61

Á tá fe̱ ye, “Aner na fe̱ ye wu ta kyem a yirik agbang kutu kuya Adakunom iben ne a bun a no̱k kaye̱e̱r inom itaar.”

2 aKoranti 6:8

A ti tiyiik yir ne a bun a te be yir fe̱re̱, a ti kerek yir ne a bun a fe̱ imaan'e natoon yir. I taas yir katsak gip be anong a ti ye̱re̱k yir kyo̱ndi afe naborok

aYohana 7:12

Kaye̱e̱r rigwo̱m ánerawe'me ákak fe̱ cucuk natoon aYeso. Ákak fe̱ ye, “A nye aner atek.” Ne ákak fe̱ ye, “Wayo, a wo̱ro̱k ánerawe.”

aLuka 23:2

Á tá fe̱ ye, “Yir tú se̱ yir a sen wo̱ro̱k ánerawe yir, ne a ku roon ba kukarang rigwo̱m itso̱m iben. Ne a sok rice wu ye wu ne a nye aKiristi, a ta nye agwo̱m.”

aYohana 7:47

Ne áner aFarisi ame ku rip ba ye, “Ka yin gip a tá ka wo̱ro̱k yin e̱?

aMatiyu 27:64

Kamok anong, sak a ta se tor kure̱k'e ma kuko̱s kutaar fan álimazhiri wu bu se tun kukom'e nitsang nong á ta fe̱ ye a dorok nure̱k. Abo̱o̱s afe igang'e na ta risik ne a nar afe ime̱se̱ng'e.”

aMatiyu 28:6

A kuse baꞌ. An dorok kyo̱ndi wu tá fe̱. Be̱ ta di yin karo̱ a tú ku sak ko.

aMarkus 9:31

kamok a sen bo̱so̱p álimazhiri wu'me. Ayong a fe̱ be ba ye, “A ta sok Igon Anerawe a ta re̱p ákak'e. A tu ku fe̱r, nama inom itaar a ta dorok.”

aLuka 18:31

aYeso na ka korok be álimazhiri wu kuso̱k be afa nukim nong a tá fe̱ be ba ye, “Yir ngarak yir i be yir na aUshalima nong koakye áner kuzarap tá zibir natoon Igon Anerawe ta shining.