aMatiyu 27:54 - Izere New Testament

⁵⁴ Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 27:54 Referans Kwoze

aMarkus 15:39

Nizen ako̱k kasho̱o̱n ásozha aya a ta se azong nyeseng a ta di riku'me, yong a fe̱ ye, “Katsak'e, aner na nye Igon Adakunom.”

aMatiyu 27:36

Ne á sosok kaben nong á tu ku tor.

aMatiyu 27:43

A ti fe̱re̱ng na Adakunom. Won Adakunom'me tu ku shesh. Wu fe̱ ye wu nye Igon Adakunom.”

Itomong Ámanzo 27:43

Amma aritek ásozha aRom'me ta shim a ta shesh aBulus, yong a tú ku roon ba'me. Ne a fe̱ be ba ye áner aya a ta ren riwo̱k ra san kufuruk nong á ta wo̱k a ta tseng nukim kudung'e.

Itomong Ámanzo 27:1

Nizen iya a tin sak ye yir ra no̱ yir nukpara ashi nong ta tseng yir niben Italiya, yong a won aBulus be áfe itso̱m ákak nubo̱k aritek ásozha aRom akak riyerek wu tá nye aZhuliyos. Akak kaye̱e̱r ásozha a tá yis ye, ásozha aKaisar.

Itomong Ámanzo 23:23

Iyong agbang ásozha'me yis aritek asozha aRom afa nong a tá fe̱ be ba ye, “Nye yin kanye̱k nong ta tseng yin na aKaisariya nabas itsom katobo̱k natuk na, mak be ásozha iso̱k inyak ifa ne ásozha aya a ta ko̱n natoon itsaap iso̱k kanataar be áya a ta ko̱n be ako̱o̱n iso̱k inyak ifa.

Itomong Ámanzo 21:32

Iyong a wor a bo̱ ásozha'me ne ako̱k kasho̱o̱n ákak nong á tá tseng be itsi naro̱'me. Ánerawe'me tá fa di aritek ame be ásozha wu ta saase, yong á won kutsor aBulus.

aMatiyu 8:5

Nizen aYeso tá no̱ kaye̱e̱r aKapanum, iyong ako̱k kasho̱o̱n aSozha aRom akak be̱ nufu nong a tú ku nye izong ye,

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

Ike̱ng a ta tonong aYohana 11:13

Dim nizen iyong kaben wor ka zuur, abas azining kaye̱e̱r kuwo̱p'e wor kuyirik. Ánerawe izungu kanataar kus kamok kuzuur kaben'e. Áfe á tá gaar be kutser fok inyim dide̱ng yong á tiyiik Adakunom a ta se kaye̱e̱r kaza.

aRom 1:4

Kabik Kazhe̱l'e tonong kaye̱e̱r kukyem ye wu ne a nye Igon Adakunom kamok a tú ku dorok nure̱k be kutser. Wu ne a nye Agwo̱m Ágwo̱m yir aYeso Kiristi yir.

Itomong Ámanzo 23:17

Iyong aBulus yis akak kaye̱e̱r áko̱k kasho̱o̱n ásozha'me a tá fe̱ be wu ye, “Tseng be acam na nufe aritek yin, a be ike̱ng ikak iya a tana ku tak.”

Itomong Ámanzo 10:1

Aner akak tuse na aKaisariya a tú ku yis ye aKoneliyus. A nye aritek ásozha aRom a tá ka yis ba ye Agbang rigwo̱m ásozha Italiya.

Itomong Ámanzo 2:37

Ánerawe tá fa fok anong, rife̱'me tú ku ra ba naye̱ ma a daam dide̱ng. Ne á fe̱ be aBitrus ne ribir ámanzo'me ye, “Ároneng, yir ta nye yir ane̱ e̱?”

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”

aLuka 22:70

Iyong cice̱r ba rip aYeso ye, “To̱, yong wan di ye wan nye Igon Adakunom a?” Ne aYeso fe̱ be ba ye, “I se anong kyo̱ndi yin ta fe̱ yin.”

aMatiyu 27:40

ne á fe̱ ye, “Wan afe i tana yirik agbang kutu kuya Adakunom iben ne i bun i no̱k kaye̱e̱r inom itaar, shesh rice wan'e. Ke wan nye Igon Adakunom, to̱, ne i tiik kaben.”

aMatiyu 26:63

Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aMatiyu 27:51

Nizen iyong alaple aya a ta se kaye̱e̱r agbang kutu kuya Adakunom iben wor a sarak natite kpak ma kaben. Kaben zuur ne ata tasak.