aMatiyu 27:2 - Izere New Testament

² Iyong á tú rosom, á tá tseng'e nufe aBilatus, a tá nye agwo̱mna.

aMatiyu 27:2 Referans Kwoze

Itomong Ámanzo 3:13

Adakunom aya a ta nye afe Ibrahim ne a nye afe Ishaku ne a nye afe aYakub, Adakunom atukop yir, wu ne a tiyiik asam wu aYeso. Yin tú ku sok yin i tá no̱o̱k yin áko̱k kasho̱o̱n nong á tú ku fe̱r. Yin tú ku rayin nasho̱o̱n aBilatus, aBilatus'e shim a tú ku won gye̱rtatan.

aMatiyu 20:19

Ne á ku sok á ta no̱o̱k áner aya sang á ta nye áner aYahuda baꞌ, nong á ta nye be wu kye̱re̱, ne á ku whereng ne á ku tigak. Katuk afe ataar a tà dorok be kutser.”

1 aTimoti 6:13

Nasho̱o̱n Adakunom afe a ta no̱o̱k koakye ike̱ng kutser ne aYeso Kiristi aya a ta fe̱ katsak natoon rice wu nasho̱o̱n aBuntus Bilatus, a tá fe̱ atuk katsak. Mi ta nye akusuk ye,

aLuka 13:1

Nizen iyong áner ákak tuse azong áfe a tá tak aYeso itak natoon áner aGalili áya aBilatus tú ku fe̱s ba nizen á tá sen nye asidaka.

Ibrani 13:3

Yiring yin be áya a ta se nitso̱m, nye yin be ba kyo̱ndi yin se yin mak. Yiring yin be áya a ta sen ku no̱o̱k ba risam, nye yin be ba kyo̱ndi yin se yin mak.

2 aTimoti 2:9

Kamok anong ne mi ti so̱ risam na ma a min te nitso̱m gip kyo̱ndi aner aya a tá nye amaan ike̱ng, amma a ta kyem a ta rosom rife̱ Adakunom baꞌ.

Itomong Ámanzo 28:20

Kamok anong ne mi fe̱ ye, mi shim ta ka di yin nong ta fe̱ kanu be yin. A min rosom aze na be atso̱m kamok kute riye̱ aner Isarela ta min te ni wu.”

Itomong Ámanzo 24:27

Amma nama aye̱ afa ne aPokiyus aFestus ngarak ni itsik rigwo̱m. aFelis shim a ta kare̱p áner aYahuda riye̱ yong a won aBulus nitso̱m.

Itomong Ámanzo 22:29

Áner aya a tá shim á ta kpaan ku kurisim ike̱re̱ wor á tú won. Aritek asozha'me be rice wu gip a fok inyim kamok wu rosom aBulus a ta nye aner aRom.

Itomong Ámanzo 22:25

Amma nizen iya á tú ku rosom nong á tú ku whereng, yong aBulus fe̱ be agbang aritek asozha'me akak a tá se azong ye, “I se gye̱r yin tana whereng yin aner aRom dar ku kuto̱ amok a?”

Itomong Ámanzo 21:33

Aritek asozha'me be̱ bubarak a tú ku yiir ne a sak a tu ku rosom be idun atso̱m ifa. Ne a rip ye a nye angan e̱? A nye akye̱ e̱?

Itomong Ámanzo 12:6

Natuk katuk kaya aHiridus tana ku tun nong a tú ku to̱ amok nasho̱o̱n ánerawe, aBitrus se be ida natite ásozha afa. A tú ku rosom be idun atso̱m nabas afa, ásozha afa se nuyeseng nanu kutu'me a ta sen fek'e.

Itomong Ámanzo 9:2

A tá fe̱ be wu ye a ru ku kufumung nong ase̱ a ta tseng ninaro̱ natu aduwa aDamaskus, nong ke wu se se̱ ákak azong áfe a ta Kuus Iren Agwo̱m Ágwo̱m ne wu ka yising ba atek be ányining'e nong a ta se kates ba nitso̱m na aUshalima.

Itomong Ámanzo 4:27

“I se anong, aHiridus be aBuntus Bilatus ne áner aya sang a ta nye aner aYahuda baꞌ nyim rice be áner Isarela, kaye̱e̱r agbang kuwo̱p na, á tá ko̱n be ásam wan ázhe̱l'e aYeso aya wan tú ku kasa a ta te aner kashesh.

aYohana 18:24

Ayong Anas tu bun be wu nufe aKayafas agbang atsi'me be aYeso nurosom.

aYohana 18:12

Ayong rigwo̱m ásozha ne áko̱k kasho̱o̱n ba, ne áfe a tor agbang atsi áner aYahuda yiir aYeso'me nong á tú ku roos.

aLuka 20:20

Á ta se be kutseng niren, yong á tom ákak be ritse̱ng nong á tà se di ike̱ng aYeso'me tá sen nye'me. Á shim ke aYeso taam nong á tà se̱ á tu ku yiir nong á tu ku sok á tà no̱o̱k rigwo̱m.

aLuka 3:1

Nizen aKaisar aTibariya ta se kaye̱e̱r riye̱ rife̱ kuso̱k be atoon be rigwo̱m wu, aBuntus Bilatus nye agwo̱mna iben aYahuda, ne aHiridus nye agwo̱m iben aGalili ne aronyining wu aFilibus nye agwo̱m iben Ituriya be aTarakunitus, ne aLisaniya nye agwo̱m iben Abiliya.

aMatiyu 28:14

Ke itak'e no̱ nato aBilatus, yir tu ku tak yir, nong yin ta so̱ yin risam baꞌ.”

aLuka 23:1

Ágwo̱m ame sok aYeso nong á tá tseng'e nasho̱o̱n aBilatus.

aLuka 23:12

Katuk kayong ne aBilatus be aHiridus te aner be aferime̱, á tá tsang á nye aner be amudo̱n.

aYohana 18:28

Nadiding bop, aner aYahuda'me won kasa aKayafas nong á ta tseng be aYeso nasa aner a tá nye agwo̱mna aRom. Áner aYahuda'me gaar kuno̱ kaye̱e̱r azuri rigwo̱m'e ye iyong ta sak ba ta ba se zhe̱l baꞌ. Kamok ba shim á ta se ya naya aPasova.