aMatiyu 27:19 - Izere New Testament

¹⁹ Nizen aBilatus tá se nusonong natoon itsik amok, yong abining wu tom kutom nufu ye, “Kam be itak aner na sang a tá nye rine̱n baꞌ, kamok mi so̱ risam nashirim ni nabos natoon wu.”

aMatiyu 27:19 Referans Kwoze

aMatiyu 27:24

aBilatus tá di sang ba shishing kuto̱ro̱ng ba baꞌ, ne á bun á shim á ta dorok be riwo̱ng, yong a bo̱ ashi a tin kusu ibo̱k wu nasho̱o̱n ba ne a fe̱ ye, “Ibo̱k'i kuso̱k, naso̱k aner na se rice mi baꞌ. Yin tà fok yin'e.”

1 aBitrus 2:22

“Wu kun nye rine̱n ike̱ng ikak baꞌ. A kun fok abo̱o̱s nanu wu baꞌ.”

aYohana 19:13

aBilatus tá fa fok anong, yong a tun aYeso'me nufang ne a sonong natoon itsik amok, a tá nye be ata. (A yis ni irem áner Aramiya ye aGabbata.)

aLuka 23:47

Izen iya aritek ásozha'me akak tá fa di anong yong a kerek Adakunom, ne a fe̱ ye, “Katsak'e aner na nye azhe̱l'e.”

1 aYohana 2:1

Inoon'i, yin aya mi ta shim, mi tá zibir yin ike̱re̱ na fan yin bu nye yin rine̱n. Amma ke akak yin bun a nye rine̱n, Adakunom tu ku re̱ng'e kamok yir be yir akak a tana nyeseng rice yir nasho̱o̱n Adakunom a ta nye Ada'me. Wu ne a nye aYeso Kiristi aya a ta se zhe̱l nasho̱o̱n Adakunom.

aMatiyu 27:4

Ne a fe̱ ye, “Mi nye rine̱n. Mi tá no̱o̱k aner aya sang a tá nye rine̱n baꞌ.” Atsi'me ne ásho̱n'e fe̱ be wu ye, “Akye̱ ti daam yir azong a? Iyong nye kudaam wan.”

aMatiyu 2:22

Amma nizen iya a tá fok ye Akilayus ne ngarak natoon rigwo̱m atek wu aHiridus ni iben aYahuda, a fok inyim a tú ku bun amma Adakunom tú ku ko̱ro̱k kuto na nabos'e, ayong a tire̱e̱r a tá be ni iben aGalili.

aMatiyu 2:19

Nizen aHiridus tá ku, amaleka Adakunom be̱ nufe aYusufu na aMasar kaye̱e̱r nabos ye,

aMatiyu 1:20

A tá se kaye̱e̱r kanye̱k kayong, iyong amaleka Adakunom be̱ nufu kaye̱e̱r nabos nong a tá fe̱ be wu ye, “aYusufu, igon aDauda, sang tu fok inyim kuso̱k aMarya kanamang kusam wan baꞌ, kamok kafa wu'me nye kafe Kabik Kazhe̱l'e.

aLuka 23:41

Risam a tin no̱o̱k yir se gye̱r, kamok kunye yir nye kumaan'e, aner na nye rine̱n ike̱ng ikak baꞌ.”

aMatiyu 27:18

Kamok wu ren tseng tseng ye kamok rishishim ne á be̱ be aYeso nufu.

Itomong Ámanzo 12:21

Iyong á ti sak kunom. Katuk'e yong aHiridus te ares rigwo̱m wu a tá sonong ni itsik rigwo̱m wu a tá fe̱ kanu be ánerawe cice̱r.

Itomong Ámanzo 18:12

Amma nizen iya aGaliyo tá te agwo̱m Akaya, áner aYahuda nyim kanu á ta se kpa aBulus. A tú ku yiir a tá tseng be wu naro̱ kuto̱ amok.

Itomong Ámanzo 18:16

Iyong a tú ku tun ba kaye̱e̱r kutu amok'e.

Itomong Ámanzo 18:17

Á yir aSastanu ako̱k kasho̱o̱n kutu aduwa nong a tú ku tsor nasho̱o̱n karo̱ amok'e. Amma aGaliyo ti daam baꞌ.

Itomong Ámanzo 25:6

Nama a ta te kyo̱ndi inom ikara ka kuso̱k be ba, ne a wesek na aKaisariya. Kaya katson'e a sonong ni itsik amok a ta sak a tú ku be̱e̱n aBulus.

Itomong Ámanzo 25:10

Iyong aBulus fe̱ ye, “Mi se nasho̱o̱n karo̱ kuto̱ amok aKaisar, i se gye̱r a tin to̱ amok aze. Sang mi n nye áner aYahuda rine̱n baꞌ, kyo̱ndi wan be rice wan ta ren.

Itomong Ámanzo 25:17

Nizen iya áner aYahuda'me tá be̱ nunaan, mi beseng izen baꞌ. Mi no̱ naro̱ kuto̱ amok'e naya katson'e, i tá fe̱ ye á ra be̱e̱n be wu.