aMatiyu 26:64 - Izere New Testament

⁶⁴ aYeso fe̱ be wu ye, “Ei, i se kyo̱ndi wan tá fe̱'ong. Amma mi fe̱ be yin ye, nasho̱o̱n yin tà di yin Igon Anerawe nusonong nubo̱k riya Atek kukyem, ne i ku di yin a ta saase kaye̱e̱r ane̱n.”

aMatiyu 26:64 Referans Kwoze

aMarkus 14:62

aYeso fe̱ be wu ye, “Ei, yin tà di yin Igon Anerawe nusonong nukim kubo̱k riya Aner Kukyem. A ta saase kaye̱e̱r ane̱n natoon kaza.”

Ibrani 1:3

Igon'e ne ka nye akanang kuyiik Adakunom, a tas Adakunom kyo̱o̱n. A yiir koakye ike̱ng be kukyem rife̱ wu. Nama a tá sak yir ta te yir zhe̱l kaye̱e̱r rine̱n yir, yong a sonong nubo̱k riya Aya a ta nye a yiik'e kaye̱e̱r kaza.

Ike̱ng a ta tonong aYohana 1:7

Di yin, a saase kaye̱e̱r ane̱n, koangan tù ku di, cei be áya a tú ku fe̱r. Ánerawe kazatse cice̱r tà tos kamok wu. Katsak'e! I se anong. Anong!

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aLuka 21:27

Nizen iyong ne á tà di Igon Anerawe ta saase kaye̱e̱r ane̱n be kukyem ne kuyiik dide̱ng.

aMatiyu 24:30

“Nizen iyong ne yin tà di yin kube̱ Igon Anerawe naza, ánerawe kazatse cice̱r tà korok ibo̱k nuto̱. Á ta di Igon Anerawe ta saase kaye̱e̱r ane̱n be kukyem ne kuyiik dide̱ng.

aMatiyu 26:25

Ayong aYahuza, aya a tana re̱p aYeso'me fe̱ ye, “Aner Kubo̱so̱p, ka wan di ye aner'e nye mi e̱?” aYeso fe̱ be wu ye, “Wan gip, wan fe̱ be rice wan.”

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

aMatiyu 16:27

Kamok Igon Anerawe tà be̱ be kuyiik Ada wu ne kufe ámaleka nong a tà no̱o̱k koangan ishorong itomong wu.

Ike̱ng a ta tonong aYohana 20:11

Iyong mi di agbang itsik rigwo̱m rikak rikan be aner akak natoon'e. Kaza be kaben wor ka wei, akak ba di baꞌ.

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

Itomong Ámanzo 1:11

Ayong áner'e fe̱ ye, “Yin áner aGalili, kamok akye̱ yin nyeseng yin i ta ye̱re̱k yin kaza e̱? aYeso a tú ku sok nufe yin na a ta tseng naza, a tà bun a be̱ ana kyo̱ndi yin ta di yin a tá tseng kaye̱e̱r kaza.”

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aLuka 22:70

Iyong cice̱r ba rip aYeso ye, “To̱, yong wan di ye wan nye Igon Adakunom a?” Ne aYeso fe̱ be ba ye, “I se anong kyo̱ndi yin ta fe̱ yin.”

aMatiyu 27:11

Nizen iya aYeso tá se nunyeseng nasho̱o̱n agwo̱mna'me yong a tú ku rip ye, “Wan ne i nye agwo̱m aner aYahuda a?” Ne aYeso fe̱ be wu ye, “Wan ne wan fe̱ anong.”

aRom 14:10

Wan ne̱? Akye̱ sak wan to̱ afudang wan amok e̱? Ka akye̱ sak wan zhe̱e̱sh afudang wan e̱? Yir cice̱r tà nyeseng yir nasho̱o̱n itsik rigwo̱m Adakunom.

aMatiyu 8:20

aYeso fe̱ be wu ye, “Áromong be ibong á tin no̱o̱s ne nanon be are̱, amma Igon Anerawe be karo̱ a tanin sak rice wu baꞌ.”

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aMatiyu 22:44

“ ‘Agwo̱m Ágwo̱m fe̱ be Agwo̱m Ágwo̱m mi ye, “Sonong nabas kubo̱k riya mi, ma izen iya mi sak ámudo̱n wan kpa natak wan.” ’

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aLuka 22:69

Kyo̱o̱rna, Igon Anerawe tà sonong nubo̱k riya Adakunom afe kukyem.”