aMatiyu 26:63 - Izere New Testament

⁶³ Amma aYeso te gbik. Ayong agbang atsi ame bun a fe̱ be wu ye, “Kaye̱e̱r riyerek Adakunom afe kutser, ni tak yir katsak'e, ka wan ne i nye aKiristi'e, Igon Adakunom.”

aMatiyu 26:63 Referans Kwoze

aMatiyu 16:16

Ayong aBitrus fe̱ be wu ye, “Wan ne i nye aKiristi, Igon Adakunom afe kuter.”

aMatiyu 27:12

Nizen ágbang atsi ne áko̱k kasho̱o̱n tá fe̱ ike̱re̱ ame be wu ko aYeso ti sak kanu baꞌ.

aYohana 20:31

Amma a zibir ike̱re̱ na, nong ase̱ tin no̱o̱k yin katsak ye aYeso ne a nye aKiristi, Igon Adakunom. Nong ase̱ ke yin ti no̱o̱k yin katsak, yin tà se̱ yin kutser kaye̱e̱r riyerek wu.

aYohana 19:9

Ayong a tú ku bun kaye̱e̱r azuri wu nong a tá se rip aYeso ye, “Wan ne ake̱ e̱?” Ko aYeso tú ku sak ko'me ba baꞌ.

aYohana 19:7

Amma áner aYahuda yiir'e ding ding ye, “Yir be yir itsi, itsi yir fe̱ ye, a tù ku fe̱r dim, kamok wu sok rice wu ye wu nye Igon Adakunom.”

aYohana 18:37

Amma aBilatus fe̱ ye, “Aser, wan nye agwo̱m a?” aYeso fe̱ ye, “Wan ne wan fe̱ be kanu wan ye mi nye agwo̱m. Ike̱ng iya i tá sak a tin tes'ong, nong ta taas katsak'e. Koangan a ta nye afe katsak, shim kufoos kuto̱ mi.”

aYohana 10:36

Mi ne Ada ti sak i tá te zhe̱l, ne a ni tom nazatse, rife̱ kuzhe̱e̱sh ne mi tá fe̱ ye mi nye Igon Adakunom a?

aYohana 10:30

Mi be Ada'me i se yir ázining.”

aYohana 10:24

Áyong áner aYahuda tú gorok nong á tá fe̱ be wu ye, “Ma akye̱ izen ne wan tin won yir kaye̱e̱r agak riye̱ e̱? Ke wan ne i nye aKiristi'me, ne wan ni tak yir kanang.”

aYohana 8:25

Ayong á rip aYeso ye, “Wu wan nye angan nigaan'e e̱?” Ne aYeso fe̱ be ba ye, “Mi ne i nye aya mi tá ka tak yin kum ni ime̱se̱ng'e.

aYohana 6:69

Yir ti no̱o̱k yir katsak ne i ren yir ye wan ne i nye Azhe̱l'e afe Adakunom.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aYohana 1:34

Mi di anong, kamok anong mi ta kyem i fe̱ koakye natoon wu ye, wu ne a nye Igon Adakunom.”

aMarkus 14:61

Amma aYeso sor gbik, a ti sak baꞌ. Ayong ako̱k kasho̱o̱n agbang atsi ame bun a tú ku rip ye, “Iyong wan ne i nye aKiristi Igon Aner Ritek a?”

aMatiyu 27:54

Nizen ako̱k kasho̱o̱n ásozha ne ribir aya a ta se mak be wu ni itor aYeso tá fok kaben ta zuur ne ike̱re̱ cice̱r i tá nye, á fok inyim dide̱ng yong á fe̱ ye, “Katsak'e aner na nye Igon Adakunom.”

aMatiyu 27:43

A ti fe̱re̱ng na Adakunom. Won Adakunom'me tu ku shesh. Wu fe̱ ye wu nye Igon Adakunom.”

aMatiyu 27:40

ne á fe̱ ye, “Wan afe i tana yirik agbang kutu kuya Adakunom iben ne i bun i no̱k kaye̱e̱r inom itaar, shesh rice wan'e. Ke wan nye Igon Adakunom, to̱, ne i tiik kaben.”

aMatiyu 27:14

Amma aYeso tú sak ko'me baꞌ, ma agwo̱mna'me te zhing.

1 aBitrus 2:23

Nizen iya ánerawe tú ku barak ritok, a tú ku karang baꞌ, nizen a tá so̱ risam a fe̱ ye wu tú ku karang baꞌ, a ban a ti te riye̱ na Adakunom aya a tana to̱ amok afe katsak ingya.

aMatiyu 4:3

Ishetan be̱ a tá fe̱ be wu ye, “Ke wan ne i nye Igon Adakunom, to̱, fe̱ be ata na nong á ta te abiredi.”

aMatiyu 26:62

Ayong agbang atsi'me dorok, a nyeseng, a tá fe̱ be aYeso ye, “Wan be ike̱ng i tana fe̱ aꞌa? Ike̱ng ánerawe na ta fe̱ natoon wan na ane̱ e̱?”

2 aKoranti 1:19

Kamok Igon Adakunom, aYeso Kiristi, aya yir be aSila ne aTimoti, tá fe̱ yir itak natoon wu ye, “Ei” ka “Wayo” baꞌ, amma koakye izen a nye “Ei.”