aMatiyu 26:55 - Izere New Testament

⁵⁵ Nizen iyong aYeso fe̱ be rigwo̱m ánerawe'me ye, “Mi nye akpatang yin ta be̱ yin be ishe̱n ne ítsor nong tin yiir yin e̱? Koakye kunom mi sor kaye̱e̱r agbang kutu kuya Adakunom iben ne i bo̱so̱p ánerawe'me, yin ti yiir yin baꞌ.

aMatiyu 26:55 Referans Kwoze

aYohana 8:2

Nadiding bop aYeso bun a tu bun nubang agbang kutu kuya Adakunom iben. Ánerawe cice̱r be̱s á tú ku gorok yong yong aYeso sonong nong a tú ku bo̱so̱p ba'me.

aMarkus 12:35

aYeso ta se be kubo̱so̱p kaye̱e̱r kubang agbang kutu kuya Adakunom iben, ne a rip ye “Kamok akye̱ afe kubo̱so̱p Itsi fe̱ ye, aKiristi nye Igon aDauda e̱?

aYohana 7:28

aYeso ta sen bo̱so̱p ánerawe'me kaye̱e̱r kubang agbang kutu kuya Adakunom iben'e, a tá kuto̱ naza ye, “Ei, yin ti ren yin, ne i ren yin karo̱ afe mi tú ku ne, mi be̱ kube̱ rice mi baꞌ. Amma aya a tin tom nye afe katsak, yin tu ku ren yin baꞌ.

aYohana 7:14

A tá bo̱ karo̱ dide̱ng ni inye riye̱ rikan'e ne aYeso ma tseng kaye̱e̱r kubang agbang kutu kuya Adakunom iben'e nong a tá san ibo̱so̱p ánerawe'me.

aMatiyu 21:23

aYeso tá no̱ kaye̱e̱r kubang agbang kutu kuya Adakunom iben ame, nizen iya a ta sen ibo̱so̱p ánerawe'me ágbang atsi ne ásho̱n aner aYahuda be̱ nufu á tu ku rip ye, “Be akye̱ kuri kukyem ne wan ti nye ike̱re̱ na e̱? Angan ta no̱o̱k iren kunye ike̱re̱ na e̱?”

aMatiyu 26:47

Kum ne aYeso ru fe̱ kanu, aYahuza azining kaye̱e̱r alimazhiri kuso̱k be afa ame be̱ be rigwo̱m ánerawe whe̱re̱ be ítsor ne ishe̱n. Ágbang atsi ne áko̱k kasho̱o̱n ba ne á tu ku tom ba.

aMarkus 10:1

Ayong aYeso won karo̱ kayong nong a tá be niben aYahuda, ne a tar isho̱ng aUrdun. Rigwo̱m ánerawe be̱s nufu gbak ne a bun ku bo̱so̱p ba'me kyo̱ndi a tan me̱ ne a nye.

aLuka 4:20

Ne a kunung kukpa ame nong a tá no̱o̱k aner aya a tin sak riye̱, ne a sonong. Koangan afe a ta se kaye̱e̱r kutu aduwa ame ti sak anyisi ni wu.

aLuka 19:47

aYeso bo̱so̱p ánerawe'me koakye katuk kaye̱e̱r agbang kutu kuya Adakunom iben'e, ágbang átsi be áfe kubo̱so̱p Itsi ne áko̱k kasho̱o̱n kaye̱e̱r ánerawe'me tse̱r á tú ku fe̱r.

aLuka 20:1

Katuk kakak nizen aYeso tá sen bo̱so̱p ánerawe'me nubang agbang kutu kuya Adakunom iben, ne a ku taas ba Rife̱ Ritek Adakunom, ágbang átsi be áfe kubo̱so̱p Itsi mak be áko̱k kasho̱o̱n be̱s nufu.

aYohana 8:20

aYeso fe̱ rife̱ na nizen iya a tá se be kubo̱so̱p kaye̱e̱r agbang kutu kuya Adakunom iben, bubarak be karo̱ a tú ku saas abeko. Amma gip be anong, ko akak tú yiir baꞌ, kamok izen wu tsang i nye baꞌ.