aMatiyu 26:45 - Izere New Testament

⁴⁵ Ne a ku bun nufe álimazhiri wu, ne a fe̱ be ba ye, “Yin rusek yin nida i sen song yin a? Di yin izen'e n nye a tana no̱o̱k áfe rine̱n Igon Anerawe.

aMatiyu 26:45 Referans Kwoze

aYohana 13:1

A tú ku won kuko̱s kuzining ne a nye Riye̱ Rikan aPasova. aYeso tá ren izen n nye ife wu tana won kazatse na nong a tá be nufe Ada wu. A shim ánerawe wu afe á ta se nazatse ne a ku tonong ba kushim wu ma nigang'e.

aYohana 17:1

Nama aYeso tá fe̱ ike̱re̱ na, ne a sok rice wu naza a tá ye̱re̱k kaza nong a tá nye aduwa ye, “Ada, izen'e n nye. Tiyiik Igon wan, nong wu gip a tà ka tiyiik.

aYohana 12:27

“Kyo̱o̱rna mi be kudaam kaye̱e̱r riye̱ mi. Mi tà nye ane̱ e̱? Ke mi fe̱ ye, ‘Ada, ni sok risam na a?’ Wayo, iyuna ne i nye ike̱ng iya mi tin be̱ nizen na.

aLuka 22:53

Mi se be yin ye̱r ye̱r kaye̱e̱r agbang kutu kuya Adakunom iben, yin ti sak yin kubo̱k natoon'i baꞌ, amma izen ife yin na, izen amaan aner tin nye rigwo̱m nawhi.”

aMatiyu 26:18

Ne aYeso fe̱ be ba ye, “Tseng yin kaye̱e̱r kuwo̱p, yin ta se̱ yin aner akak, fe̱ yin be wu ye aner kubo̱so̱p fe̱ ye izen wu m be̱ bubarak. Wu shim a ta ya naya aPasova'me wu mak be álimazhiri wu kari wan.”

aMatiyu 26:2

“Yin ren yin izen kunye riye̱ rikan aPasova a tu ku won inom ifa ne a nye nizen iyong ne a ta no̱o̱k Igon Anerawe nong a ta tigak.”

aMatiyu 26:44

Ayong aYeso bun a tú won ba nong a ta tseng ninye aduwa kutak kufe ataar, ne a fe̱ ike̱ng iya wu tá fe̱ ni ime̱se̱ng'e.

aMatiyu 26:46

Dorok yin nong tá tseng yir. Aner a tanin re̱p na an be̱.”

aMarkus 14:35

A tá fa rak kusees cie̱k, ne a tigbok akuur a tá te akace nong a tá nye aduwa ye, ke i ta se gye̱r, ne a ku sok izen risam'me.

aYohana 12:23

Ayong aYeso fe̱ be ba ye, “Izen a tana tiyiik Igon Anerawe n nye.