aMatiyu 26:41 - Izere New Testament

⁴¹ Sor yin ne i tor yin ne i nye yin aduwa fan i bu kpas yin kaye̱e̱r kubo̱mo̱ng. Kabik shim amma kuro̱m'e se gbe̱re̱k.”

aMatiyu 26:41 Referans Kwoze

aLuka 22:46

Ayong aYeso tú rip ba ye, “Akye̱ sak yin se yin be ida e̱? Dorok yin ta nye yin aduwa fan i bu kpas yin nubo̱mo̱ng.”

aMarkus 14:38

Ayong aYeso fe̱ be ba ye “Sak yin riye̱, nye yin aduwa fan yin bu kpas yin kaye̱e̱r kubo̱mo̱ng. Katsak'e, riye̱ shim kunye'me amma kuro̱m gaar.”

Afisa 6:18

Yiir inye yin aduwa koakye izen kaye̱e̱r kukyem Kabik. Nye yin aduwa ne i rip yin koakye kuri ike̱ng iya yin ta tse̱r yin. Sor yin be kanye̱k koakye izen ne i ya yin kasho̱o̱n be aduwa kamok ázhe̱l'e.

aMatiyu 6:13

Sang tu tseng be yir naro̱ kaya yir tana taam yir baꞌ, ni shesh yir nubo̱k Amaan Aner. [Kamok rigwo̱m be kukyem ne kuyiik nye kufuan ma izen izen. Anong!]’

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

1 aKoranti 16:13

Sor yin be kanye̱k, nyeseng yin gye̱r kaye̱e̱r kuno̱o̱k katsak yin, Sor yin áner ku naka tsesek, nyeseng yin be agap.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

1 aKoranti 10:13

Kubo̱mo̱ng kukak kuse ku ta ka se̱ yin ku tan won dar kun se̱ akak baꞌ. Adakunom shishing ike̱ng wu ta fe̱ baꞌ, a tà ka won yin tà no̱ yin nubo̱mo̱ng kuya ku ta nar agap yin baꞌ. Ke yin no̱ yin nubo̱mo̱ng'e a tà ka nye yin iren ife yin tana kyem i tsesek yin kaye̱e̱r'e.

2 aBitrus 2:9

Kamok anong, ike̱re̱ kuri iyuna ne i sak yir ta ren yir ye Adakunom ta kyem a shesh áner aya ta se kaye̱e̱r iriri kubo̱mo̱ng áner aya a ta se gye̱r nasho̱o̱n wu ne a won áya a ta be amaan kunye nong á ta ya kasho̱o̱n be risam ma katuk a tana to̱ kazatse amok.

aMatiyu 24:42

“Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

aLuka 22:40

Nizen á tá tseng naro̱'me, ne aYeso fe̱ be ba ye, “Nye yin aduwa fan i bu kpas yin kaye̱e̱r kubo̱mo̱ng.”

aGalati 5:24

Áfe a ta nye afe aYeso Kiristi n fe̱r kuse rinerawe be kunye amaan ike̱re̱ iriri'me ne iya kuro̱m ta shim.

1 aKoranti 9:27

Wayo, mi no̱o̱k kuro̱m'i risam nong ase̱ ku tin me̱ ninye ike̱ng iya riye̱ mi ta shim, fan mi be rice mi a bin won kpe̱de̱ng nama mi tan taas ákak Rife̱ Ritek aYeso'me.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

aMatiyu 26:38

Ayong a fe̱ be ba ye, “Riye̱ riwe ri tase kaye̱e̱r riye̱ mi sak ma mi fok ye, mi tà ku. Sor yin aze ne i tor yin be mi.”

aRom 8:3

Kamok ike̱ng iya Itsi aMusa tá kyem i nye baꞌ, be kuse kufe rinerawe, nye ike̱ng Adakunom tá nye nizen a tá tom igon wu kaye̱e̱r kuro̱m. A no̱o̱k nong a ta te asidaka rine̱n ne a yirik kukyem rine̱n kaye̱e̱r kuro̱m.

aLuka 11:4

Ni re̱ng yir rine̱n yir, kamok yir ta re̱ng yir áya a tin nye yir rine̱n. Sang tu tseng be yir naro̱ afe a tana sen bo̱mo̱ng yir baꞌ.’ ”

aLuka 8:13

Ífe i tá kpas nifang agudong se kyo̱ndi ánerawe áya a tá fok rife̱'me ne á shan be aye̱ akan, amma rife̱'me kpa agap naye̱ ba baꞌ. Á ti no̱o̱k katsak nizen cie̱k tsek, ke izen iya kubo̱mo̱ng be̱ ne á kpas.