aMatiyu 26:39 - Izere New Testament

³⁹ Nizen aYeso tá tseng nasho̱o̱n cie̱k, ne a tigbok akuur a ta te akace a ta nye aduwa ye, “Ada, ke i ta se gye̱r, ne wan sok ako̱p risam na rice mi, amma sang ike̱ng iya mi ta shim baꞌ, iya wan ta shim.”

aMatiyu 26:39 Referans Kwoze

aYohana 6:38

Kamok mi ne naza i tá tiik kaben nong ta nye ike̱ng riye̱ mi ta shim baꞌ, amma nong ta nye ike̱ng ife aya a tin tom.

aFilipi 2:8

Nizen iya a tá be̱ kaye̱e̱r kuro̱m anerawe, a mees rice wu, ma a no̱o̱k rice wu a ku, a kuus ike̱ng iya Adakunom tá shim, a tú kutigak nukon ma a ku natoon kukon'e.

aMatiyu 26:42

Ayong a bun a tú ku bun i nye aduwa'me afe afa ne a fe̱ ye, “Ada, ke risam na ta kyem ri tin gor baꞌ, to̱, ne wan nye ike̱ng iya wan ta shim.”

Ibrani 5:7

Nizen aYeso tá se aze nazatse, a tá kuto̱ naza a tá nye aduwa ne a nye izong be nanyisi nufe Adakunom aya a tana kyem a ku shesh kaye̱e̱r riku. Adakunom tú fok kamok a nye aner a tá mees rice.

aYohana 5:30

Mi kyem i nye ike̱ng ikak be rice mi ze̱r baꞌ. Mi to̱ amok'i kyo̱ndi Adakunom tin tak ye i ra nye. Kamok anong amok'i nye afe katsak, kamok mi nye ike̱ng mi ta shim tsek baꞌ, amma ife aya a tin tom.

aYohana 14:31

Mi nye ike̱re̱ Ada tá fe̱ be mi ye i ra nye dim, nong kazatse tà ren ye mi shim Ada'me. “Dorok yin, ta tseng yir.

aYohana 18:11

Amma aYeso fe̱ be aBitrus ye, “Kute itsor wan nubas wu. Mi ta so̱ ako̱p risam aya Ada tin no̱o̱k aꞌa?”

aYohana 11:41

Ayong á tomong kuta ame. aYeso sok anyisi naza ne a fe̱ ye, “Ada, mi be riye̱ rikan be wan kamok mi ren wan ti fok.

aMatiyu 20:22

Amma aYeso fe̱ be ba ye, “Yin ren yin ike̱ng yin ta tse̱r yin baꞌ. Yin ta kyem i so̱ yin na ako̱p mi tanin so̱ a?” Ba tú ku shim'e ye, “Yir ta kyem yir.”

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

Ike̱ng a ta tonong aYohana 19:10

A tá fa fe̱ anong ne mi kpa kaben nong i tú ku ya iben. Ayong a fe̱ be mi ye, “Sang tu nye anong baꞌ, mi gip mi nye asam afudang wan, wan be ribir áfudang wan, áya a tá yiir rife̱ aYeso. Adakunom ne wan tu ku ya iben tsek, kamok Rife̱ Ritek aYeso tá taas ne ri no̱o̱k kukyem kunye kuzarap.”

Itomong Ámanzo 10:25

aBitrus tá fa se no̱ kaye̱e̱r kasa'me, ne aKoneliyus tú ku shan niren a tá kpa kaben nasho̱o̱n wu nong a tú ya iben.

aLuka 17:16

A se kpa kaben nasho̱o̱n aYeso nong a tá tonong riye̱ rikan wu. Aner'e nye aner aSamariya.

aMarkus 13:22

Kamok ákiristi abo̱o̱s, ne áner kuzarap afe abo̱o̱s tà wuruk á ta nye ike̱re̱ azhing ne itomong azhing nong a ta wo̱k aya Adakunom tan kasa, ke a fa nye ba ta kyem a nye anong.

aYohana 5:19

Iyong aYeso tú shim ba'me ye, “Katsak'e ne mi ta ka tak yin, Igon'e nye ike̱ng ikak be rice wu baꞌ, a nye ike̱ng ife wu ta di Ada wu ta nye tsek, kamok ike̱ng ife Ada'me ta nye ne Igon'e nye gip.