aMatiyu 26:29 - Izere New Testament

²⁹ Won ta ka tak yin, mi ta ba so̱ ashi anap na baꞌ, ma katuk afe mi tana so̱ akak afas mak be yin kaye̱e̱r rigwo̱m Ada mi.”

aMatiyu 26:29 Referans Kwoze

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

aMarkus 14:25

Mi ta ka tak yin katsak, mi ta ba so̱ ashi anap na baba baꞌ, ma katuk afe mi tana so̱ afas kaye̱e̱r rigwo̱m Adakunom.”

Itomong Ámanzo 10:41

Sang koangan ne a tú di baꞌ, igak áner afe á tú ku di nye áner aya Adakunom tá tsang a kasa. Áner ayong nye yir áfe i tá ya yir ne i so̱ yir mak be wu nama a tá dorok nure̱k.

aYohana 17:13

“Mi saase nufuan kyo̱o̱rna. Amma mi ta nye izong ike̱re̱ na kum ne mi ruresek kaye̱e̱r kazatse, nong ase̱ ba tà shining be kuri riye̱ rikan riya mi tá be kaye̱e̱r ba.

aMatiyu 13:43

Ne áya a ta se gye̱r nasho̱o̱n Adakunom ta sam kyo̱ndi akanang kunom kaye̱e̱r rigwo̱m Ada ba. Aner a ta be ato kufok a ra fok.

Ike̱ng a ta tonong aYohana 14:3

Á se be abom afas nasho̱o̱n itsik rigwo̱m ame be nasho̱o̱n ike̱re̱ inaas ame ne áko̱k kasho̱o̱n. Aner akak kyem a bom abom'e baꞌ, igak awan áner izungu kuso̱k inyak be iso̱k inaas be anaas 144,000 á tu ku shesh ba kaye̱e̱r kazatse ame tsek.

aLuka 15:32

I se gye̱r ta nye yir riye̱ rikan ne i fok yir kusas'e kamok aronyining wan na tsang a ku, a bun a be̱ be kutser, a tsang a titei, a mu ku se̱.’ ”

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

aYohana 15:11

Mi fe̱ anong nong ase̱ riye̱ rikan'i tà se kaye̱e̱r yin, nong riye̱ rikan yin tà shining.

aMatiyu 28:20

Ne i ku bo̱so̱p yin ba iren á tana kuus koakye mi tá ka tak yin. Yiring yin ye mi se mak be yin koakye izen ma ni igang izen.”

aMatiyu 18:20

Kamok karo̱ afe áner afa ka ataar tu ku nyim kaye̱e̱r riyerek'i, mi se azong mak be ba.”

aMatiyu 16:28

Won ta ka tak yin katsak'e, ákak kaye̱e̱r yin aze ta tsang á kus baꞌ, ma á di Igon Anerawe ta saase kyo̱ndi Agwo̱m kaye̱e̱r kuyiik wu.”

aYohana 16:22

Anong ne i se be yin gip, kyo̱o̱rna ne i nye izen riye̱ riwe yin. Amma mi tà bun i ka di yin ne i nye yin riye̱ rikan, akak ta kyem a ka roon yin riye̱ rikan yin baꞌ.

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 26:28

Iyu ne i nye naso̱k'i, nafe kushu kufas na, aya a tana nyosong kamok ánerawe whe̱re̱ nong a tin re̱ng rine̱n ba.

aMatiyu 26:30

aYeso be álimazhiri wu tá fa bom abom ne á wuruk á ta se ngarak natoon Kawhanang Nafar.