aMatiyu 26:24 - Izere New Testament

²⁴ Igon Anerawe tà ku kyo̱ndi a tá zibir kaye̱e̱r kufumung kuzhe̱l'e, amma awo̱ be aner aya a tana re̱p Igon Anerawe. Aner na, i tú ku nar ke a fa ku kutes baꞌ.”

aMatiyu 26:24 Referans Kwoze

aLuka 24:46

Ne a bun a fe̱ be ba ye, “Ike̱ng i ta se ni izibir na ye. aKiristi'me tà so̱ risam, a tà ku, ne a dorok nure̱k katuk afe ataar.

aMatiyu 18:7

“Awo̱ be kazatse kamok ike̱re̱ i ta sak ánerawe ta nye rine̱n. Ike̱re̱'me tà be̱s dim, amma awo̱ be aner aya a tana sak akak ta nye rine̱n.

1 aKoranti 15:3

Agbang ike̱ng iya mi ta shim ta ka tak yin, se ye aKiristi ku kamok rine̱n yir, kyo̱ndi kufumung rife̱ Adakunom ta fe̱,

aYohana 17:12

Nizen iya mi tá se be ba, mi tú ku fek ba, ne mi ni sak riye̱ ni ba be riyerek riya wan tin te'me. Akak wei baꞌ, ma ke azining kaye̱e̱r ba aya a tá te kpe̱de̱ng nong ase̱ a tá shining Kufumung Rife̱ Adakunom.

aLuka 22:22

Igon Anerawe tà ku kyo̱ndi Adakunom ta min sak, awo̱ tsek be aner aya a tana ku re̱p.”

aMarkus 14:21

Igon Anerawe tà ku, kyo̱ndi a tá zibir natoon wu. Amma awo̱ tsek be aner aya a tana sok Igon Anerawe nong a ta no̱o̱k. Aner na a fa ku tes baꞌ, ke i tu nar.”

aMatiyu 26:54

To̱, a ta nye ane̱ a ta shining ike̱ng kufumung rife̱ Adakunom tá fe̱ ye, a ta nye dim e̱?”

aMarkus 9:12

Ne aYeso fe̱ be ba ye, “Katsak'e, Iliya ne a ta san kube̱ ni ime̱se̱ng'e nong a ta sak ike̱re̱ cei tu ku bun kyo̱ndi i ta se nizham, akye̱ sak a ta zibir ye Igon Anerawe ta so̱ iriri risam dide̱ng dim ne anerawe ku rawu e̱?

aMatiyu 26:56

Amma ike̱re̱ na se anong cice̱r, nong a ta shining ike̱re̱ áner kuzarap Adakunom tá fe̱.” Iyong álimazhiri'me cice̱r teng á ta won aYeso.

Itomong Ámanzo 28:23

Iyong á ti sak kunom a tana nyim be aBulus. Ánerawe whe̱re̱ be̱s azong naro̱ wu tú ku sor. Nadiding ma nawheshirim a yiir ku kutaas ba rife̱ natoon rigwo̱m Adakunom ne a tse̱r iren a tana sok aye̱ ánerawe nong á ta kuus aYeso ne a ninye itomong be Itsi aMusa ne afumung áner Kuzarap.

Itomong Ámanzo 4:28

Ba nyim á ta nye ike̱ng iya wan tan sak ta nye kaye̱e̱r kuyiik be kukyem wan.

Itomong Ámanzo 2:23

Adakunom tsang a ni sak kaye̱e̱r kushim wu ye a ta no̱o̱k aYeso nubo̱k yin, ámaan aner ta ka se̱ mo yin nong yin tú ku tigak yin nukon, a tá ku.

aYohana 19:28

Nama anong, aYeso tá ren ye kyo̱o̱rna a n gang koakye, nong ase̱ a tá shining ike̱ng iya Kufumung Adakunom tá fe̱ yong aYeso fe̱ ye, “Kuto̱ mi n koor.”

aYohana 19:24

Ayong a fe̱ be rice ba ye, “I tu sarak yir baꞌ, i nye yir kukasa ta di yir aner aya a tana se̱.” A nye iyu nong a tá shining izibir Kufumung Adakunom tá fe̱ ye, “Á kasap ares'i nace ba, á tin nye kukasa na ares'i.” Ike̱ng iya ásozha'me tá nye'ong.

aMatiyu 26:31

Ayong aYeso fe̱ be ba ye, “Natuk na, yin ta teng yin tin won yin. Kamok i se ni izibir ye, “ ‘Mi tà fe̱r áfek itsamang'e ne itsamang'e te shaam.’