aMatiyu 25:6 - Izere New Testament

⁶ “Natite katuk ne ba fok akililiu ye, ‘Aner a tá sok abining afas ame saase, wuruk yin, tu ku shan yin niren.’

aMatiyu 25:6 Referans Kwoze

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

aMatiyu 25:1

“Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 24:44

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

aMatiyu 24:31

A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

aLuka 12:46

Atekasa'me tà be̱ nizen iya afe asam'me ta ren ye a ta be̱ baꞌ, nizen iya wu ta ren baꞌ. Atekasa'me tu ku nye amaan atsor ne a ku barak naro̱ áfurin.”

aLuka 12:20

“Amma Adakunom fe̱ be wu ye, ‘Wan kufunam kukak! Natuk katuur, a tà sok kutser wan, iyong angan tá kok ike̱re̱ wan ta naka tusung'e na e̱?’

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

aMatiyu 25:5

Aner a ta sok abining afas'e be̱ zizirik baꞌ, ma ba cice̱r san kuyising ida ne á mereng ida.

aMatiyu 25:7

“Iyong nanamang kuso̱k ame dorok nong a tá nye iro̱ng ba.