aMatiyu 25:5 - Izere New Testament

⁵ Aner a ta sok abining afas'e be̱ zizirik baꞌ, ma ba cice̱r san kuyising ida ne á mereng ida.

aMatiyu 25:5 Referans Kwoze

aLuka 20:9

Ayong aYeso ya kasho̱o̱n be kutaas ánerawe kumaas na ye, “Aner akak tuse a tá be riko̱ anap. A no̱o̱k áner ákak aro'me nong a tá be naro̱ kakak, a sor azong dide̱ng.

aMatiyu 24:48

Amma ke asam'me nye amaan'e, a tà to̱ riye̱ wu ye, ‘Atekasa mi tà sor izen dide̱ng nizham a ta ra be̱.’

aLuka 12:45

Ke a fa nye ye asam'me to̱ ríye̱ wu ye, ‘Atekasa mi tà gum be̱ baꞌ,’ ne a kpaan kutsosok ribir ásam'me, ányining be atek, ne a ya ne a so̱ ma rice zim.

aMatiyu 25:19

“A tá fa sor cie̱k ne atekasa ba ame be̱ nong a ta fa ike̱ng ba tin nye be itso̱m a tú ku no̱o̱k ba ame.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

Afisa 5:14

Kamok akanang'e ne a sak a ta di koakye de̱s iyong ne i sak rife̱ Adakunom ta fe̱ ye, “Dorok, wan aya i ta se be ida, dorok kaye̱e̱r áfe a tan kus ne akanang aKiristi tin samang natoon wan.”

aRom 13:11

To̱, kuus yin ike̱re̱ na kamok yin ren yin kuri izen afe yir tin se yir. Izen n nye ife yin tana shiming yin nida, kamok izen kashesh yir n be̱ bubarak kyo̱o̱rna nar nizen iya yir tin no̱o̱k yir katsak ni ime̱se̱ng'e.

aLuka 18:8

Won ta ka tak yin, a tà di ma ba se̱ katsak ba ta shim zizirik. Ke Igon Anerawe be̱, a tà se̱ áfe kuno̱o̱k katsak nazatse a?”

aMatiyu 26:43

aYeso tá fa bun a be̱, a bun a tu ku se̱ ba nida kamok anyisi ba se zi.

aMatiyu 26:40

Ayong a bun a tú ku bun nufe álimazhiri wu ne a ku se̱ ba nida, ne a fe̱ be aBitrus ye, “Akye̱ sak yin ta sor yin ne i tor yin be mi nizen cie̱k baꞌ e̱?

Ike̱ng a ta tonong aYohana 2:25

Yin yiir yin kuno̱o̱k katsak yin tsek ma mi bun i be̱.

aMatiyu 25:4

Áfe kukyem ame ti be name nakak.

aMatiyu 25:6

“Natite katuk ne ba fok akililiu ye, ‘Aner a tá sok abining afas ame saase, wuruk yin, tu ku shan yin niren.’

aLuka 1:21

Ánerawe daam dide̱ng be kutor aZakariya, kamok aZakariya'me mak a sor dide̱ng kaye̱e̱r agbang kutu kuya Adakunom iben'e.