aMatiyu 25:41 - Izere New Testament

⁴¹ “Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

aMatiyu 25:41 Referans Kwoze

2 aBitrus 2:4

Ko ámaleka agbugbang, nizen á tá nye rine̱n, Adakunom tá won ba kyo̱o̱n baꞌ, a tú ku barak ba kaye̱e̱r ribong kuro̱ng. A tú rosom ba kaye̱e̱r ibong i tá se tsik ne i se whi. Á ta tor kunom amok.

2 aTasalonika 1:9

Á tù ku te̱n ba amok riku rife izen izen, á tù ku ro ba nasho̱o̱n Agwo̱m Ágwo̱m'me ne nasho̱o̱n kukyem kuyiik wu.

aMatiyu 13:42

Ne á ku barak ba kaye̱e̱r kuro̱ng kufe izen izen, á ta tos ne á ya anyi azong.

aMatiyu 13:40

“Kyo̱ndi a ta tusung agam nong a ta te nuro̱ng, anong ne i ta se nizen kazatse tana gang.

aYohana 8:44

Yin nye yin áfe ada yin, Ishetan. Kamok anong, yin shim tà nye yin ike̱ng iya wu tá shim. Wu nye aner kufe̱s ánerawe kum ni ime̱se̱ng'e. A shim katsak baꞌ, kamok a be katsak'e baꞌ. Izen iya ne a bo̱ naborok, a fe̱ ike̱ng ife i ta nye igo̱o̱n wu, kamok wu nye aner abo̱o̱s, ne a nye ada áfe abo̱o̱s.

aMatiyu 7:23

Ne mi ma fe̱ be ba ye, ‘Mi kun ka ren yin baꞌ. Dorok yin nasho̱o̱n mi. Kam yin be mi yin áfe amaan kunye.’

aMatiyu 3:12

Kube wu se nubo̱k wu. A tà tas áwhe̱'me ne a korok iwe̱ng'e kaye̱e̱r ingme̱ ne a shosh awhe̱'me be kuro̱ng kuya sang ku tana ku baꞌ.”

Ibrani 6:8

Amma kaya amaan agam be ikiritsan tin tang nye ka kpe̱de̱ng'e. Adakunom tà fiming karo̱ kayong, ne a shosh nigang'e.

aMatiyu 13:50

Ne á barak ámaan'e kaye̱e̱r kuro̱ng kufe izen izen á ta tos ne a ya anyi azong.”

1 aYohana 3:10

Ana ne yir tà ren yir áya a ta nye inoon Adakunom be inoon Ishetan. Koangan afe a ta nye ike̱ng i ta se gye̱r baꞌ, ka aya a ta shim aronyining wu afikuus baꞌ, a nye igon Adakunom baꞌ.

aLuka 16:24

Ayong a tá kuto̱ a tá yis ye, ‘Ada Ibrahim, ro̱ riye̱ mi. Tom aLazarus nong a tin te kabanbo̱k wu kaye̱e̱r ashi nong a tà be̱ a tin shu mo kuto̱, kamok mi se na amaan risam kaye̱e̱r kuro̱ng.’

aLuka 13:27

“Amma a tà bun a fe̱ ye, ‘Mi ta ren yin ka karo̱ yin tu ku ne yin baꞌ. Dorok yin nasho̱o̱n'i, yin áfe amaan kunye.’

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 18:8

Ke kubo̱k wan ka kutak wan tà sak wan ta nye rine̱n ne i te̱n nong ta barak. I ta ka nar wan tà se̱ kutser kufe izen izen dar kubo̱k ka kutak be wan tana no̱ nuro̱ng kufe izen izen be ibo̱k ifa ka be atak afa ayi.

aMatiyu 5:22

Amma mi fe̱ be yin kyo̱o̱rna'me ye, aner aya ne riye̱ wu beseng be aronyining wu, a tú ku to̱ amok. Koangan ne a fe̱ be aronyining wu ye a nye ‘Azizik'e’ a tà tseng be wu nasho̱o̱n áko̱k kasho̱o̱n. Koangan ne a yis afudang ye, ‘Afunam akak,’ a kyem ke a no̱ kaye̱e̱r kasa kuro̱ng.

aMatiyu 4:10

aYeso fe̱ be wu ye, “Kam be mi Ishetan! Kamok ise ni izibir ye, ‘Agwo̱m Ágwo̱m wan Adakunom ne wan tù ku ya iben ne i ku nye itomong wu ze̱r tsek.’ ”

aMatiyu 25:42

Kamok nizen iya mi ta se be izong, yin ti no̱o̱k yin naya baꞌ. Nizen mi tá fok kuto̱ kukoor, yin ti nang yin ashi i ta so̱ baꞌ.

2 aTasalonika 1:7

ne a ka tun yin kaye̱e̱r risam'me mak be yir gip. A tà nye anong nizen iya aYeso Agwo̱m Ágwo̱m tana wuruk kanang naza be rigyem kuro̱ng ne ámaleka wu áya a ta ba kukyem.