aMatiyu 25:40 - Izere New Testament

⁴⁰ “Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMatiyu 25:40 Referans Kwoze

aMatiyu 10:42

Koangan ne a no̱o̱k azining kaye̱e̱r ayu a ta ru raar na ashi kuso̱ acaang kamok wu ta nye alimazhiri mi, won ta ka tak yin katsak'e, a tin wei nishorong wu baꞌ.”

aMarkus 9:41

Katsak'e ne mi ta ka tak yin, aner aya ne a ta no̱o̱k yin ashi kuso̱ na ako̱p kaye̱e̱r riyerek'i ye, kamok yin nye yin anaan, a ta dun ishorong wu baꞌ.”

1 aBitrus 1:22

Kyo̱o̱rna yin tan sak yin rice yin nong i tá te yin zhe̱l kamok yin tá kuus yin rife̱ Adakunom, shim yin áronyining yin be riye̱ rizining, naka shim yin anong be katsak.

aGalati 5:6

Kamok ke yir se yir kaye̱e̱r aYeso Kiristi, ku nye yir izhak ka ku won dar ku nye'me, sor ike̱ng ikak baꞌ, ike̱ng i ta nar nye kuno̱o̱k katsak a ta kyem a di kaye̱e̱r kushim.

aGalati 5:22

Amma kuse kuri kufe Kabik nye: kushim ne riye̱ rikan be kameneng riye̱ ne ku naka tsesek ne kuse kutek be kunye kutek ne kunye katsak,

aMatiyu 10:40

“Koangan afe a ta ka shan yin a ti shan mi. Koangan afe a tin shan a shan aner aya a tin tom.

aMatiyu 18:10

“Sak yin riye̱ sang yin tu zhe̱e̱sh yin azining kaye̱e̱r azhizhe̱k'e na baꞌ, kamok mi kun ka tak yin ye, ámaleka ba kaye̱e̱r kaza yiir iye̱re̱k kanyisi Ada mi a ta se kaye̱e̱r kaza.

1 aYohana 4:20

Ke akak fe̱ ye wu shim Adakunom ne a rawu áronyining wu, i nye ye a be abo̱o̱s, kamok aner aya a ta shim áronyining wu aya wu tu ku di baꞌ, a ta kyem a shim Adakunom aya wu ta won dar a di baꞌ.

Ibrani 6:10

Adakunom won dar a nye gye̱r baꞌ. A tà tiburum be itomong ne kushim yin tú ku tonong yin kuya yin tá tobok yin ánerawe wu baꞌ. Ne i ya yin kasho̱o̱n be kunye anong.

Afisa 5:30

Yir ta nye yir ikap kuro̱m wu.

aGalati 5:13

Ároneng, a ta yis yin nong ta sor yin ne̱k, amma sang tu sok yin kusor ne̱k'e nong i ta sor iren afe yin tana nye yin ike̱re̱ iya kuro̱m yin ta shim baꞌ, amma naka tobok yin kaye̱e̱r kushim.

aRom 8:29

Kamok aya Adakunom tá tsang a kasa gbugbang ne a ku sak ba ze̱e̱r nong a tá sok kuse Igon wu, Igon'e ta sor asho̱n kaye̱e̱r ároneng whe̱re̱.

aMatiyu 28:10

Ne aYeso fe̱ be ba ye, “Sang yin tu fok yin inyim baꞌ. Tseng yin tà se tak yin ároneng ye á ra tseng na aGalili. Ba tin di azong.”

aMatiyu 25:34

“Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

2 aKoranti 4:5

Kamok yir nye yir awazi rife̱ rice yir baꞌ, amma rife̱ aYeso Kiristi a ta nye Agwo̱m Ágwo̱m, aya yir ta nye yir ásam yin kamok wu.

aYohana 20:17

aYeso fe̱ be wu ye, “Sang tin yiir baꞌ, kamok mi n ngarak nufe Ada nizham baꞌ. Amma tseng nufe ároneng, tà su ku tak ba ye, ‘Mi tù ku bun nufe Ada mi ne a nye Ada yin. Adakunom mi ne a nye Adakunom yin gip.’ ”

aMatiyu 25:39

Nizing ne yir ta se̱ yir be kuro̱k ka nitso̱m i ta be̱ i tá ka di yir e̱?’

aMatiyu 25:45

“Ne a ma fe̱ be ba ye, ‘Katsak'e ne mi ta ka tak yin, kum yin ta nye yin ákak'e kaye̱e̱r áfe agap kuraar na baꞌ. Yin ti nye yin'e baꞌ.’

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

Ike̱ng a ta tonong aYohana 17:14

A ta ko̱n itsom be Aturuk'e. Amma Aturuk'e tà ya ágwo̱m na be itsom kamok wu ne a ti nye rigwo̱m natoon ágwo̱m ne a nye agbang Agwo̱m Ágwo̱m. Áya wu tá yis, ne áya wu tá kasa, be áya a tú ku kuus be katsak ta se mak be wu.”

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.