aMatiyu 25:34 - Izere New Testament

³⁴ “Ne Agwo̱m'me fe̱ be áya a ta se nabas kubo̱k riya wu ye, ‘Be̱ yin, yin aya Ada mi ta ma ka te yin kuce̱. Be̱ tà sok yin rigwo̱m riya Adakunom ta ma ka nye yin'e kum nizen a tá nye kazatse.

aMatiyu 25:34 Referans Kwoze

aYakub 2:5

Aroneng'i aya mi ta shim, wesek yin kuto, i se ye Adakunom kasa áfe rizor nasho̱o̱n kazatse na nong a ta te arum kaye̱e̱r kuno̱o̱k katsak ne aya a ta ya kutse rigwo̱m Wu ta nye kanye̱k'e natoon aya a tu ku shim aꞌa?

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Ike̱ng a ta tonong aYohana 13:8

Ánerawe á ta se nazatse cice̱r tù ku ya iben, cice̱r áner aya a ta zibir ayerek ba kaye̱e̱r kufumung kutser kuya ku ta nye kufe Aturuk'e baꞌ, aya a ta tse̱e̱r kum nizen a tá nye kazatse.

aMatiyu 20:23

Ayong aYeso fe̱ be ba ye, “Yin ta so̱ yin gye̱r, amma kusor nubo̱k riya ka nubo̱k rimen, i nye karo̱ mi tana no̱o̱k akak baꞌ. Ada mi ne a nye karo̱ kayong kamok áya wu tá tsang a kasa.”

Ike̱ng a ta tonong aYohana 17:8

Kukewum wan tá di, tuse gbugbang, amma kyo̱o̱rna ku kuse baꞌ. Ku tà wuruk kaye̱e̱r ribong ri ta be igak baꞌ, ku tà tseng naro̱ riku wu kafe izen izen. Ánerawe kazatse áfe a tan zibir ayerek ba nufumung kutser baꞌ, kum nizen iya a tá nye kazatse tà fok azhing nizen iya á tana di kukewum ame ku ta se gbugbang, amma kyo̱o̱rna ku kuse baꞌ ku tana bun ku be̱.

Ibrani 4:3

Yir áfe i ta min no̱o̱k yir katsak i no̱ yir kaye̱e̱r karo̱ kufan kyo̱ndi Adakunom ta fe̱ ye, “Riye̱ mi beseng, kamok anong mi shu ye ba tà no̱ kaye̱e̱r karo̱ kufan'i baꞌ ko cie̱k.” Adakunom fe̱ anong, nama a tá tsang a gang itomong kunye kazatse wu.

aLuka 12:32

“Sang tu fok yin inyim baꞌ, yin ahiir kaming, kamok Ada yin be riye̱ rikan nong yin tà nye yin rigwo̱m mak be wu.

Ibrani 11:16

Á tsang á ni te riye̱ ba natoon kaben katek, kafe kaza. Kamok anong, Adakunom fok isum a tú ku yis ye Adakunom ba baꞌ, kamok a ma ka no̱k ba kuwo̱p.

1 aKoranti 15:50

Ároneng ike̱ng mi ta sen fe̱ be yin na ye, kuro̱m kufe naso̱k be rinam tà no̱ kaye̱e̱r rigwo̱m Adakunom baꞌ. Anong ne ife i ta bus tà se̱ kutse kaye̱e̱r ife i ta won dar i bus baꞌ.

aMatiyu 25:41

“Ne a fe̱ be áya a ta se nubo̱k rimen wu ame ye, ‘Kam yin be mi, yin aya a tá ma ka fiming yin, no̱ yin kaye̱e̱r kuro̱ng kufe izen izen, kuya a ta tsang a nye kamok Ishetan be ámaleka wu.

Ike̱ng a ta tonong aYohana 19:16

Natoon kukpiin wu be natoon ishurtak'e, a ti zibir riyerek rikak ye, agwo̱m ágwo̱m afe a tin nye rigwo̱m natoon ágwo̱m.

1 aKoranti 2:9

Kyo̱ndi i ta se ni izibir ye, “Akak kun di baꞌ, akak kun fok baꞌ, akak kun to̱ riye̱ wu ike̱ng iya Adakunom ta nye kanye̱k'e kamok áfe a tu ku shim baꞌ.”

aMatiyu 25:21

“Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

aMatiyu 19:29

Koangan afe a tá won nasa wu ka áronyining wu ka ángasnyining ka atek wu ka ango̱ wu ka inoon wu ka ako̱ wu kamok riyerek'i, a ta se̱ ike̱ng iya i ta nar anong kuso̱k inyak ne a bun a se̱ kutser kufe izen izen.

aMatiyu 13:35

aYeso nye anong, nong a ta shining ike̱ng aner kuzarap akak ta fe̱ ye, “Mi tà fe̱ kanu be kumaas nizen iya mi ta sen fe̱ be ba. Mi tù ku taas ba ike̱re̱ iya a tá tsang a ka ne̱r ba'me gbugbang kum nizen a ta nye kazatse.”

1 aBitrus 3:9

Sang tu ku karang yin imaan'e be rimaan'e baꞌ, ka ritok be ritok baꞌ. Amma ku karang yin be ritek kamok anong ne a tá ka yis mo yin nong yin tà ya yin kutse ritek Adakunom.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

aGalati 5:21

be rishishim ne kufeng ne a na ka yis naro̱ kazining nong a ta ya ne a so̱ ne a nye kyo̱ndi agabu ne a nye ike̱re̱ ikak kyo̱ndi anong. Mi ta ko̱ro̱k yin kuto kyo̱ndi mi tà tsang i fe̱ ye áfe a ta nye ike̱re̱ kuri iyuna ta no̱ kaye̱e̱r rigwo̱m Adakunom baꞌ.

1 aKoranti 6:9

Yin ren yin ye ákardak áner tà won dar a no̱ kaye̱e̱r rigwo̱m Adakunom aꞌa? Sang tu won yin akak ta ka wo̱k yin baꞌ, áner aya a ta nye rikuna ka áya a ta kuus ike̱re̱ itsi ka áfe a ta nyiis kuro̱m be áfe a sang a tan nye kuwe̱ne̱ng baꞌ, ka átek áfe ányining ta ka nyesek ba itso̱m nong á tà mereng be ba, ka átek á ta mereng be átek,

aLuka 19:38

Ne á fe̱ ye, “Aner riye̱ rikan nye a nye agwo̱m aya a ta saase kaye̱e̱r riyerek Agwo̱m Ágwo̱m. kameneng riye̱ kuse kaye̱e̱r kaza ne kuyiik nye kufe Adakunom.”

aMatiyu 5:19

Koangan ne a won ike̱ng ikak ihiir'e kaye̱e̱r Itsi na nong a ta bo̱so̱p ánerawe'me anong, a tù ku yis ye, kaba hiir'e kaye̱e̱r rigwo̱m kaza, amma aner aya ne a ta kuus ike̱re̱'me cei ne a bo̱so̱p ánerawe'me anong, a tù ku yis ye, agbang aner kaye̱e̱r rigwo̱m kaza.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

Ike̱ng a ta tonong aYohana 5:10

Wan tú ku sak ba á ta te áner rigwo̱m wan be átsi nong a ta nye Adakunom yir itomong, á tin nye rigwo̱m natoon kazatse.”

1 aBitrus 1:9

Kamok yin tana se̱ yin kashesh kutser yin iyong ne i sak yin tin no̱o̱k yin katsak.

Ibrani 9:26

A fa fe̱ ye aKiristi nye anong, ke an so̱ risam ne a toos'e kum nizen iya a tá nye kazatse. A be̱ kutak kuzining tsek nigang'e na, a tá no̱o̱k rice wu asidaka kamok rine̱n yir.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

1 aTasalonika 2:12

Yir ta nyesek yin itabak ne i ka tsesek yin ne i bun i ka nye yin akusuk nong ta sor yin kuri kusor kuya Adakunom ta shim kamok wu ne a tá ka yis yin kaye̱e̱r kuyiik wu ne rigwo̱m wu.

aRom 8:17

To̱, ke i nye ye yir nye yir inoon'e, i nye ye yir nye yir áya kutse Adakunom, ta ya yir kutse'me mak be aKiristi kum ke i nye ye yir tà so̱ yir risam mak be wu nong ta se̱ yir kuyiik mak be wu.

Itomong Ámanzo 15:18

wu afe a tu ku ren kum gbugbang.

Itomong Ámanzo 3:26

Nizen iya Adakunom tá kasa asam wu, a tú ku tom nufe yin ni ime̱se̱ng'e nong a tá ka te yin ritek ne a sak koangan kaye̱e̱r yin ta shishing kuse nong a tá won amaan kunye wu.”

aYohana 19:15

Amma áner aYahuda ame korok ikun ye, “A ku fe̱r! A ku fe̱r! A ku tigak!” Ayong aBilatus tú ku rip ba ye, “Yin shim yin mi ta tigak agwo̱m yin a?” Ne ágbang atsi ame fe̱ ye, “Ei, yir be yir agwo̱m akak ze̱e̱r be aKaisar baꞌ.”

aYohana 12:13

Ayong á bo̱s afumung atarkai nong á tá tseng á tá se nyim be wu, ne á tang kuto̱ naza ye, “Nakerek nye nafe Adakunom. Aner riye̱ rikan ne nye aya a ta be̱ kaye̱e̱r riyerek Agwo̱m Ágwo̱m! Aner riye̱ rikan ne nye Agwo̱m Isarela.”

aYohana 1:49

Iyong aNataniyel fe̱ ye, “Aner kubo̱so̱p, wan ne i nye Igon Adakunom; wan ne i nye agwo̱m Isarela.”

aLuka 11:28

Amma aYeso fe̱ be wu ye, “Wayo, aner a ta be riye̱ rikan nye aner a tá fok rife̱ Adakunom ne a ninye itomong.”

aMarkus 10:40

Yin ta so̱ yin gye̱r, amma kusor nabas kubo̱k riya mi ka nabas kubo̱k rimen'i, i nye karo̱ mi tana no̱o̱k akak baꞌ. Naro̱ nayong nye nafe áya a ta nye kanye̱k'e kamok ba.”

aMatiyu 27:37

Nabas rice wu, a ti nye izibir kuri rine̱n a tá ye, “AYU NE A NYE AYESO, AGWO̱M ÁNER aYAHUDA.”

aMatiyu 25:23

“Ne atekasa wu'me fe̱ ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi ta ka no̱o̱k itomong iya i ta nar iyong. Wan ta nye riye̱ rikan mak be mi.’

aMatiyu 21:5

“Tak yin ángas aUshalima ye, ‘Di, yin agwo̱m yin saase nufe yin. A se whiwhe̱, an ngarak natoon igon azhaki.’ ”

Afisa 5:5

Kamok yin ren yin tseng tseng ye aner a ta nye rikuna ka aner a ta nye ike̱re̱ isum ka aner a ta be rinyisi rikan (aner kuri ayong se kyo̱ndi aner a ta kuus itsi) á be ishorong kaye̱e̱r rigwo̱m aKiristi ka rife Adakunom baꞌ, ko cie̱k.

aMatiyu 25:40

“Ne Agwo̱m ame fe̱ ye, ‘Katsak'e ne mi ta ka tak yin, kum yin tá nye yin ároneng'e akak kaye̱e̱r áfe agap kuraar'ong, yin ti nye yin'e.’

aMarkus 10:17

aYeso tá se be kutseng kutsang wu, yong aner akak tsang a teng nong a tá be̱ a tigbok akuur nasho̱o̱n wu nong a tá fe̱ be aYeso'me ye, “Aner Kubo̱so̱p atek, akye̱ ne mi ta nye nong ta se̱ kutser kufe izen izen e̱?”

aLuka 11:50

Kamok anong, a tà to̱ áner izam iyu amok kamok áda ba tá fe̱s áner kuzarap Adakunom agbugbang'e cei kum nizen a tá nye kazatse,

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

Ibrani 1:14

Ámaleka cice̱r nye nabik naya na ta nye áner á ta se̱ kashesh itomong.