aMatiyu 25:21 - Izere New Testament

²¹ “Ne atekasa wu ame fe̱ be wu ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi tà ka no̱o̱k itomong iya i ta nar iyong. Wan ta nye riye̱ rikan mak be mi.’

aMatiyu 25:21 Referans Kwoze

aMatiyu 25:23

“Ne atekasa wu'me fe̱ ye, ‘Dazha, aner itomong'i atek, a ta be katsak. Wan nye katsak natoon ahiir ike̱ng, mi ta ka no̱o̱k itomong iya i ta nar iyong. Wan ta nye riye̱ rikan mak be mi.’

aLuka 16:10

“Koangan ne a nye katsak nike̱ng ihiir'e, a tà kyem a nye katsak nigbang'e gip. Koangan ne a nye katsak nike̱ng ihiir'e baꞌ, a tà nye katsak nigbang'e gip baꞌ.

aYohana 12:26

Koangan afe a ta shim a ta te asam mi, a tin kuus dim. Karo̱ kafe mi tu ku se, a tà se azong gip. Ada mi tà tiyiik aner aya afe a tin nye itomong cice̱r.

2 aTimoti 2:12

ke i naka tsesek yir, yir tà bun i nye yir rigwo̱m mak be wu. Ke yir ton yir ye sang yir tu ren yir baꞌ, wu tà ton'e gip ye sang wu ti ren yir gip baꞌ.

Ike̱ng a ta tonong aYohana 3:21

Aner aya a tà canang kazatse, mi tù ku sak a ta sonong mak be mi natoon itsik rigwo̱m mi kyo̱ndi mi tá canang kazatse ne i sonong mak be Ada mi natoon itsik wu.

aYohana 14:3

Ke mi tseng i ta se ka nye yin karo̱'me, mi tà bun i be̱ ta ba ka sok yin nong tà se yin mak be mi. Yin ta se yin naro̱ mi tana ku se gip.

aYohana 17:24

“Ada, mi shim áfe wan tá min no̱o̱k tu se mak be mi naro̱ kaya mi tu ku se, ne á di kuyiik'i, kuyiik kuya wan tin tiyiik mo kamok wan tin shim nizham a tá ra nye kazatse.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aMatiyu 24:45

“Angan ne a nye asam a ta be katsak ne a be kukyem, aya atekasa wu tu ku sak ye, a rin sak riye̱ na ásam wu ne a ku nyesek ba naya nizen i ta se gye̱r e̱?

aFilipi 1:23

I ti ro̱ ta kasa izining kaye̱e̱r'e, amma kushim mi nye ke i ku nong tà sor be aKiristi, iyong ti nar dide̱ng.

Ike̱ng a ta tonong aYohana 7:17

Kamok Aturuk a ta se natoon itsik rigwo̱m'e tà te afek ba. A tà tseng be ba naro̱ itop ashi kutser tù ku wuruk. Adakunom tà ka re̱ng ba nanyisi nanyisi ba cei.”

aRom 2:29

Aner aYahuda afe katsak ne a nye aya a ta nye áner aYahuda kaye̱e̱r riye̱ wu, izhak ife katsak nye izhak ife Kabik ta nye kaye̱e̱r riye̱, sang ife Itsi aMusa baꞌ. Adakunom ne a kerek aner kuri ayong sang anerawe baꞌ.

aLuka 12:44

Katsak'e ne mi ta ka tak yin, a tu ku won ike̱re̱ wu cei nubo̱k nong a tu ku sak mo riye̱.

aMatiyu 25:46

“Aner ayu ne á tá no̱ kaye̱e̱r risam kufe izen izen, amma aya a ta se gye̱r nasho̱o̱n Adakunom ta se̱ kutser kufe izen izen.”

aMatiyu 24:47

Katsak'e ne mi ta ka tak yin, atekasa'me tu ku sak, nong a tin sak riye̱ ni ike̱re̱ wu cice̱r.

Ike̱ng a ta tonong aYohana 21:7

Aner aya ne a canang kazatse ne mi tù ku no̱o̱k iren nong a tà ya kutse ike̱re̱ na cei. Mi tà sor Adakunom wu ne wu sor igon'i.

Ibrani 12:2

Won tin sak yir anyisi na aYeso wu ne a ta nye ritin kuno̱o̱k katsak yir ne a nye aner aya a tana sak kuno̱o̱k katsak yir tanan mumak. A tsesek kaye̱e̱r risam riku wu kamok ike̱ng riye̱ rikan i ta se nasho̱o̱n. A fok isum riku wu natoon kukon baꞌ. Kyo̱o̱rna a se nusonong nubo̱k riya itsik rigwo̱m Adakunom.

2 aKoranti 10:18

Kamok sang aner a ta kerek rice wu ne a tu kerek baꞌ, ma ke aner aya Agwo̱m Ágwo̱m ne a tu ku kerek.

1 aKoranti 4:5

Kamok anong tu te̱n yin akak amok kum ne izen'e ruresek baꞌ. Won yin ma Agwo̱m Ágwo̱m yir aYeso be̱. Wu ne a tà be̱ te̱s ike̱re̱ i ta se nawhi ne a tonong ike̱re̱ i ta se kaye̱e̱r aye̱ ánerawe. Nizen iyong ne koangan tà shan nakerek wu nufe Adakunom.

2 aKoranti 5:9

Iyong ne i sak yir nar kushim yir wu ta fok kusas yir, ka i tuse yir kaye̱e̱r kazatse ka kaye̱e̱r kaza.

1 aTimoti 3:13

Áner aya a ta nye itomong ba itek gye̱r, se̱s ayerek atek ne á fe̱ be riye̱ rizining natoon kuno̱o̱k katsak ba kaye̱e̱r aYeso Kiristi.