aMatiyu 25:14 - Izere New Testament

¹⁴ “Rigwo̱m kaza ta se kyo̱ndi aner akak a ta be nutseng, yong a yis áfe itomong wu nong a tú ku no̱o̱k ba itso̱m.

aMatiyu 25:14 Referans Kwoze

aMarkus 13:34

I se kyo̱ndi atekasa ta won kasa wu nong wu a ta be nutseng ne a won kasa'me nubo̱k ásam wu, ne a no̱o̱k ásam ame koangan be ike̱ng iya a tana nye. Ne a fe̱ be áner kutor kasa'me ye á ra sor ne á ye̱re̱k kasa'me ne á tor kube̱ wu.

Afisa 4:11

Wu ne a no̱o̱k ákak kunang ku te ámanzo ne ákak te áner kuzarap ne ákak sor áfe kutaas Rife̱ Ritek ne ákak te áner á tanin sak riye̱ na ánerawe be áner kubo̱so̱p ánerawe'me.

1 aKoranti 12:4

To̱, kunang Kabik Kazhe̱l'e se iriri'me, amma Kabik kazining ne a nyesek.

aMatiyu 21:33

aYeso fe̱ be ba gbak ye, “Fok yin kumaas kukak: Aner ikap akak tuse a ta tuus íca kakon anap; a tá gorok riko̱'me ne a ta ribong a tanin fi ashi anap'e, a nye karo̱ garang nong aner kutor riko̱'me tin sor. Ne a no̱o̱k aner akak riko̱'me nong á tu ku ras mo ike̱ng ikak ne a be nutseng nuwo̱p kukak.

1 aKoranti 3:5

Angan ne a nye Apolos nigaan'e e̱? aBulus nye angan kuruk e̱? Yir nye yir ásam Adakunom tsek, áya a ta sak yin tin no̱o̱k yin katsak, kamok Adakunom no̱o̱k koangan itomong a tana kunye'me.

aLuka 20:9

Ayong aYeso ya kasho̱o̱n be kutaas ánerawe kumaas na ye, “Aner akak tuse a tá be riko̱ anap. A no̱o̱k áner ákak aro'me nong a tá be naro̱ kakak, a sor azong dide̱ng.