aMatiyu 25:1 - Izere New Testament

¹ “Nizen iyong rigwo̱m kaza ta se kyo̱ndi nanamang kuso̱k na tá sok apitila ba nong á ta tseng á ta sen shan aner akak a tá sok abining afas.

aMatiyu 25:1 Referans Kwoze

Ike̱ng a ta tonong aYohana 19:7

Won i tu nye yir riye̱ rikan ne i fok yir kusas'e ne i ku tiyiik yir! Kamok izen kuwe̱ne̱ng Aturuk'e n nye. Abining wu afas n naka zem.

Ike̱ng a ta tonong aYohana 21:9

Ayong amaleka azining kaye̱e̱r ámaleka kanataar a tá be nakereng na tá be amaan risam kanataar nafe igang ame be̱ a tá fe̱ be mi ye, “Be̱ mi tà ka tonong abining afas Aturuk ame tan sok.”

Ike̱ng a ta tonong aYohana 21:2

Mi bun i di Agbang Kuwo̱p Kuzhe̱l'e a ta yis ye aUshalima afas. Ku wuruk naza nufe Adakunom ku ta sen tisik kaben. An te ares kususas'e kyo̱ndi abining afas a ta be nasa amitek wu.

aYohana 3:29

Abining afas nye afe aner a tu ku sok. Afertseng wu kuus kama aner a ta sok abining afas'e tsek. Ne a nye riye̱ rikan ke a fok kuto̱ aner a tá sok abining afas'e. Be anong ne riye̱ rikan'i ma shining.

aMatiyu 13:24

aYeso bun a tu tak ba kumaas kukak gbak ye, “Rigwo̱m kaza se kyo̱ndi aner a tá nas alikama riko̱ wu.

Ike̱ng a ta tonong aYohana 14:4

Áner na ne a nye áner aya á ta won rice ba zhe̱l, á kon tseng gbugbarak be aner abining baꞌ. Ba ne á tsang a kuus Aturuk'e koake̱ ne a tseng. A tu ku sheshek ba kaye̱e̱r ribir ánerawe ne ba se kyo̱ndi ku tes kakon kufe ime̱se̱ng'e kuya a ta no̱o̱k Adakunom be nasho̱o̱n Aturuk'e.

aTitus 2:13

Yir sor yir anong nong tin tor yir agbang kunom kuya yir ta min te yir aye̱, nizen Adakunom yir ayiik'e ne Aner Kashesh yir aYeso Kiristi tana tonong kuyiik wu.

aMatiyu 22:2

“A ta kyem a maas rigwo̱m kaza be agwo̱m akak a tá nye igon wu kanye̱k riye̱ rikan kuwe̱ne̱ng.

2 aTimoti 4:8

Kyo̱o̱rna makong, a min sak ishorong ife ku se gye̱r'e nasho̱o̱n Adakunom, iya Agwo̱m Ágwo̱m, aner kuto̱ amok afe katsak tanin no̱o̱k Katuk'ong. Sang awan mi ne a tin no̱o̱k tsek baꞌ, amma be cice̱r áner aya a ta min te riye̱ nube̱ wu gip.

aMatiyu 3:2

Ne a fe̱ ye, “Shishing yin kuse yin, kamok rigwo̱m kaza m be̱ bubarak.”

1 aKoranti 11:2

Mi be riye̱ rikan be yin kamok yin yiring yin be mi kaye̱e̱r koakye ne i kuus yin ike̱ng iya mi tá ka bo̱so̱p yin'e gye̱r kyo̱ndi mi ta ka bo̱so̱p yin'e.

aMatiyu 20:1

“Rigwo̱m kaza se kyo̱ndi atekasa akak a tá wuruk nadiding bop, nong a tá se sok ánerawe nong á tá su ku nye itomong riko̱.

aMatiyu 13:47

A bun a fe̱ be ba gbak ye, “Rigwo̱m kaza se kyo̱ndi agunung a tá te kaye̱e̱r kudung nong a tin yising ízos iriri'me.

aMatiyu 13:38

Riko̱'me nye kazatse, ne izha itek'e sor inoon rigwo̱m Adakunom. Agam'me nye inoon amaan aner'e.

Ike̱ng a ta tonong aYohana 4:5

Itsik rigwo̱m i ta se natite'me yiir berep kyo̱ndi akanang iza tá tarang karo̱ be kutasak. Iro̱ng apitila kanataar tuse azong i ta gye̱se̱m nasho̱o̱n itsik rigwo̱m'e, Iro̱ng iyong nye nabik Adakunom kanataar.

2 aKoranti 11:2

Mi be rifuup kamok yin, kuri rifuup riya Adakunom ta be natoon yin. Mi ma ka nye yin kanye̱k kuwe̱ne̱ng mak be aKiristi, mi shim yin tu sor yin zhe̱l nong mi ta ka nabak yin kyo̱ndi a ta no̱o̱k abining afas zhe̱l nasho̱o̱n amitek wu.

aMatiyu 9:15

aYeso fe̱ be ba ye, “Áferime̱ aner aya a ta sok abining afas ta nye riye̱ riwe kum ne ba rusek be aner aya a tá nye kuwe̱ne̱ng'e a? Izen saase ife á tana sok aner a tana ku rosom kuwe̱ne̱ng'e nasho̱o̱n ba, nizen iyong ne ba ta nye azumi.

aMatiyu 5:16

Kamok anong, won akanang yin tu ya kanang nasho̱o̱n ánerawe, nong ke á di kunye yin kutek ne á tà kerek Ada yin a ta se kaye̱e̱r kaza.

Itomong Ámanzo 20:8

Iro̱ng tuse whe̱re̱ nutu katoon'e kuya yir tin nyim yir kaye̱e̱r'e.

aMatiyu 13:31

aYeso bun a tú ku nye ba kumaas kukak ye, “Rigwo̱m kaza se kyo̱ndi ica amusta anerawe tá sok a ta tuus riko̱ wu.

aMatiyu 25:7

“Iyong nanamang kuso̱k ame dorok nong a tá nye iro̱ng ba.

aYohana 18:3

Ayong aYahuza sok ásozha whe̱re̱ ne áner aya a tá tor áko̱k kasho̱o̱n átsi ne áner aFarisi, nong á tá tseng azong. Á se be íro̱ng ne apitila ne ike̱re̱ itsom.

Ike̱ng a ta tonong aYohana 8:10

Amaleka afe ataar fe̱e̱p rigba rifu, yong agbang adar akak a ta se kanang kyo̱ndi kuro̱ng natoon kaza tikpa kaye̱e̱r abas azining kaye̱e̱r ataar afe agbang adung be itop ashi.