aMatiyu 24:9 - Izere New Testament

⁹ “Ne a ka yising yin nong a ta ka tabak yin ne a ka fe̱s yin. Kazatse cice̱r tà ka ranyin kamok riyerek'i.

aMatiyu 24:9 Referans Kwoze

aYohana 16:2

Á tà ka turung yin kaye̱e̱r atu aduwa. Katsak'e, izen saase iya ke aner akak a ta fe̱r yin, a tà di ye wu sen nye itomong Adakunom.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aLuka 21:12

“Nizham a ta ra nye ike̱re̱ na, a tà ka yising yin, ne a ka tabak yin dide̱ng. A tà tseng be yin natu aduwa áner aYahuda ne a ka te yin nitso̱m ne á tseng be yin nufe ágwo̱m ne áko̱k kasho̱o̱n kamok mi.

Ike̱ng a ta tonong aYohana 7:14

Iyong mi fe̱ be wu ye, “Atekasa, wan ren.” Ayong a fe̱ ye, “Áner na ne á nye áner aya a tá wuruk na amaan risam án kusu ares ba be naso̱k Aturuk'e á ta te akan pes.”

1 aBitrus 4:16

Ke ákak yin ta so̱ risam kamok yin nye yin áfikuus, sang tu fok yin isum baꞌ, ban i kerek yin Adakunom ingya kamok á ta ka yis yin be riyerek'ong.

Ike̱ng a ta tonong aYohana 2:13

Mi ren wan sor naro̱ Ishetan tu ku nye rigwo̱m. Gip be anong, wan ti kuus be katsak. Sang wan min kirik kama i ta won ku kuni no̱o̱k katsak natoon'i baꞌ, nizen a tá fe̱r Antipas a ta nye asam'i atek nuwo̱p wan, naro̱ kaya Ishetan tú ku se.

Itomong Ámanzo 7:59

Nizen iya á tá san ku barak be ata ne Itifanus nye aduwa a tá fe̱ ye, “aYeso Agwo̱m Ágwo̱m, shan kutser'i.”

aLuka 11:49

Kamok anong, Adakunom fe̱ kaye̱e̱r kukyem wu ye, ‘Mi tà tom áner kuzarap ne ámanzo, á tà fe̱s ákak ne á tabak ákak ba.’

aMatiyu 23:34

Kamok anong, mi sen ka tom yin be áner kuzarap ne áner áfe kukyem be áner á tana ka bo̱so̱p yin'e. Yin tà fe̱s yin ákak ba ne i tigak yin ákak. Yin tà whereng yin ákak ba kaye̱e̱r atu aduwa ne i ku ro yin ba ma ni iwo̱p ze̱r ze̱r.

Itomong Ámanzo 28:22

Amma yir shim ta fok yir kuto̱ro̱ng kufuan, kamok yir ren yir ye ánerawe koake̱ fe̱ itak imaan'e natoon kugung rice na.”

aMatiyu 22:6

Ribir'e yising ásam'me nong á tu ku no̱o̱k ba risam ne á ku fe̱s ba.

aYohana 15:18

“Ke kazatse ta ka rayin, to̱, ren yin ye ka tin ramin kum ni ime̱se̱ng'e.

aYohana 15:21

Ba tà nye be yin anong kamok riyerek'i, kamok ba ren aya a tin tom baꞌ.