aMatiyu 24:7 - Izere New Testament

⁷ Kaben kakak tà ko̱n be kakak ne rigwo̱m ko̱n be rigwo̱m. A tà nye amaan izong ne kaben zu ni naro̱ ze̱r ze̱r.

aMatiyu 24:7 Referans Kwoze

aLuka 21:11

Kaben tà zu dide̱ng, ne a nye amaan izong. Iriri iro̱k ta yising ánerawe koake̱, ike̱re̱ i tana no̱o̱k ánerawe inyim tá wuruk ne ike̱re̱ azhing wuruk naza dide̱ng.

Ike̱ng a ta tonong aYohana 6:8

Mi tá fa ye̱re̱k ne mi di itsaap ikak i ta se kyo̱ndi ashi aruron nasho̱o̱n mi. Riyerek aner aya a tin ngarak natoon itsaap'e nye Riku, karo̱ nabik áya a tan kus tu ku sor tsang ka ku kuus nama. Á tú no̱o̱k ba kukyem a tanin fe̱s ikes azining kaye̱e̱r ikes anaas ife kazatse be itsor ne izong be iro̱k ne ámaan kukewum.

Itomong Ámanzo 11:28

Kabik sak akak kaye̱e̱r ba riyerek wu tá nye Agabus dorok a nyeseng a tá nye kuzarap. A fe̱ ye izong ta no̱ dide̱ng nazatse na kusum (Iyu se nizen iya aKalaudiyus tá nye agwo̱m.)

Ike̱ng a ta tonong aYohana 6:12

Aturuk'e ta fa bisik kudun'e kufe igataar ne kazatse wor ka zuur be agap. Kunom wor ku te whi kyo̱ndi kukpiin kuwe kuya a ta nye be nakuyo̱ng izha iwe. Kufe̱n cice̱r ku te kuseng zhau kyo̱ndi naso̱k.

Ibrani 12:27

Rife̱ a ta fe̱ ye, “kutak kuzining'ong” tonong ye, a ta turung ike̱re̱ iya a ta zuur'me; i ta nye ike̱re̱ iya Adakunom tá nye, kamok ike̱re̱'me ikak iya sang a tá kyem á zuur baꞌ, kuse.

Itomong Ámanzo 2:19

Mi tà tonong ánerawe kukyem mi natoon kaza be ike̱re̱ azhing aze nazatse. Naso̱k be kuro̱ng ne itsing tà tseng naza kyo̱ndi kuwun ta tseng be ane̱n.

Ike̱ng a ta tonong aYohana 6:5

Nizen iya Aturuk'e ta bisik kudun'e kufe ataar ne mi fok ike̱ng'e ife ataar ta fe̱ ye, “Be̱.” Ne mi di itsaap iwe nasho̱o̱n mi. Aner aya a tin ngarak ni itsaap'e be ike̱ng ifa a tin maas kugaar ike̱re̱ nubo̱k wu.

Ike̱ng a ta tonong aYohana 6:6

Ne mi fok ike̱ng ikak kyo̱ndi kuto̱ kukak natite ike̱re̱ ame ku tá fe̱ ye, “Amudu ikpe naya a ta yis ye alikama se kyo̱ndi ishorong kuwoso alebura, amudu ataar afe ikpe naya a ta yis ye abale se kyo̱ndi ishorong kuwoso alebura. Amma tu beseng name nafar'e ka ashi anap'e baꞌ.”