aMatiyu 24:43 - Izere New Testament

⁴³ Amma ren yin ye, ke a fa fe̱ ye, atekasa ren katuk kaya akpatang tana be̱ nasa wu, ke a tor kasa'me fan akpatang bu fo nong a ta no̱ kaye̱e̱r'e.

aMatiyu 24:43 Referans Kwoze

aLuka 12:39

Amma yin ren yin ye, ke a fa nye ye atekasa ren izen iya akpatang tana be̱, ke a tor kasa wu sang ke a won nong akpatang ta nye itsang baꞌ.

aMatiyu 24:44

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

aMatiyu 20:11

Nizen á tá shan itso̱m'e, á fe̱ nyinye̱m be atek riko̱'me ye,

aMatiyu 14:25

Nabas itso̱m inaas ife kadiding, aYeso ti wuruk niba. A tá tseng natoon ashi.

aMatiyu 24:42

“Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

aMatiyu 25:10

“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

aMarkus 6:48

aYeso tá fa di álimazhiri ta sen so̱ risam nong á ta gor be kukpara ashi ba'me, kamok kuwun tu zim ba. Nabas itso̱m itaar natuk, yong a ti wuruk niba natoon ashi. A tseng kyo̱ndi a tú ku gor ba.

aMarkus 13:35

“Kamok anong, sak yin riye̱ kamok sang yin ren yin izen atekasa'me tana bun a be̱ baꞌ, ka shim i ta se nawheshirim ka natite katuk ka nusetson ka nadiding ayi.

aLuka 12:38

I ta sor ike̱ng riye̱ rikan be ásam áya a tá nye kanye̱k ko atekasa'me be̱ natite katuk ka nadiding bop, ne a ku se̱ ba be kanye̱k.

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

Ike̱ng a ta tonong aYohana 3:3

Kamok anong, yiring be ike̱ng iya wan ta fok i ta shan. Kuus nong ta shishing kuse wan. Amma ke wan dorok baꞌ, mi tà be̱ kyo̱ndi akpatang, wan tà ren izen iya mi tana be̱ baꞌ.

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”