aMatiyu 24:42 - Izere New Testament

⁴² “Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

aMatiyu 24:42 Referans Kwoze

aLuka 21:36

Sor yin be kanye̱k koakye izen, ne i nye yin aduwa nong tà wher yin ike̱re̱ i tana nye, nong ta kyem i nyeseng yin nasho̱o̱n Igon Anerawe.”

1 aTasalonika 5:6

Kamok anong sang tu men yir ida kyo̱ndi ákak baꞌ, amma won yir tu sor yir be ato yir kuye̱ ne i sak yir riye̱.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

1 aKoranti 16:13

Sor yin be kanye̱k, nyeseng yin gye̱r kaye̱e̱r kuno̱o̱k katsak yin, Sor yin áner ku naka tsesek, nyeseng yin be agap.

aMatiyu 24:36

“Ko akak ren ike̱ng ikak natoon kunom'e ka izen'e baꞌ, ko ámaleka kaye̱e̱r kaza, ka Igon'e ren baꞌ, Ada'me wu ze̱r tsek ne a ren.

aRom 13:11

To̱, kuus yin ike̱re̱ na kamok yin ren yin kuri izen afe yir tin se yir. Izen n nye ife yin tana shiming yin nida, kamok izen kashesh yir n be̱ bubarak kyo̱o̱rna nar nizen iya yir tin no̱o̱k yir katsak ni ime̱se̱ng'e.

aMatiyu 24:44

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

1 aBitrus 5:8

Yiir yin rice yin ne i sak yin riye̱ kamok amudo̱n yin Ishetan tsang a kar kyo̱ndi azaki a tsang a muus kamok a tse̱r aner aya wu tana fe̱r.

1 aBitrus 4:7

Igang kazatse m be̱ bubarak. Kamok anong, sor yin be kanye̱k ne i yiir yin rice yin gye̱r nong ase̱ ta kyem i nye yin aduwa.

aMatiyu 24:43

Amma ren yin ye, ke a fa fe̱ ye, atekasa ren katuk kaya akpatang tana be̱ nasa wu, ke a tor kasa'me fan akpatang bu fo nong a ta no̱ kaye̱e̱r'e.

aMatiyu 25:10

“Ba ta fa dorok á sen tseng, ne aner a tana sok abining afas'e be̱. Nanamang naya na tá tsang á nye kanye̱k'e no̱ naro̱ kunye riye̱ rikan'e mak be wu ne a whe̱e̱n kutu'me.

aLuka 21:34

“Sak yin riye̱, so̱. Sang tu won yin kuso̱ ike̱re̱ ne kuya kanu be kushim ike̱re̱ kazatse na ta sok kuto̱ro̱ng yin baꞌ, sang ke anong baꞌ, kunom'e tin be̱ ni yin niburum.