aMatiyu 24:36 - Izere New Testament

³⁶ “Ko akak ren ike̱ng ikak natoon kunom'e ka izen'e baꞌ, ko ámaleka kaye̱e̱r kaza, ka Igon'e ren baꞌ, Ada'me wu ze̱r tsek ne a ren.

aMatiyu 24:36 Referans Kwoze

aMarkus 13:32

“Amma akak ren kunom'e ka izen'e dim baꞌ, ko ámaleka a ta se natoon kaza ka Igon'e gip, ma ke Ada'me wu ze̱r tsek ne a ren.

Itomong Ámanzo 1:7

Ayong aYeso fe̱ be ba ye, “Sang i nye ife yin tana ren yin izen'e ka kunom kuya Ada tan sak kaye̱e̱r kushim wu baꞌ.

aMatiyu 24:44

Kamok anong, yin gip nye yin kanye̱k, kamok yin ren yin izen Igon Anerawe tana be̱ baꞌ.

2 aBitrus 3:10

Katuk kube̱ Agwo̱m Ágwo̱m bu se kyo̱ndi kube̱ akpatang. Katuk kayong a tà fok riwo̱ng be agap ne kaza wei, cice̱r ike̱re̱ a tin nye kaza be kaben a tà shosh. Koakye i ta se nune̱re̱ng kaye̱e̱r'e a ta tun kanang nasho̱o̱n Adakunom.

1 aTasalonika 5:2

Kamok yin be rice yin, yin ren yin ye katuk kube̱ Agwo̱m Ágwo̱m yir bu se kyo̱ndi kube̱ akpatang ta be̱ natuk.

Ike̱ng a ta tonong aYohana 16:15

“Di yin, mi saase kyo̱ndi akpatang. Aner riye̱ rikan ne a nye aner aya a ta sor be kanye̱k, ne a sor be ares wu bubarak fan a bu tseng ica'me ne a fok isum kaye̱e̱r ánerawe.”

aMatiyu 24:42

“Kamok anong, sor yin be kanye̱k kamok yin ren katuk Agwo̱m Ágwo̱m'me tana be̱ baꞌ.

aMatiyu 25:13

“Kamok anong, yin sor yin be kanye̱k, kamok yin ren yin kunom'e ka izen'e baꞌ.”

Ike̱ng a ta tonong aYohana 3:3

Kamok anong, yiring be ike̱ng iya wan ta fok i ta shan. Kuus nong ta shishing kuse wan. Amma ke wan dorok baꞌ, mi tà be̱ kyo̱ndi akpatang, wan tà ren izen iya mi tana be̱ baꞌ.