aMatiyu 24:31 - Izere New Testament

³¹ A ta tom ámaleka wu nong á ta fe̱e̱p rigba ri ta wo̱ng dide̱ng ne á tusung aya a tá kasa nikes kazatse inaas, nikes kuyu ma nigang kazatse.

aMatiyu 24:31 Referans Kwoze

1 aTasalonika 4:16

Katuk kayong, Agwo̱m Ágwo̱m yir tà tiik kaben be rice wu, ne a yis be agap, be kuto̱ agbang amaleka ne a fe̱e̱p rigba Adakunom. Áya a tan tsang á kus kaye̱e̱r aKiristi baꞌ, ne á ta san kudorok.

aMarkus 13:27

A tà tom ámaleka wu nong a tà tusung áya wu tan kasa kaye̱e̱r ikes kazatse inaas. A ta san ne kaye̱e̱r kazatse ma kaye̱e̱r kaza.

1 aKoranti 15:52

nizen izining kyo̱ndi kutsor anyisi be kufok rigba rife̱ igang'e. A tà fe̱e̱p rigba, a tà bun a dorok ikom be iro̱m kuri kuya sang ku tana bus baꞌ, ne a shishing iro̱m yir.

aMatiyu 13:41

Igon Anerawe tà tom ámaleka wu, á tù ku tusung cice̱r áfe a ta sak ánerawe tá nye rine̱n ne áya a tà nye amaan kunye cice̱r.

2 aTasalonika 2:1

To̱, ároneng natoon izen kube̱ Agwo̱m Ágwo̱m yir aYeso Kiristi ne izen a tanin tusung yir cice̱r nasho̱o̱n wu, yir ta nye yin izong ye,

Afisa 1:10

Kanye̱k wu se, ye ke izen'e nye dim, a tà gung ike̱re̱ cice̱r, ike̱re̱ iya i ta se kaye̱e̱r kaza be iya i ta se kaben nong aner azining tin nye rigwo̱m, aKiristi ne a tin nye rigwo̱m'e.

aYohana 11:52

Sang kamok áner aYahuda tsek baꞌ, amma nong a tà tusung áner Adakunom aya a tá te shaam tà te azining.

aMatiyu 25:31

“Nizen iya Igon Anerawe tana be̱ kaye̱e̱r kuyiik wu mak be ámaleka cice̱r, a tà sonong na ayiik itsik rigwo̱m wu.

Ike̱ng a ta tonong aYohana 7:1

Nama ike̱re̱ iyong, ne mi di ámaleka anaas á tan nyeseng nikes kazatse inaas, á ta te̱ne̱ng kuwun iri naas fan i bu fe̱e̱p kaben ka ashi ka koakye kuri kakon.

Ike̱ng a ta tonong aYohana 8:2

Iyong mi di ámaleka kanataar ame á ta nyeseng nasho̱o̱n Adakunom, a tá ka no̱o̱k ba agba kanataar.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

aMatiyu 28:18

Ayong aYeso be̱ bubarak be ba, a tá fe̱ ye, “A min no̱o̱k kukyem kaye̱e̱r kaza be kaye̱e̱r kazatse cice̱r.

aMatiyu 24:22

Ye kamok inom'e ta se cie̱k baꞌ, ke aner akak kyem a gaar be kutser baꞌ, amma kamok áya afe a tan kasa, a sak inom'e te cie̱k.

Ike̱ng a ta tonong aYohana 11:15

Ayong amaleka afe kanataar ame tá fa fe̱e̱p rigba rifu, ne a fok íto̱ íkak kanang kaye̱e̱r kaza i ta fe̱ ye, “Rigwo̱m kazatse n te rife Agwo̱m Ágwo̱m yir ne aKiristi wu, wu ne a ta nye rigwo̱m ma izen izen.”

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

Ike̱ng a ta tonong aYohana 1:20

Ádar kanataar wan ta di nubo̱k riya mi be iro̱ng i ta se nike̱re̱ kanataar naro̱ a tin saas iro̱ng a tá nye be izinariya'me sor ana: Ádar kanataar'ong nye ámaleka nazu ikilisiya kanataar ame, ike̱re̱ ife a tin tes irong kanataar'e nye agbang iwo̱p kanataar ame.

aMatiyu 24:24

Kamok aKiristi áfe abo̱o̱s be áner kuzarap abo̱o̱s tà wuruk ne á nye itomong azhing be ike̱re̱ azhing nong á ta wo̱ro̱k ánerawe ma be áya a tan kasa, ke i ta kyem i se anong.

aMatiyu 24:32

“Ye̱re̱k yin atafo ta di yin, izen iya ne ato'me suruk, ke i san kufunung yin tà ren yin ye kushik m be̱ bubarak.

Ibrani 12:19

ka rigba, ka kuto̱ ku ta fe̱ kanu. Kuto̱ ku tá fe̱ kanu'ong sak áfe a tá fok nye izong ye sang a tú ba fe̱ be ba baꞌ.