aMatiyu 24:14 - Izere New Testament

¹⁴ Á ta taas Rife̱ Ritek na natoon rigwo̱m kaza kaye̱e̱r kazatse na cei nong i ta sor asheda natoon koangan, ne igang'e ma be̱.

aMatiyu 24:14 Referans Kwoze

Ike̱ng a ta tonong aYohana 14:6

Ne mi bun i di amaleka akak ta kar natoon kaza, a be Rife̱ Ritek Adakunom rife̱ izen izen nong a ta tak ánerawe kaye̱e̱r kazatse cice̱r, koakye kuri anerawe be koakye kuri izere be koangan irem.

aRom 10:18

Mi rip ana'ong, katsak'e ba fok aꞌa? A fok ko̱! Kyo̱ndi rife̱ Adakunom ta fe̱ ye, “Kuto̱ ba n tseng koake̱ kaye̱e̱r kazatse, rife̱ ba n tseng nigang kazatse.”

aLuka 24:47

A ta taas ánerawe ninaro̱ ze̱r ze̱r itak natoon kushishing kuse be kure̱ng rine̱n kaye̱e̱r riyerek wu, A ta san'e na aUshalima.

aKolosi 1:23

ke yin ya yin kasho̱o̱n be kuno̱o̱k katsak yin, ne i nyeseng yin kpa natoon'e. Sang tu won yin a ta ka zuur yin ma ta won yin ku ni te riye̱ riya yin ta min te yin nizen iya yin tá fok yin Rife̱ Ritek'e baꞌ. Rife̱ Ritek yin tá tsang i fok yin'ong ne a taas koakye kuri ánerawe á ta se nazatse ne mi aBulus ti te aner itomong'e.

aMatiyu 10:7

Ke yin tseng yin, ku nye yin ba awazi ye, ‘Rigwo̱m kaza m be̱ bubarak!’

aMatiyu 9:35

Nama anong aYeso tsang tseng na agbang iwo̱p ne izhizhe̱k'e cice̱r, ne a nye awazi kaye̱e̱r atu aduwa ba. Ne a ku taas ba Rife̱ Ritek natoon rigwo̱m Adakunom ne a sak áfe iro̱k ze̱r ze̱r te atser.

aKolosi 1:6

Rife̱ Ritek na sak ánerawe shining ne áya kasho̱o̱n kaye̱e̱r kazatse cei, kyo̱ndi ri tá nye kaye̱e̱r yin kum nizen ife yin tá san ku fok yin itak ritek Adakunom, ne i ren yin ye i nye katsak.

aMatiyu 24:6

Yin tà fok yin itak itsom ne i foos yin nawor itsom. Sang yin tu te yin febek baꞌ, kamok ma a nye anong, amma igang'e rusek nizham.

aMatiyu 4:23

aYeso gorok kaben aGalili cice̱r ne a bo̱so̱p ánerawe'me kaye̱e̱r atu aduwa ba, ne a ku taas ba Rife̱ Ritek natoon rigwo̱m kaza. Ne a sak áfe iro̱k iriri me tá te atser.

Itomong Ámanzo 17:6

Amma a tá fa ku se̱ ba azong baꞌ, ne á yising aZhason be áfikuus akak. Á tá ka ko̱k ba a tá tseng be ba nufe ágwo̱m kuwo̱p'e ne á tasak ye, “Áner aya a ta tsang á zho̱ro̱p kazatse na koake̱ be kuren an be̱ aze kyo̱o̱rna,

Ike̱ng a ta tonong aYohana 3:10

Kum wan ta kuus rife̱ mi natoon kutsesek, mi tà ka fek nizen kubo̱mo̱ng kuya ku tana be̱ natoon kazatse cice̱r, nizen iya a tana bo̱mo̱ng ánerawe kazatse.

Itomong Ámanzo 20:25

“Kyo̱o̱rna mi ren ye sang akak kaye̱e̱r yin áya mi tan tsang i gorok ne i ka taas yin itak rigwo̱m Adakunom tà ba ni di baba baꞌ.

aMatiyu 24:3

Nizen iya aYeso ta se nusonong natoon Kawhanang Nafar, yong álimazhiri wu be̱ nufu awan ba nong á ta fe̱ be wu ye, “Ni tak yir, na akye̱ izen ne ike̱re̱ na tà nye e̱? Akye̱ ne i nye ike̱ng i tana tonong ye izen kube̱ wan n be̱ bubarak ne izen kazatse tana gang e̱?”

Ike̱ng a ta tonong aYohana 16:14

Ámaan nabik'e nye ítseng i tá nye ike̱re̱ azhing. Á tsees nufe ágwo̱m kazatse na cice̱r nong a ta ka tusung ba naro̱ kazining kamok itsom a tana ko̱n katuk agbang kunom Adakunom afe kukyem cice̱r.

aLuka 4:5

Iyong Ishetan bun a tseng be wu naro̱ kakak ring ring, nong a tá su ku tonong rigwo̱m kazatse cei kaye̱e̱r izen cie̱k.

Itomong Ámanzo 1:2

ma katuk'a a tú ku sok a tá tseng kaye̱e̱r kaza. Nizham a tá ra ku sok a tá tseng kaye̱e̱r kaza, a ti nye itomong be Kabik Kazhe̱l'e nong a fe̱ be agap be ámanzo aya wu tá kasa.

Itomong Ámanzo 11:28

Kabik sak akak kaye̱e̱r ba riyerek wu tá nye Agabus dorok a nyeseng a tá nye kuzarap. A fe̱ ye izong ta no̱ dide̱ng nazatse na kusum (Iyu se nizen iya aKalaudiyus tá nye agwo̱m.)

aMatiyu 18:19

“Mi bun i fe̱ be yin gbak ye, ke áner áfa kaye̱e̱r yin áya kuto̱ro̱ng ba ta se kuzining rip ike̱ng ikak, Ada mi afe a ta se kaye̱e̱r kaza ta ka nye ba'me.

aLuka 2:1

Nizen iyong agbang agwo̱m a tú ku yis ye aKaisar Agusta no̱o̱k itsi ye a ra fa ánerawe niben aRom cice̱r.

aMarkus 13:10

Amma ni ime̱se̱ng'e, a ta taas ánerawe Rife̱ Ritek cice̱r ma koakye irem fok nizham.

Itomong Ámanzo 17:31

Kamok Adakunom'me n sak kunom kuya a tana be̱ nong a tà to̱ kazatse amok kaye̱e̱r katsak. A tonong koangan anerawe ye iyong nye katsak kamok a tú dorok nure̱k.”

Itomong Ámanzo 19:27

Agbang kudaam kuse, rizhik yir ta kpa amaan riyerek. Ánerawe ta zhe̱e̱sh karo̱ kuya iben kunom yir Atemis ayiik'e. Kuyiik kunom yir be rice wu aya a tu ku ya iben koake̱ kaye̱e̱r iben Asiya ta kpa.”

Ibrani 1:6

Nizen iya Adakunom tá tom igon wu kafe ime̱se̱ng'e kaye̱e̱r kazatse, a bun a fe̱ ye, “Won ámaleka cice̱r tu ku ya iben.”

Ibrani 2:5

Sang Adakunom sak ámaleka nong á tin nye rigwo̱m nizam iyu afe yir ta sen nife̱ yir na baꞌ.