aMatiyu 24:13 - Izere New Testament

¹³ Amma aner aya ne a nyeseng be agap ma nigang'e, a tà se̱ kashesh.

aMatiyu 24:13 Referans Kwoze

aMatiyu 10:22

Ánerawe cice̱r tà ka ranyin kamok mi, amma aner aya ne a nyeseng be agap ma nigang'e, a tà se̱ kashesh.

Ike̱ng a ta tonong aYohana 2:10

Sang tu fok inyim risam wan tana so̱ baꞌ. Won ta ka tak, Amaan Aner tà te ákak yin nitso̱m nong a ta ka bo̱mo̱ng yin ne a ka tabak yin ma kuko̱s kuso̱k. Amma nyeseng be agap nong ko a ta ka fe̱r kamok mi, mi tà ka no̱o̱k ishorong kutser kufe izen izen.

aMarkus 13:13

Ánerawe cice̱r tà ka ranyin kamok mi. Amma aner aya ne a nyeseng ma nigang'e, a ta se̱ kashesh.

Ibrani 10:39

Yir nye yir kuri áya a tana kubun kama ne á wei baꞌ, amma yir min no̱o̱k yir katsak, a min shesh yir.

Ibrani 3:14

Yir ta te yir azining be aYeso ke i yiir yir katsak yir ta be yir kum ni ime̱se̱ng'e kpa ma nigang'e.

aRom 2:7

Áner áya a ta tsesek kaye̱e̱r kunye ike̱re̱ itek nong a ta se̱ nakerek be kuyiik ne kutser kufe izen izen, ba ne Adakunom tà ka no̱o̱k ba ishorong kutser kufe izen izen.

1 aKoranti 1:8

Wu tà ka berek yin ma nigang'e fan a ba ka se̱ yin be rine̱n katuk kube̱ Agwo̱m Ágwo̱m yir aYeso Kiristi.

aLuka 8:15

Íca ife i ta kpas niben itek nye áner aya a tá shan rife̱'me be riye̱ rizining, áfe a ta fok rife̱ Adakunom ne á ninye itomong ne á na ka tsesek ma ne á te ike̱ng itek.

Ibrani 3:6

Amma aKiristi tonong katsak kyo̱ndi igon a tu ku no̱o̱k kukyem a tanin sak riye̱ natoon ánerawe Adakunom cice̱r. Yir ne i nye yir ánerawe'me, ke i ya yir kasho̱o̱n be ku naka tsesek ne ku ni te riye̱ kuya i tin tsor yir kafok natoon'e ma nigang'e.

aMatiyu 24:6

Yin tà fok yin itak itsom ne i foos yin nawor itsom. Sang yin tu te yin febek baꞌ, kamok ma a nye anong, amma igang'e rusek nizham.

aMatiyu 24:12

Kamok amaan kunye tin barang, kushim ánerawe whe̱re̱ tà shirim.

aLuka 21:19

Nyeseng yin be agap, yin tà se̱ yin kashesh.”